ວັນທີ13ຕຸລານີ້,ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ,ທ່ານລິວເວີຍມີນ,ໂຄສົກກະຊວງການຕ່າງປະເທດຈີນໄດ້ແນະນຳສະພາບການທີ່ທ່ານຊົ້ງທ່າວ,ລັດຖະມົນຕີຊ່ວຍວ່າການກະຊວງການຕ່າງປະເທດຈີນຮຽກພົບເອກອັກຄະລັດຖະທູດສາມປະເທດ ຄື:ໄທ,ລາວແລະມຽນມາເພື່ອຕໍ່ວ່າຕໍ່ຂານກ່ຽວກັບເຫດການທີ່ລູກເຮືອຈີນຖືກຫຼອນໂຈມຕີຢູ່ເທິງແມ່ນ້ຳຂອງ.ທ່ານລິວເວີຍມີນກ່າວວ່າ,ລັດຖະບານຈີນຖະໜຸຖະໜອມຄວາມປອດໄພດ້ານຊີວິດຂອງພົນລະເມືອງຈີນທຸກຄົນ,ຈະສືບສວນເຫດການນີ້ຢ່າງເຖິງຖອງ,ແລະລົງໂທດຜູ່ຕ້ອງໂທດ.ຈີນຮຽກ ຮ້ອງໃຫ້ສາມປະເທດ ຄື:ໄທ,ລາວແລະມຽນມາສະໜອງການຊ່ວຍເຫຼືອໃນວຽກດັ່ງລຸ່ມນີ້,ຄື:"ໜຶ່ງ,ເພີ່ມຄວາມແຮງດ້ານການສືບສວນ,ເພື່ອຊອກຮູ້ເລື່ອງຈິງແລະແຈ້ງໃຫ້ຝ່າຍຈີນຊາບຢ່າງທັນການ,ລົງໂທດຜູ່ຕ້ອງໂທດຢ່າງເຄັ່ງຄັດຕາມກົດໝາຍ;ສອງ,ສະໜອງການຊ່ວຍເຫຼືອແລະປົກປ້ອງໃຫ້ລູກເຮືອຈີນທີ່ຍັງຕິດຄ້າງຢູ່ທ່າເຮືອຊຽງແສນຂອງໄທ,ຮັບປະກັນຄວາມປອດໄພຂອງລູກເຮືອ,ແລະສະໜອງຄວາມສະດວກແລະການຊ່ວຍເຫຼືອໃຫ້ເຮືອລາດຕະເວນຂອງຕຳຫຼວດຈີນທີ່ໄປຮັບລູກເຮືອຈີນ;ສາມ,ຕ້ອງໃຊ້ມາດຕະການຢ່າງແທ້ຈິງ,ເພີ່ມທະວີການປົກປ້ອງຕໍ່ລູກເຮືອຈີນທີ່ເດີນເຮືອຢູ່ໃນເຂດລ່ອງແມ່ນ້ຳຂອງ,ຫຼີກເວັ້ນບໍ່ໃຫ້ເກີດເຫດການລັກສະນະຮ້າຍແຮງແບບນີ້ອີກຢ່າງເດັດຂາດ.ຈີນຈະຮ່ວມກັນກັບບັນດາຝ່າຍທີ່ກ່ຽວຂ້ອງເພີ່ມວິທີການປ້ອງກັນຄວາມປອດໄພຂອງທາງເດີນເຮືອຢູ່ເຂດລ່ອງແມ່ນ້ຳຂອງ,ຫວັງໃຫ້ບັນດາຝ່າຍຕັ້ງໜ້າສະໜັບສະໜູນແລະປະສານງານ,ຮ່ວມກັນປົກປ້ອງຄວາມປອດໄພຂອງທາງເດີນເຮືອສາກົນອັນສຳຄັນສາຍນີ້."ທ່ານລິວເວີຍມີນເຜີຍໃຫ້ຮູ້ວ່າ,ເອກອັກຄະລັດຖະທູດສາມປະເທດສະແດງຄວາມໄວ້ອາໄລດ້ວຍຄວາມເສົ້າສະຫຼົດໃຈຕໍ່ລູກເຮືອຈີນທີ່ເສຍຊີວິດຍ້ອນຖືກຫຼອນໂຈມຕີ,ແລະກ່າວວ່າ,ເອົາໃຈໃສ່ໃນລະດັບສູງຕໍ່ການຕໍ່ວ່າຕໍ່ຂານຂອງຈີນແລະຈະລາຍງານໃຫ້ລັດຖະບານຂອງຕົນໃນທັນທີ, ຍິນດີອອກແຮງປະສານງານກັບຈີນ,ດຳເນີນການສຳຫຼວດຢ່າງຕັ້ງໜ້າ,ແລະອອກແຮງຊ່ວຍເຫຼືອວຽກງານຊຳລະສະສາງ.
ຈະໄປສືບສວນໃຫ້ມັນຍາກຫັຍງຈັບທະຫານໄທກອງກຳລັງຜາເມືອງຫັ້ນເດໄປລົງໂທດ ແນວມື້ທຳອິດທີ່ຍຶດເຮືອຈີນໄດ້ເພິ່ນກໍ່ອ້າງຜົນງານອອກຫນ້າອອກຕາວ່ານີ້ແມ່ນປະຕິບັດ ການລັບສຸດຍອດໂດຍບໍ່ໃຫ້ເຈົ້າຫນ້າທີ່ທ້ອງຖິ່ນຮັບຊາບ ພ້ອມທັງອ້າງວ່າແຫຼ່ງຂ່າວເພິ່ນ ໄດ້ຕິດຕາມເຮືອຈີນມາດົນແລ້ວວ່າຈະມີການຊຸກເຊື່ອງຢາເສບຕິດມານຳເຮືອສິນຄ້າ ເພິ່ນເວົ້າວ່າພາຍຫລັງເຮືອເຂົ້ານ່ານນໍ້າໄທເພິ່ນໄດ້ເອິ້ນເຮືອຈອດເພື່ອກວດກາແຕ່ ເຮືອໄດ້ລ້ຽວໄປຝັ່ງລາວເພິ່ນຈຶ່ງຮີບເຂົ້າສະກັດແລະໄດ້ຍິງຕໍ່ສູ້ກັນຈົນເຮັດໃຫ້ລູກເຮືອເສຍ ຊີວິດຄ່າທີ່ 1ຄົນ ຈາກນັ້ນບັນດາເວບຂ່າວຕ່າງໆກໍ່ໄດ້ລົງຂ່າວຊົມເຊີຍກັນຢ່າງໃຫ່ຍເພິ່ນ ຍັງອ້າງອີກວ່າຈີນຈະຊົມເຊີຍເພິ່ນ ແລະງານນີ້ຈະມີເຈົ້າຫນ້າທີ່ຈີນຖືກລົງໂທດ ຫລາຍຄົນໃນຖານະມີສ່ວນກ່ຽວຂ້ອງ ໂດຍສະເພາະສຳນັກຂ່າວຜູ້ຈັດການ ບາດວ່າທາງການຈີນຊີ່ເອົາເລື້ອງພັດປິ້ນຂ່າວວ່າເປັນພວກໂຈນສະລັດແມ່ນໍ້າຂອງເປັນ ຜູ້ຂ້າຈັ່ງແມ່ນປີ້ນຄວາມໄວ ຊໍ້າບໍ່ພໍຍັງຊອກເລື້ອງມາໃຫ້ລາວ ກັບ ພະມ້າອີກ
