ນາງ ລໍຣີ ພະເນຈອນເປັນນັກຮຽນດີເດັ່ນປະຈໍາໂຮງຮຽນມັດທະຍົມ Storm Lake, ລາວໄດ້ທຶນ
ການສຶກສາ $86,000.00 ເພື່ອໄປຮຽນຕໍ່ມະຫາວິທະຍາໄລ ແຕ່ທາງໂຮງຮຽນບອກລາວໄປເສັງ
ELDA ( English Language Development Assessment ) ເພາະວ່ານາງລໍຣີເວົ້າພາ
ສາລາວ, ແຕ່ນາງລໍຣີບໍ່ຍອມໄປເພາະລາວເປັນນັກຮຽນເກັ່ງ ໄດ້ຄະແນນ 3.9 GPA ແລະໄດ້ເປັນ
ນັກຮຽນດີເດັ່ນຣະດັບ 7 ໃນຈໍານວນນັກຮຽນ 119 ຄົນ. ເຫດຜົນທີ່ແທ້ຈິງ ແມ່ນຕໍ່ສູ້ເພື່ອຄວາມ
ຍຸຕິທັມບໍ່ໃຫ້ມີການຈໍາແນກເຊື້ອຊາດແລະຜິວພັນໃນນະໂຍບາຍຂອງໂຮງຮຽນ.
ການລຸກຂຶ້ນຕໍ່ສູ້ຂອງນາງລໍຣີໄດ້ຮັບການສະໜັບສະໜູນຂອງຄົນທົ່ວໂລກແລະເຂົາເຈົ້າໄດ້ຕິດຕໍ່
ຕໍ່ໄປຫາໂຮງຮຽນທີ່ນາງຮຽນຢູ່ເພື່ອສອບຖາມຄວາມເປັນຈິງແລະໄດ້ຮັບຄໍາຕອບວ່າ ການເສັງ
ELDA ນີ້ແມ່ນບໍ່ໄດ້ບັງຄັບ ໃຜຢາກເສັງກໍ່ໄດ້ ບໍ່ຢາກເສັງກໍ່ໄດ້ແລະບໍ່ມີນັກຮຽນຄົນໃດ໋ຖືກລົງ
ໂທດບໍ່ໃຫ້ມາໂຮງຮຽນຍ້ອນບໍ່ເສັງ ELDA.
ເອົາເລື້ອງນີ້ມາເລົ່າກໍ່ເພາະຢາກໃຫ້ທຸກຄົນຮູ້ວ່າ ຄົນລາວ ເຊື້ອຊາດລາວ ຈະໄປຢູ່ໃສກໍ່ມີມູນ
ເຊື້ອຕໍ່ສູ້ກັບຄວາມອະຍຸຕິທັມ.
http://blog.angryasianman.com/2009/03/student-fights-idiotic-english-language.html
ຖ້າເຮັດໄດ້ກໍດີ ແຕ່ວ່າເຮົາເປັນຄົນສ່ວນນ້ອຍທີ່ຢູ່ຮ່ວມນຳຄົນສ່ວນຫລາຍ ພາສາອາດຈະ
ຍັງບໍ່ທັນເຂົ້າໃຈຂອງຈຸດເລີກຂອງມັນ ແຕ່ຄົນອະເມຣິກາບາງຄົນກໍຕ້ອງໄດ້ໄປຮຽນ
ຫລັກສູດນີ້ຄືກັນ ທັ້ງໆທີ່ເປັນບ້ານເກີດຂອງພວກເຂົາເຈົ້າ
ແຕ່ຂໍຊົມເຊີຍຖ້າວ່າສາມາດຕໍ່ສູ້ເພື່ອຄວາມຍຸຕິທັມ
