Anonymous wrote: ສະມາຄົມປະຊາຊາດ ແຫ່ງເອເຊຍຕາເວັນອອກສຽງໃຕ້ ຫຼື ASEAN ສະເໜີແນວຄິດ ເປັນເຈົ້າພາບຮ່ວມຈັດ ບານໂລກ 2030 ອ້າງຊ່ວຍຍົກລະດັບພູມິພາກ ແລະສ້າງຄວາມແໜ້ນແຟ້ນໃຫ້ກັບຊາດສະມາຊີກທັງ 10 ປະເທດ... ສຳນັກຂ່າວ ຕ່າງປະເທດລາຍງານວັນທີ່ 18 ມັງກອນນີ້ ວ່າ ຊາດສະມາຊິກ ຂອງສະມາຄົມປະຊາຊາດ ແຫ່ງ ເອເຊຍຕາເວັນອອກສຽງໃຕ້ (ASEAN) ມີແນວຄິດລວມຕົວກັນຈັດບານໂລກ ຮອບສຸດທ້າຍ ປີ 2030 ຈາກການເປີດເຜີຍຂອງສະມາຄົມບານ ສິງກະໂປ (FAS) ໃນມື້ວັນຈັນທີ່ຜ່ານມາ ໄຊນູດິນ ນອລ໌ດິນ ປະທານຂອງ FAS ກ່າວໃນຖະແຫຼງການວ່າ ຂໍ້ສະເໜີດັ່ງກ່າວຖືກຈັດຂຶ້ນໃນ ການປະຊຸມ ລັດຖະມົນຕີຕ່າງປະເທດ ຂອງ ASEAN ໂດຍລະບຸວ່າ "ມີຄວາມເປັນໄປໄດ້ທີ່ ASEAN ຈະຮ່ວມກັນເປັນເຈົ້າພາບ ໃນອີກ 20 ປີ ຂ້າງໜ້າ ຊຶ່ງກິລາບານເຕະໃນ ASEAN ຈະມີມາດຕະຖານ ເນື່ອງຈາກ ລະບົບການພັດທະນາ ເຍົາວະຊົນທີ່ແຂງແກ່ງຂອງຊາດສະມາຊິກ" "ການສະເໜີຕົວ ເປັນເຈົ້າພາບຮ່ວມຈັດບານໂລກ ໃນນາມ ASEAN ຈະຊ່ວຍຍົກລະດັບພູມິພາກແຫ່ງນີ້ ໃຫ້ເປັນ ທີ່ຮູ້ຈັກ ແລະ ຍັງຊ່ວຍໃຫ້ພົນລະເມືອງຂອງ ຊາດສະມາຊິກ ມີຄວາມເປັນນ້ຳໜຶ່ງໃຈດຽວກັນຫຼາຍຂຶ້ນອີກດ້ວຍ" ນອລ໌ດິນ ກ່າວ ປະຈຸບັນ ASEAN ມີຊາດສະມາຊິກ 10 ຊາດ ໄດ້ແກ່: ບລູໄນ, ກຳປູເຈຍ, ອິນໂດເນເຊຍ, ລາວ, ມາເລເຊຍ, ມຽນມາ, ຟິລິບປິນ, ສິງກະໂປ, ໄທ ແລະ ຫວຽດນາມ. ຂະນະທີ່ 4 ຊາດຂອງ ASEAN ຢ່າງ ອິນໂດເນເຊຍ, ມາເລເຊຍ, ໄທ ແລະ ຫວຽດນາມ ເຄີຍສະແດງສັກກະຍະພາບ ຮ່ວມກັນເປັນເຈົ້າພາບບານເຕະ ເອຊຽນ ຄັບ ທົວນາເມນຕ໌ລູກໜັງທີ່ໃຫຍ່ທີ່ສຸດຂອງ ທະວີບເອເຊຍ ມາແລ້ວ ເມື່ອປີ 2007 ນອກຈາກນີ້ ອິນໂດເນເຊຍ ຍັງເຄີຍ ສະເໜີຕົວເປັນເຈົ້າພາບບານໂລກ 2022 ມາແລ້ວ ກ່ອນທີ່ຈະຖອນຕົວເມື່ອເດືອນ ມີນາ ປີທີ່ຜ່ານ ສ່ວນ ທ່ານ ສຸຣີນ ພິດສຸວັນ ເລຂາທິການ ASEAN ສະແດງຄວາມເຫັນກ່ຽວກັບກໍລະນີດັ່ງກ່າວ ຜ່ານທາງ Twitter ວ່າ ການຮ່ວມມືກັນໃນເທື່ອນີ້ ເປັນສ່ວນໜຶ່ງ ໃນຄວາມພະຍາຍາມສ້າງຄວາມສາມັກຄີກັນ ໃນຊາດ ສະມາຊິກນຳກັນເອງ ໂດຍໃຊ້ບານເຕະ ຊຶ່ງເປັນກີລາທີ່ໄດ້ຮັບຄວາມນິຍົມຫຼາຍໃນປະຈຸບັນ ມາເປັນສູນລວມຈິດໃຈ ຂອງຊາວ ASEAN
