Anonymous wrote: ພົງສະຫວັນແອລາຍ ແກະເຈ້ຍ Superjet 3 ລຳ ລວດດຽວ ເຂົ້າໃຈວ່າເປັນເຄື່ອງບິນແບບນີ້ ແສນສຸກ -- ຂະນະທີ່ສາຍການບິນແຫ່ງຊາດລາວແອລາຍ ເລືອກໃຊ້ເຄື່ອງບິນທີ່ຜະລິດໃນຈີນແລະຝຣັ່ງ ສາຍການບິນເອກະຊົນແຫ່ງທຳອິດຂອງປະເທດ ພົງສະຫວັນແອລາຍ ກັບເຊັນຊື້ເຄື່ອງບິນທີ່ຜະລິດໃນລັດເຊຍເຖິງ 3 ລຳ ເປັນແບບຕິດເຄື່ອງຍົນອາຍພົ່ນທັງໝົດ ການເຊັນບັນທຶກຊ່ວຍຄວາມຈຳຈັດຊື້ກັບບໍລິສັດຜູ້ຜະລິດ ຈັດຂຶ້ນໃນນະຄອນວຽງຈັນຕັ້ງແຕ່ວັນທີ່ 18 ພຶດສະພາ ລະຫວ່າງຜູ້ແທນບໍລິສັດພົງສະຫະຫວັນແອລາຍ ຈຳກັດ ກັບ ປະທານບໍລິສັດຊູຄອຍອາກາດຍານພົນລະເຮືອນຈາກລັດເຊຍ ໂດຍ ພົນ. ທ. ໄອ່ ສຸລິຍະແສງ ປະທານກຸ່ມພົງສະຫວັນ ຕົວແທນກົມການບິນພົນລະເຮືອນແລະຈາກຫນ່ວຍງານອື່ນໆ ເຂົ້າຮ່ວມພິທີຈຳນວນຫລວງຫຼາຍ. ບໍ່ມີການເປີດເຜີຍລາຍລະອຽດກ່ຽວກັບລາຄາຊື້ຂາຍເຄື່ອງບິນຄັ້ງທຳ ອິດນີ້ ຜູ້ບໍລິຫານຂອງສາຍການບິນໃໝ່ກ່າວແຕ່ພຽງວ່າ ຜູ້ຜະລິດໃນລັດເຊຍຈະສົ່ງມອບໃຫ້ທັງສາມລຳໃນປີ 2012 ຊຶ່ງເປັນປີທີ່ມີກຳນົດເປີດໃຫ້ບໍລິການ. ພົງສະຫວັນແອລາຍ ເປັນສາຍການບິນຂອງເອກະຊົນໃນກຸ່ມດຽວດຽວກັບທະນາຄານພົງສະຫວັນ ຊຶ່ງເປັນທະນາຄານທີ່ເອກະຊົນລາວຖືຫຸ້ນ 100% ແຫ່ງທຳອິດ ຜູ້ບໍລິຫານຂອງສາຍການບິນພົງສະຫວັນບໍ່ໄດ້ກ່າວເຖິງລາຍລະອຽດໃດໆ ອີກນອກຈາກ ສະແດງຄວາມຕັ້ງໃຈທີ່ຈະໃຫ້ເປັນສາຍການບິນທີ່ທັນສະໄໝ. ເມື່ອຕົ້ນປີນີ້ສາຍການບິນລາວໄດ້ເຊັນສັນຍາຊື້ເຄື່ອງບິນອາຍພົ່ນ ຈາກຜູ້ຜະລິດໃນປະເທດຈີນຈຳນວນ 2 ລຳ ຊຶ່ງກຳລັງຈະເປັນເຄື່ອງບິນອາຍພົ່ນລຳທຳອິດໃນຝູງ ກ່ອນໜ້ານັ້ນໄດ້ຊື້ເຄື່ອງບິນໂດຍສານ MA-60 ຈາກຈີນຈຳນວນ 4 ລຳ ເປັນແບບຕິດເຄື່ອງຍົນເທີໂບພັອບ ທີ່ຜະລິດໂດຍບໍລິສັດແພັດແອນວິດນີໃນສະຫະລັດຯ ການບິນລາວໄດ້ຫັນມາໃຊ້ເຄື່ອງບິນໂດຍສານທີ່ຜະລິດຈາກຈີນ ເປັນຫລັກ ດ້ວຍເງື່ອນໄຂມິດພາບທີ່ເຮັດໃຫ້ຊື້ງ່າຍໂດຍອາໄສຄວາມສຳພັນທີ່ໃກ້ ຊິດລະຫວ່າງສອງປະເທດ ຫລັງຈາກໄດ້ໃຊ້ເຄື່ອງ ATR ທີ່ຜະລິດໃນຝຣັ່ງກັບ AN-24 ທີ່ຜະລິດໃນອະດີດສະຫະພາບໂຊວຽດມາຕະຫລອດ. ສຳລັບ SSJ-100 ເປັນເຄື່ອງບິນໂດຍສານທີ່ສ້າງຂຶ້ນເພື່ອໃຊ້ບິນໃນລະດັບພູມິພາກ ຂອງລັດເຊຍທີ່ເອີ້ນກັນວ່າ RRJ (Russia Regional Jet) ເຊັ່ນດຽວກັນກັບ CRJ (China Regional Jet) ທີ່ການບິນລາວຊື້ຈາກຈີນ ຜະລິດຈາກໂລງງານທີ່ມີກຸ່ມຟິນເມັກການິກາ (Finmeccanica) ຂອງອິຕາລີຖືຫຸ້ນຢູ່ດ້ວຍ 25%ຟິນເມກໍການາກາ ໄດ້ໃຫ້ບໍລິສັດລູກຄື ອາເລເນຍ ແອໂລນໍຕິກ (Alenia Aeronautic) ຮ່ວມກັບຊູຄອຍໃນການອອກແບບແລະຜະລິດເຄື່ອງບິນຊູເປີເຈັດ ໂດຍໃຫ້ບໍລິສັດພິນິນຟາລິນາ (Pininfarina) ເປັນຜູ້ອອກແບບຕົບແຕ່ງພາຍໃນ ເຄື່ອງບິນ SSJ-100 ໄດ້ຊື່ວ່າເປັນເຄື່ອງບິນໂດຍສານທີ່ນັ່ງສະດວກສະບາຍກວ່າ ເຄື່ອງບິນລະດັບດຽວກັນຂອງຄ້າຍອື່ນ ບໍ່ວ່າຈະເປັນໂບອິ້ງ 737 ຫລື ແອບັດ A-320 ດ້ວຍລຳຕົວທີ່ກວ້າງກວ່າ ແລະ ຍັງມີລຸ້ນລຳຕົວຍາວ ບັນຈຸທີ່ນັ່ງໄດ້ຫລາຍຂຶ້ນພາຍໃຕ້ລະຫັດ 110 ແລະ 125 ຕາມຂໍ້ມູນໃນວິກິພີເດຍ ຊູເປີເຈັດຂອງຄ້າຍຊູຄອຍ ລາຄາຈຳໜ່າຍລຳລະ 27.8 ລ້ານດອນລາ ຖືກກວ່າຄູ່ແຂ່ງ 18-22% ແລະ ຄ່າໃຊ້ຈ່າຍໃນການໃຊ້ງານຕໍ່ທ່ຽວບິນກໍຕ່ຳກວ່າ 10-15% ຊູຄອຍເລີ່ມສົ່ງມອບ SSJ-100 ໃຫ້ກັບລູກຄ້າໃນເອີຣົບໃນໄຕມາດທີ່ 3 ປີທີ່ແລ້ວ.
Anonymous wrote:ຂໍຊົມເຊີຍນຳພົງສະຫວັນແອລາຍ ແຕ່ບໍ່ຮູ້ວ່າທ່ານໄດ້ໄປຢືມເງີນທະນາຄານໃດມາຊື້?
ຂໍຊົມເຊີຍນຳພົງສະຫວັນແອລາຍ ແຕ່ບໍ່ຮູ້ວ່າທ່ານໄດ້ໄປຢືມເງີນທະນາຄານໃດມາຊື້?
