ມື້ນີ້ລາຄານ້ຳມັນເຊື້ອ ໄຟຈະຫລຸດລົງ 80 ກີບຕໍ່ລິດ ສຳລັບແອັດຊັງທຳມະດາ ແລະ 280 ຫາ 300 ກີບຕໍ່ລິດສຳລັບ ກາຊວນ ຫລັງຈາກກະຊວງອຸດສາຫະກຳ ແລະ ການຄ້າ ໄດ້ປະກາດປັບຫລຸດລາຄາຂາຍຍ່ອຍນ້ຳມັນເຊື້ອໄຟໃນທົ່ວປະເທດລົງ ໃນວັນທີ 25 ພຶດສະພາ ໂດຍມີຜົນປະຕິບັດໃນເວລາ 14:00 ຂອງວັນທີ 26 ພຶດສະພາ.
ການປັບລົງຄັ້ງນີ້ ເປັນຄັ້ງທີ 2 ຂອງເດືອນ ຫລັງຈາກໃນວັນທີ 13 ພຶດສະພາໄດ້ມີການປັບລົງຄັ້ງຫນຶ່ງແລ້ວ ເນື່ອງຈາກສະ ພາບລາຄາຊື້-ຂາຍນ້ຳມັນເຊື້ອໄຟຢູ່ຕະຫລາດໂລກ ໃນປະຈຸບັນ ໄດ້ມີການປ່ຽນແປງ.
ຈາກການປັບລາຄາລົງຄັ້ງນີ້ ຈະເຮັດໃຫ້ລາຄານ້ຳມັນແອັດ ຊັງທຳມະດາ ຢູ່ນະຄອນຫລວງ ວຽງຈັນ ລົງມາຢູ່ທີ່ 10.760 ກີບຕໍ່ລິດ ກາຊວນ 9.520 ກີບຕໍ່ ລິດ, ສ່ວນທີ່ຈຳປາສັກແອັດຊັງ ທຳມະດາຈະລົງມາຢູ່ທີ່ 10.800 ກີບຕໍ່ລິດ ກາຊວນ 9.580 ກີບຕໍ່ລິດ, ແຂວງຊຽງຂວາງແອັດຊັງທຳມະດາ ຈະຢູ່ທີ່ 11.030 ກີບຕໍ່ລິດ ແລະ ກາຊວນ 9.820 ກີບຕໍ່ລິດ.
