ລາຍງານໂດຍ ໄພສານ ວໍຣະຈັກ | ວໍຊິງຕັນ 02-04-2011
ໂຄສົກສະພາຄະນະລັດຖະບານກຳປູເຈຍ ທ່ານ Phay Siphan (2 ຈາກຂວາ) ພວມຊີ້ໃຫ້ເບິ່ງແຜນທີ່ ໃນລະຫວ່າງການຖະແຫຼງຂ່າວ ໃນວັນສຸກ (4 ກຸມພາ 2011)
ເຈົ້າໜ້າທີ່ເວົ້າວ່າ ທະຫານໄທ ແລະກຳປູເຈຍໄດ້ຍິງຕອບໂຕ້ກັນໃນບໍລິເວນຊາຍແດນທີ່ມີການຂັດແຍ້ງ ໃນວັນສຸກມື້ນີ້.
ການປະທະກັນທີ່ວ່ານີ້ ແມ່ນເຫດຮ້າຍເທື່ອລ່າສຸດທີ່ໄດ້ລະເບີດຂຶ້ນຍ້ອນການຜິດຂ້ອງຕ້ອງຖຽງກ່ຽວກັບເລື່ອງເຂດນໍ້າແດນດິນ ໃນບໍລິເວນອ້ອມແອ້ມວັດສາສະໜາຮິນດູອາຍຸ 900 ປີ.
ທັງໄທແລະກຳປູເຈຍ ຕ່າງກໍກ່າວຫາອີກຝ່າຍນຶ່ງວ່າ ເປັນຜູ້ລະດົມຍິງປືນໃສ່ກ່ອນ ໃນບໍລິເວນໃກ້ໆກັບປາສາດຫີນວັດເຂົາພະວິຫານ ຊຶ່ງປະເທດທັງສອງ ຕ່າງກໍອ້າງກຳມະສິດນັ້ນ.
ລາຍງານຂ່າວແຈ້ງວ່າ ໄດ້ມີການຍິງປືນໃຫຍ່ໂຈມຕີ ກັນນຳດ້ວຍ ແຕ່ຍັງບໍ່ທັນເປັນທີ່ຈະແຈ້ງເທື່ອວ່າ ຈາກຝ່າຍໃດແທ້ ຫຼືທັງສອງຝ່າຍ ຕ່າງກໍໄດ້ຍິງປືນໃຫຍ່ ໃສ່ກັນ.
