ເຈົ້າໜ້າທີ່ ປກສ ນະຄອນຫຼວງ ໄດ້ເຂົ້າຈັບກຸມທ້າວ ສຸວັນຄຳ ຫຼື ສາຄອນ ອາຍຸ 52 ປີ ເຊື້ອຊາດລາວ ສັນຊາດອາເມລິກາ ພ້ອມດ້ວຍພັກພວກສັນຊາດໄທ 2 ຄົນ ແລະ ຄົນລາວ 1 ຄົນ ໃນຂໍ້ຫາສໍ້ໂກງຊັບພົນລະເມືອງ ພ້ອມຂອງກາງ ເງິນບາດຈຳນວນ 506.800 ບາດ ເງິນໂດລາ 14.300 ໂດລາສະຫະລັດ ແລະ ເງິນໂດລາປອມ (ກອບປີ້) ຈຳນວນ 6 ມັດ (ມັດລະແສນໂດລາ) ການຈັບກຸມໄດ້ມີຂຶ້ນໃນວັນທີ 9 ມິຖຸນາ 2011 ຢູ່ໂຮງແຮມແຫ່ງໜຶ່ງ ທີ່ນະຄອນຫຼວງວຽງຈັນ.
ຕາມການເປີດເຜີຍຂອງເຈົ້າໜ້າທີ່ ປກສ ນະຄອນຫຼວງວຽງຈັນ ໃຫ້ຮູ້ວ່າ: ໃນວັນທີ 9 ມິຖຸນາ 2011 ເວລາ 9:00 ໂມງ ພະແນກສືບສວນ-ສອບສວນຄະດີອາຍາ ນະຄອນຫຼວງ ໄດ້ຮັບແຈ້ງຄວາມຈາກ ນາງ ລາ (ຜູ້ເສຍຫາຍ) ວ່າ: ໃນວັນທີ 8 ມິຖຸນາ 2011 ໄດ້ມີນາງ ເຊັງວາງ ຫຼື ເຢີຊົງ ພ້ອມດ້ວຍພັກພວກ ວາງແຜນຕົ້ມຕຸນເອົາເງິນຂອງຕົນ ລວມເປັນເງິນຫຼາຍກ່ວາ 300 ລ້ານກີບ ພາຍຫຼັງໄດ້ຮັບແຈ້ງຄວາມ ທາງເຈົ້າໜ້າທີ່ຈຶ່ງໄດ້ລົງຕິດຕາມ ແລະ ຈັບຕົວເປົ້າໝາຍໄດ້ຈຳນວນ 4 ຄົນ ຄື: 1. ທ້າວ ພອນ ສຸວັນຄຳ ອາຍຸ 52 ປີ ເຊື້ອຊາດລາວ ສັນຊາດອາເມລິກາ ຢູ່ເມືອງວໍຊິງຕັນ ລັດມີນິດໂຊຕາ ປະເທດອາເມລິກາ 2. ນາງ ເຢີຊົງ ອາຍຸ 35 ປີ ບ້ານຫຼັກ 52 ເມືອງໂພນໂຮງ ແຂວງວຽງຈັນ 3. ທ້າວ ວັດຊິວະ ຈຶງກະຕູນ ຫຼື ແອ ອາຍຸ 66 ປີ ສັນຊາດໄທ ຢູ່ເຂດຫ້ວຍຂວາງ ກຸງເທບມະຫານະຄອນ ປະເທດໄທ 4. ນາງ ກຸນລະສີ ອຳນາດອັກສອນ ອາຍຸ 57 ປີ ສັນຊາດໄທ ຢູ່ເຂດວິພາວະດີ ເມືອງບາງເຂນ ກຸງເທບມະຫານະຄອນ ປະເທດໄທ ຜູ້ຕ້ອງຫາທັງ 4 ຮັບສາລະພາບວ່າ: ໄດ້ຮ່ວມກັນວາງແຜນຕົ້ມຕຸນເອົາເງິນຂອງນາງ ລາ ແທ້ ດ້ວຍຮູບການຫຼິ້ນການພະນັນ ນາງ ກຸນລະສີ ໃຫ້ການຕໍ່ເຈົ້າໜ້າທີ່ວ່າ: ໃນວັນທີ 7 ມິຖຸນາ 2011 ໄດ້ເຂົ້າມາລາວທາງຂົວມິດຕະພາບລາວ-ໄທ (ໜອງຄາຍ) ໂດຍແມ່ນທ້າວ ສາຄອນ ແລະ ນາງ ເຊັງວາງ ເປັນຄົນອຳນວຍຄວາມສະດວກໃນການພັກເຊົາ ຕົກມາຮອດວັນທີ 8 ມິຖຸນາ 2011 ພາກັນຕົ້ມຕຸນເອົາເງິນຂອງນາງ ລາ ດ້ວຍການຫຼິ້ນການພະນັນນຳກັນ 4 ຄົນ ໂດຍນາງ ລາ (ຜູ້ເສຍຫາຍ) ເອົາເງິນມາຈຳນວນ 20.000 ໂດລາສະຫະລັດ ແລະ ເງິນບາດຫຼາຍກ່ວາ 600.000 ບາດ ພໍຫຼິ້ນໄປໄລຍະໜຶ່ງ ພວກຕົນກໍສໍ້ໂກງເອົາເງິນນາງ ລາ ຈົນໝົດ ຫຼັງຈາກຜູ້ເສຍຫາຍກັບເມື່ອ ພວກຕົ້ມຕຸນກໍໄດ້ແບ່ງປັນເງິນ ໂດຍຕົນເອງໄດ້ເງິນຈຳນວນ 200.000 ບາດ ແລະ ທ້າວ ແອ ກໍໄດ້ສ່ວນແບ່ງ 200.000 ບາດ ສ່ວນເງິນທີ່ຍັງເຫຼືອ ແມ່ນມອບໃຫ້ ທ້າວ ສາຄອນ ເປັນຜູ້ແບ່ງປັນໃຫ້ນາງ ເຊັງວາງ ພາຍຫຼັງແບ່ງປັນກັນແລ້ວ ພວກຕົນ 2 ຄົນກໍກັບປະເທດໄທ ແລະ ກັບເຂົ້າມາໃນວັນທີ 9 ມິຖຸນາ 2011 ແລະ ຖຶກເຈົ້າໜ້າທີ່ຈັບຕົວ ທ້າວ ສາຄອນ ໃຫ້ການວ່າ: ໃນໄລຍະຜ່ານມາ ໄດ້ເຄື່ອນໄຫວສໍ້ໂກງຊັບພົນລະເມືອງ ດ້ວຍຮູບການຫຼິ້ນການພະນັນ (ເມັດຖົ່ວ) ຢູ່ປະເທດອາເມລິກາມາແລ້ວ 3 ຄັ້ງ ເຊິ່ງມີອາຈານເປັນຄົນຈີນ ເປັນຜູ້ຝຶກສອນໃຫ້.
ຜ່ານການສືບສວນ-ສອບສວນ ເຫັນວ່າຜູ້ກ່ຽວທັງ 4 ຄົນ ມີການຈັດຕັ້ງເປັນກຸ່ມແກ້ງແບ່ງໜ້າທີ່ກັນຢ່າງຄັກແນ່ ເພື່ອສໍ້ໂກງຊັບພົນລະເມືອງ ແລະ ການສໍ້ໂກງຊັບຂອງຜູ້ກ່ຽວ ຍັງໄດ້ໃຊ້ເງິນປອມ ຕໍ່ກັບຄຳໃຫ້ການຂອງພວກກ່ຽວ 4 ຄົນ ແມ່ນຍັງມີຂໍ້ຂັດແຍ່ງກັນ ດັ່ງນັ້ນ ຄະດີນີ້ຈະໄດ້ມີການສອບສວນຂະຫຍາຍຜົນຕື່ມອີກ ສ່ວນຂອງກາງທີ່ເກັບກູ້ຄືນມາ ເຈົ້າໜ້າທີ່ກອງສືບສວນ-ສອບສວນຄະດີອາຍານະຄອນຫຼວງ ໄດ້ມອບຄືນໃຫ້ເຈົ້າຂອງເດີມແລ້ວ.
ຊົມເຊີຍຕໍາລວດລາວ ເກັ່ງຫລາຍໆໆໆໆ !
ເຮັດຕິ ເຮັດກັບເອື້ອຍລາ, ຖ້າລາວບໍ່ແນ່ ລາວບໍ່ຫອບເງິນມາຫລິ້ນກັບນັກເລງອິນເຕີດອກ !
I am pretty sure there are plenty of rooms reserved for these criminals in Phonthong prison...
ຕັດມືມັນເບື້ອງນຶ່ງເປັນຫຍັງ ມັນໂກງ ແຖມມີເງິນປອມອີກ ຢູ່ອາເມລິກາຍັງມາຕົວະຢູ່ລາວ
What is ການພະນັນ (ເມັດຖົ່ວ) ? anyone mind to answer?
goshh... that Lao lady has so much money. what does she do? professional gambler?
You don't have to seperat Lao nork and lao nai and I consider that all one lao if a Lao nork person was trouble maker, you don't consider that all lao nork all bad person.
ຝັງມັນທັງເປັນໂລດເດີ
