Pasalao

ຕາມທີ່ໄດ້ຍິນເຂົາລົມກັນ ເຂົາວ່າອ້າຍຈຸ໋ງເປັນຄົນວຽດຊອດຈີນທີ່ເກີດແລະໃຫຍ່ຢູ່ບ້ານໂພນບົກ ເມືອງປາກເຊ ແຂວງເຊໂດນ. ຍ້ອນວ່າເອື້ອຍດອນ(ເມັຍຂອງອ້າຍຈຸ໋ງ)ເປັນລູກທະຫານເກົ່າ ອ້າຍຈຸ໋ງ ເມັຍແລະລູກ 3 ຄົນຈຶ່ງໄດ້ມາຕັ້ງຊີວິດໃໝ່ຢູ່ອາເມລິກາ. ຕອນນັ້ນບໍ່ມີຕະລາດເອເຊັຍຫລາຍ ຖ້າຢາກກິນອາຫານບ້ານເຮົາຕ້ອງໄດ້ຂີ່ຮົດເຂົ້າໄປຊື້ນໍາຕະລາດໄທໃນນະຄອນ San Francisco , ໄລຍະທາງກໍ່ໄປ ໄປກໍ່ຍາກ ອ້າຍຈຸ໋ງຈຶ່ງໄປຊື້ປາທີ່ເຂົາຂາຍເລມາເຮັດປາແດກໄວ້ກິນແລະເວລາມີພີ່ນ້ອງໝູ່ຄູ່ມາຢາມ ລາວກໍ່ເອົາໃຫ້ເມືອກິນຜູ່ລະແກ້ວສອງແກ້ວ. ເຂົາກິນນໍ້າປາລາວເຮັດແລ້ວກໍ່ຕິດໃຈເພາະມັນແຊບດີແລະແນະນໍາໃຫ້ລາວເຮັດຂາຍ, ທໍາອິດລາວກໍ່ເຮັດຢູ່ກາຣາ ເມື່ອທຸຣະກິດຂະຫຍາຍໂຕຂຶ້ນລາວຈຶ່ງໄປຕັ້ງເປັນໂຮງງານສົ່ງຂາຍທົ່ວໂລກ.
ຕອນຢູ່ລາວຂ້ອຍກິນນໍ້າປາກາຮວງທອງ ແຕ່ດຽວນີ້ຂ້ອຍກິນແຕ່ນໍ້າປາອ້າຍຈຸ໋ງເຮັດນີ້ລະ ແຊບດີ, ລອງເບິ່ງເດີ.