ໄດ້ຍິນນັກທຸຣະກິດທ່ານນຶ່ງໃຫ້ສໍາພາດກັບນັກຂ່າວວິທະຍຸເອເຊັຽເສຣີທີ່ເພິ່ນອອກອາກາດໃນວັນທີ ໓ ເດືອນພຶສພາ ປີ໒໐໑໑
ເພິ່ນວ່າ: ຢູ່ເມືອງລາວດຽວນີ້ຫາເງິນງ່າຍຫລາຍວ່າແຕ່ມີທຶນເລັກໆນ້ອຍໆກໍ່ສາມາດເຮັດທຸຣະກິດໃດ໋ນຶ່ງໄດ້ເຊັ່ນວ່າປູກດອກ
ໄມ້ຂາຍ, ເປີດຮ້ານອາຫານ ບ້ານພັກ ໂຮງແຮມ...ເວົ້າໄປເວົ້າມາເພິ່ນກໍ່ວ່າບ້ານເຮົາດຽວນີ້ເຈົ້າຂອງທຸຣະກິດຕ່າງລ້ວນແຕ່
ເປັນຄົນຕ່າງປະເທດ ບໍ່ແມ່ນຄົນລາວ ເພາະເຂົາມີເງື່ອນໄຂຫລາຍກ່ວາບໍ່ວ່າທາງດ້ານເງິນຄໍາແລະວິຊາສະເພາະ. ເພິ່ນຍັງເວົ້າ
ຕື່ມອີກວ່າໃນອະນາຄົດຂ້າງຫນ້າ ດິນດອນຕອນຫຍ້າຢູ່ບ້ານເຮົາຊິມີຣາຄາຫລາຍຂຶ້ນຫລາຍເທົ່າ ຖ້າພີ່ນ້ອງລາວຢູ່ຕ່າງ
ປະເທດຕັດສິນໃຈຊ້າອາດຈະບໍ່ມີໂອກາດເປັນເຈົ້າຂອງສັງຄົມຫລືເປັນເຈົ້າຂອງທຸຣະກິດອື່ນໆ. ສິ່ງທີ່ຢາກໃຫ້ພີ່ນ້ອງລາວ
ຢູ່ຕ່າງປະເທດຮ້ອນໃຈກໍ່ຄືໄປຕັ້ງທຸຣະກິດອັນໃດ໋ອັນນຶ່ງທີ່ຈະສາມາດຊ່ອຍລູກຫລານລາວຜູ່ທີ່ດ້ອຍໂອກາດເພື່ອບໍ່ຢາກໃຫ້ເຂົາ
ເຈົ້າຕ້ອງຂ້າມແດນໄປຂາຍແຮງງານຄືດັ່ງທີ່ໄດ້ຍິນເປັນຂ່າວຫນາຫູ.
ຈະຈິງນ້ອຍຫລາຍພຽງໃດ໋ ທ່ານຄວນໄປສຶກສາດ້ວຍຕົນເອງຫລືຈະກົດຟັງຕື່ມກໍ່ໄດ້.
ມີແຕ່ນັກທຸຣະກິດເທົ່ານັ້ນບໍຈຶ່ງຈະຫາກິນແບບສະບາຍໆໄດ້ຄືເພິ່ນເວົ້າ?
