Pasalao

ຄັດເລືອກບຸກຄະລາກອນອອກສະໝັກຮັບເລືອກຕັ້ງ ສສຊ ຊຸດທີ VII

*(ຂປລ): ກະຊວງຖະແຫລງຂ່າວ ແລະ ວັດທະນະທຳ ໄດ້ຄົ້ນຄວ້າຄັດເລືອກບຸກຄະລາກອນ ເພື່ອ ອອກສະໝັກຮັບເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ VII ທີ່ຈະໄດ້ຈັດ ຂຶ້ນໃນທ້າຍເດືອນເມສາ 2011 ນີ້, ໂດຍໄດ້ເນັ້ນໃສ່6ມາດຖານຂອງຜູ້ທີ່ອອກສະໝັກຮັບເລືອກຕັ້ງຄື: ຕ້ອງເປັນຄົນລາວ ທີ່ມີສັນຊາດລາວ ພວມດຳລົງຊີວິດ ແລະ ປະຕິບັດໜ້າທີ່ຢູ່ໃນປະເທດ ມີອາຍຸກະສຽນ 21 ປີຂຶ້ນໄປ, ມີນ້ຳໃຈຮັກຊາດ, ຮັກລະ ບອບປະຊາ ທິປະໄຕປະຊາຊົນ, ມີຄວາມຈົງ ຮັກພັກດີຕໍ່ແນວທາງປ່ຽນແປງໃໝ່ຂອງພັກ, ມີຄວາມຕັ້ງຕໍ່ບໍລິສຸດປະເທດຊາດ ແລະ ຮັບໃຊ້ຜົນປະໂຫຍດຂອງປະຊາຊົນຢ່າງສຸດກົກສຸດປາຍ, ມີ ຫລັກໝັ້ນ ມິດສັດຕູຢ່າງຈະແຈ້ງ ແລະ ເດັດຂາດ, ມີຄວາມຮູ້ດ້ານວິຊາການ ແລະ ມີຄວາມສາມາດ, ມີທັດສະນະມະຫາຊົນຢ່າງຖືກຕ້ອງ ເປັນສັນຍາລັກ ແຫ່ງ ຄວາມ ສາມັກຄີປະຊາຊົນບັນດາເຜົ່າ, ໃກ້ສິດຕິດແທດກັບປະຊາຊົນ ແລະ ໄດ້ຮັບຄວາມໄວ້ເນື້ອ ເຊື່ອໃຈ ຈາກປະຊາຊົນຢ່າງກວ້າງຂວາງ, ມີແບບແຜນວິທີ ເຮັດວຽກ ຖືກຕ້ອງ ,ເຄົາລົບ ແລະ ປະຕິບັດຫລັກ ການ ລວມສູນປະຊາທິປະໄຕ, ນຳພາເປັນໝູ່ຄະນະ ແລະ ມີສຸຂະພາບດີ ເພື່ອຮັບປະກັນການປະຕິບັດໜ້າທີ່ ວຽກງານ ທີ່ຖືກມອບໝາຍຢ່າງປົກກະຕິ. ການກະກຽມໂຄງປະກອບ ແລະ ບຸກຄະລາກອນຂອງສະພາແຫ່ງຊາດ ຊຸດທີ VII ແມ່ນເພື່ອເຮັດໃຫ້ ໂຄງປະກອບ ບຸກຄະລາ ກອນຂອງສະພາແຫ່ງຊາດ ຊຸດທີ VII ມີຄວາມໜັກແໜ້ນ ທາງດ້ານການເມືອງ, ມີ ຄວາມສາມາດຈັດຕັ້ງຜັນຂະຫຍາຍ ແລະ ປະຕິບັດແນວທາງ ປ່ຽນແປງ ໃໝຂອງພັກເປັນຕົ້ນແມ່ນ ບັນດາຄາດ ໝາຍທີ່ກຳນົດໄວ້ ໃນມະຕິກອງປະຊຸມໃຫຍ່ຂອງພັກຄັ້ງທີ IX ທີ່ຈະມາເຖິງນີ້, ແນໃສ່ສ້າງປະເທດລາວ ສັນຕິ ພາບ ເອກະລາດ ປະຊາທິປະໄຕ ເອກະພາບ ແລະ ວັດທະນາຖາວອນ ຕາມທີ່ກຳນົດໄວ້ໃນລັດຖະທຳມະນູນ, ເຮັດໃຫ້ສະພາແຫ່ງຊາດ ຊຶ່ງແມ່ນໜຶ່ງໃນອົງການ ອຳນາດລັດ, ເປັນອົງການນິຕິບັນຍັດ ທັງເປັນອົງການຕົວ ແທນແຫ່ງສິດອຳນາດ ແລະ ຜົນປະໂຫຍດທີ່ແທ້ຈິງຂອງປະຊາຊົນລາວບັນດາເຜົ່າ, ເສີມຂະຫຍາຍ ແລະ ປະຕິ ບັດເປັນ ເຈົ້າປະເທດຊາດຂອງປະຊາຊົນບັນດາເຜົ່າ, ຮັບປະກັນຄວາມມີສະ​ເຖຍລະພາບ ຂອງລະບົບການ ເມືອງ ໃນລະບອບປະຊາທິປະໄຕ ປະ ຊາຊົນ, ປັບປຸງຄຸນນະພາບຂອງອົງການນິຕິບັນຍັດ ໃຫ້ມີຄວາມໜັກ ແໜ້ນເຂັ້ມແຂງ ຮັບປະກັນຄວາມສາມັກຄີເປັນເອກະພາບຢ່າງແໜ້ນແຟ້ນ ບົນພື້ນ ຖານ ແນວທາງປ່ຽນແປງ ໃໝ່ຂອງພັກ ແລະ ຮັບປະກັນຄົ້ນຄວ້າການກຳນົດໂຄງປະກອບ ໃຫ້ສົມເຫດສົມຜົນ ແລະ ເລືອກເຟັ້ນໃຫ້ໄດ້ບຸກ ຄະລາກອນ ຜູ້ທີ່ມີເງື່ອນ ໄຂຄົບຖ້ວນ ເພື່ອອອກສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ ຊຸດທີ VII. ການຄັດເລືອກບຸກຄະລາກອນ ເພື່ອອອກສະໝັກ ຮັບເລືອກ ຕັ້ງສະມາ ຊິກສະພາແຫ່ງຊາດ ຊຸດທີ VII ຂອງຖະຊວງຖ/ວ ໄດ້ຈັດຂຶ້ນໃນວັນທີ 10 ກຸມພາ 2011 ນີ້ ທີ່ຫໍວັດທະນະທຳແຫ່ງຊາດ ໂດຍມີທ່ານ ສຈ. ດຣ. ບໍ່ແສງຄຳ ວົງດາລາ, ເລຂາຄະນະພັກກະຊວງ, ລັດຖະມົນຕີຊ່ວຍວ່າການກະຊວງຖ/ວ, ຜູ້ຊີ້ນຳວຽກງານຖະແຫລງຂ່າວ, ມີຄະນະພັກກະຊວງ, ຫົວໜ້າກົມ, ຮອງກົມ ແລະ ອົງການ ຈັດຕັ້ງອ້ອມຂ້າງກະຊວງ ເຂົ້າຮ່ວມ./.

6 ມາດຖານທີ່ເພິ່ນວາງອອກບໍ່ເຂົ້າໃຈ 2 ມາດຖານ:
1. ມີຄວາມຈົງຮັກພັກດີຕໍ່ແນວທາງປ່ຽນແປງໃໝ່ພັກ.
2. ມີຄວາມຕັ້ງຕໍ່ບໍລິສຸດປະເທດຊາດແລະຮັບໃຊ້ສິດຜົນປະໂຫຍດຂອງປະຊາຊົນຢ່າງສຸດກົກສຸກປາຍ.
ທ່ານໃດ໋ເຂົ້າໃຈ ຊ່ອຍອະທິບາຍໃຫ້ຟັງແດ່, ຂອບໃຈ.