Pasalao

Anonymous wrote:

---

ກ່ອນອື່ນຕ້ອງຂໍຂອບໃຈທ່ານ Andy ທີ່ຍົກເອົາບັນຫານີ້ຂຶ້ນມາສົນທະນາ. ຂ້າພະເຈົ້າຄິດວ່າ

ການຂຶ້ນພາສີຣົດສະປອດ(Sport Cars) ຂຶ້ນພາສີຣົດຟຸມເຟືອຍ(Luxury Cars) ແລະຂຶ້ນ

ພາສີຣົດຂຸນເສິກ(SUV cars) ແລະຫລຸດພາສີລົດຈັກແຮງນ້ອຍເປັນການກະທໍາທີ່ຖືກຕ້ອງ,

ແຕ່ຂຶ້ນພາສີຣົດກະບະຫລືຣົດຂົນສົ່ງນັ້ນບໍ່ສອດຄ່ອງປານໃດ໋ເພາະຈະມີຜົນກະທົບຕໍ່ຊາວ

ກະສິກອນລາວແລະຜູ່ປະກອບທຸຣະກິດຂະນາດນ້ອຍ.

ຕອ້ງໄປເພີ່ມພາສາລົດປະເພດພຸ້ມເຟືອຍ ທີ່ບໍ່ເກີດປະໂຫຍດ ແລະເຜົາພານນຳ້ມັນຢ່າງຊິ້ນເປືອງ ເຊັ່ນ: ຈຳພວກລົດ ສະປອດຕ່າງໆດັ່ງທີ່ທ່ານກ່ວມາ ແລະ ຮຳເມີ້ ຕ້ອງຂຶ້ນພາສີໝັກໆ ແຕ່ກໍ່ບໍ່ມີຄວາມໜາຍເພາະຄົນມີເງິນ ເຖິງຈະແພງເທົ່າໃດເຂົາກໍ່ຊື້ໄດ້ ເພາະມັນເປັນວັດທະຈັກ ແລະບົ່ງບອກເຖິງຄວາມຕ້ອງການທີ່ແຕກຕ່າງຈາກຮູ້ອື່ນ ຂອງບັນດາເສດຖີທັງຫຼາຍ. ແຕ່ຈະມີຜົນກະທົບຕໍ່ຊົນຊັ້ນກາງນີ້ແລະ ທີ່ຈະຕ້ອງໄດ້ແບກພາລະໝັກຂຶ້ນ ເພາະຈະໄດ້ຈ່າຍພາສີເພີ່ມຂຶ້ນ ທຸກພາລະຕ່າງໆແມ່ນຕົກຢູ່ກັບປະຊາຊົນທັງນັ້ນ.

---

ລອງອ່ານເບິ່ງລິ້ງລຸ່ມນີ້ ຖ້າຢາກຮູ້ຈັກວ່າຄົນຕ່າງປະເທດເຂົາຄິດແນວໃດ໋ກັບການຊື້ຂາຍຣົດໃນ

ປະເທດເຮົາ.

http://www.expat-advisory.com/articles/southeast-asia/laos/buying-car-and-number-plates-laos

ບໍ່ໃດ້ຄິດແນວໃດ....ເພາະຄິດໄປກະບໍ່ມີປະໂຫຍດຫຍັງ...ປະທ້ວງກະບໍ່ໃດ້....ຊື້ຢ່າງດຽວ..ຂື້ນມາໂລດພາສີຫັ້ນ...

ປະເທດລາວຍັງເປັນປະເທດດ້ອຍພັດທະນາຢູ່

ຄວນໃຊ້ມາດຕາການແຂງແຮງກວ່ານີ້

ນັ້ນກໍ່ຄືຫ້າມນຳເຂົ້າລົດຫຼູຫຼາ ລົດສະປອດ ລົດຂີ່ໂຊຊື່ໆ ຕ່າງໆ ທີ່ເປັນການສິ້ນເປືອງ

ແລະ ສ້າງຄ່ານິຍົມເກທັບກັນ ແຂ່ງກັນອວດບາລະມີ ຊື່ໆ

ເຮັດໃຫ້ເກີດຄ່ານິຍົມບ້ານນອກ ແຕກແຍກ ແບ່ງຊັ້ນ ຂາດຄວາມສາມັກຄີ ຂາດຄວາມ ເອື້ອອາທອນ,...................

ປະເທດເຮົາຜະລິດສິນຄ້າຍັງບໍ່ພຽງພໍກຸ້ມຕົນເອງ ແຕ່ຜະເອີບຜະເອີ ຊັກຢາກຊື້ຂອງແພງໆ ມາເພື່ອທັບຖົມສັງຄົມຂອງຕົວເອງ

ການກະທຳແບບນັ້ນຖືວ່າ ເຫັນແກ່ຕົວ

ສ່ວນວ່າທີ່ເຂົາໄດ້ຊື້ມາໃຊ້ແລ້ວກໍ່ໃຫ້ນຳໃຊ້ຕໍ່ໄປເທົ່າທີ່ມີນີ້ກ່ອນ ຊາມຮອດປີ 2020

ທັງນີ້ ມາດຕາການທີ່ວ່ານີ້ ອາດມີການປ່ຽນແປງ ບໍ່ແມ່ນຕະຫຼອດໄປ ຖ້າຫາກປະເທດມີຄວາມເຂັ້ມແຂງໄດ້ມາດຖານ ເອອີຊີ ສາກ່ອນ

andy wrote:

---

ສະພາແຫ່ງຊາດຮັບຮອງມະຕິດັ່ງກ່າວໃນເດືອນ ມິຖຸນາທີ່ຜ່ານມາ ໄດ້ເປີດໄຟຂຽວໃຫ້ ລັດຖະບານ ຫຼຸດອັດຕາພາສີລົດຈັກລົງ ແລ້ວໄປເພີ່ມອັດຕາພາສີລົດຍົນ ເປັນສ່ວນໝຶ່ງໃນຄວາມພະຍາຍາມທີ່ຈະກະຕຸ້ນໃຫ້ປະຊາຊົນນຳໃຊ້ຍານພາຫະນະທີ່ບໍລິໂພກນຳ້ມັນໝ້ອຍລົງ. ພາຍໃຕ້ກົດໜາຍສະບັບໃໜ່ທີ່ຈະມີຜົນບັງຄັບໃຊ້ເລີ່ມໃນ ເດືອນຕຸລາຄົມ ກຳໝົດປັບອັດຕາພາສີລົດຈັກທີ່ມີຄວາມແຮງ 110ຊຊ ຫຼຸດພາສີ 20% ເຫຼືອ 10%. ໃນຂະໝະທີ່ອັດຕາພາສີລົດຍົນ ທີ່ມີຄວາມແຮງຂະໝາດ 111ຊຊ ຈະປັບຫຼຸດລົງຈາກ 20% ເຫຼືອ 15%. ປະຊາຊົນທີ່ຕ້ອງການຊື້ລົດກະບະ ທີ່ມີຄວາມແຮງລະຫວ່າງ 1501 - 2500 ຊຊ ຈະຕ້ອງເສຍພາສີເພີ່ມອີກ 30% ຈາກ 20% ສ່ວນລົດກະບະທີ່ມີຄວາມແຮງ 2500ຊຊ ຈະຕ້ອງເສຍພາສີໃນອັດຕາ 40% ປັບເພີ່ມຈາກ 20% ລົດກະບະທີ່ມີຄວາມແຮງ 1500ຊຊ ຍັງໃຊ້ອັດຕາພາສີເດີມທີ່ 30% ບໍ່ມີການປ່ຽນແປງ. ສວ່ນລົດຍົນ 4 ບ່ອນນັ່ງທົ່ວໄປທີ່ມີຄວາມແຮງຕຳ່ກວ່າ 1500ຊຊ ຈະປັບເພີ່ມຈາກ 65% ເປັນ 70% ລົດຍົນທີ່ມີຄວາມແຮງລະຫວ່າງ1201 - 1500 ຊຊ ເພີ່ມຈາກ 65% ເປັນ 80% ແລະລົດຍົນທີ່ມີຄວາມແຮງລະຫວ່າງ 1501-2500 ຊຊ ເພີ່ມຈາກ 65% ເປັນ 85% ລົດທີ່ມີຄາວມແຮງສູງກວ່າ 2502ຊຊ ປັບເພີ່ມຈາກ 75% ເປັນ 90%. ນອກຈາກລົດຍົນປະເພດສີ່ບ່ອນນັ່ງທົ່ວໄປແລ້ວ ລົດຍົນປະເພດ SUV ລົດຕູ້ກໍ່ຈະປັບເພີ່ມຂຶ້ນເຊັ່ນກັນ. ເຈົ້າໝ້າທີ່ຝ່າຍ ພາສີລະບຸວ່າ ການຕັດສິນໃຈຂອງລັດຖະບານ ກ່ຽວກັບການປັບຫຼຸດພາສີ ລົດຈັກນັ້ນມີເປົ້າໜາຍທີ່ຈະຊ່ວຍ ປະຊາຊົນທີ່ມີລາຍໄດ້ຕຳ່ ສາມາດຊື້ຍານພາຫະນະເປັນຂອງຕົວເອງໄດ້ ແລະກະຕຸ້ນໃຫ້ຄົນຫັນມາໃຊ້ຮູບແບບການຄົມມະນາຄົມທີ່ມີປະສິດທິພາບດ້ານພະລັງງານຫຼາຍຂຶ້ນ. ຈຳນວນລົດຍົນທີ່ເພີ່ມຈຳນວນຫຼາຍຂຶ້ນ ໃນຊ່ວງໄລຍະ ສອງຫາສາມປີມານີ້ ເນື່ອງຈາກການເຕີບໂຕທາງດ້ານເສດຖະກິດ ແລະການເພີ່ມຂຶ້ນຂອງຈຳນວນລົດຍົນ ໃນນະຄອນຫຼວງວຽງຈັນ ເຮັດໃຫ້ການຈາລະຈອນໃນຕອນເຊົ້າ ແລະຕອນແລງມັກຕິດຂັດຢ່າງໝັກ ແລະກໍ່ໃຫ້ເກີດອຸບັດຕິເຫດຕ່າງໆ. ຢ່າງໃດກໍ່ຕາມ ສະມາຊິກສະພາແຫ່ງຊາດຕ່າງກ່າວວ່າ: ການເພີ່ມອັດຕາພາສີບໍ່ຊ່ວຍຢັບຢັ້ງ ການຊື້ຍານພາຫະນະຂອງປະຊາຊົນ ເນື່ອງຈາກລະບົບຂົນສົ່ງຕາມເມືອງໃຫຍ່ຕ່າງໆ ຍັງຄົງບໍ່ພຽງພໍຕາມຄວາມຕ້ອງການ.

---

ຕາມຄວາມຄິດຂ້າພະເຈົ້າແລ້ວແມ່ນບໍ່ເຫັນດີນໍາ ບັນຫາເລື່ອງເພີມພາສີໃຫ້ສູງຂື້ນ ເພາະວ່າການທີ່ເພີມພາສີຂື້ນແລ້ວແມ່ນຈະເຮັດໃຫ້ຄົນຫລຸດຜ່ອນການຊື້ລົດ ແມ່ນເປັນໄປບໍ່ໄດ້ ເພາະເສດຖະກິດມີການຂະຫຍາຍຕົວບໍ່ມີໃຜສາມາດຍັບຍັ້ງການຂະຫຍາຍຕົວຂອງເສດຖະກິດໄດ້  ສະນັ້ນແນ່ນອນຄວາມຕ້ອງການທີ່ຢາກໄດ້ຍານພາຫະນະກໍ່ເພີ້ມຂື້ນ. ບໍ່ມີເງີນພໍຊື້ລົດກໍ່ສາມາດໄປດາວລົດຕາມຮ້ານຕ່າງຯໄດ້ ເຊິ່ງຍັງເປັນສາເຫດໃຫ້ປະຊາຊົນລາວມີຫນີ້ສິນເພີ້ມຂື້ນໄປໃນຕົວອີກ