Pasalao

ເລື່ອງນີ້ມັນເປັນບັນຫາຫຼໍ່ແຫຼມຫຼາຍສຳລັບຈິດໃຈຂອງຊາວມຸສລິມທີ່ມີຄວາມເຊື່ອຢ່າງຕາຍໃຈຕໍ່ພະເຈົ້າ Allah ແລະປະເພນີຂອງເຂົາເຈົ້າ ແລະ ກໍເປັນໜ້າເຫັນໃຈໃນນາມເປັນມະນຸດຜູ້ໜຶ່ງ ແຕ່ໃນລະບຽບກົດໝາຍແລ້ວມັນກໍຕ້ອງເປັນເອກະພາບນຳກັນໝົດບໍ່ວ່າເຈົ້າຈະຖືຜີສາງ, ພຸດ, ຄຮິສ, ຄາໂທລິກ,ມຸສລິມ, ຢິວ, ຮິນດູ, ພາມແລະ ອື່ນໆກໍຕ້ອງໄດ້ປັບຕົວເຂົ້າກັບວັດທະນະທຳ ແລະ ກົດໝາຍຂອງປະເທດທີ່ເຮົາຂໍເພິ່ງ. ເພາະສາສນາມຸສລິມບໍ່ແມ່ນສາສນາຫຼັກຂອງປະເທດຝລັ່ງ. ຕາມຄວາມຄິດຂອງຂ້ານ້ອຍກໍເຫັນວ່າມັນບໍ່ສົມຄວນເປັນຢ່າງຍິ່ງທີ່ຈະຍົກ ເອົາສາສນາໃດໜຶ່ງຂຶ້ນໃຫ້ໃຫຍ່ ແລະ ສູງກວ່າລັດຖະທຳມະນູນ ແລະ ກົດໝາຍຂອງຊາດ. ໃນເມື່ອກົດໝາຍບົ່ງໃຫ້ແມ່ຍິງເຊົາປິດໜ້າຕົນເອງ, ຖ້າວ່າເປັນຄົນດີ, ມີຄວາມຄິດຮອບຄອບ ພາວະວິໄສ ກໍຄວນຕ້ອງປະຕິບັດ. ເພາະສຳລັບຂ້ານ້ອຍແລ້ວສາສນາເປັນພຽງແຕ່ທີ່ເພິ່ງທາງໃຈ ແລະ ກໍແມ່ນມະນຸດເອງທີ່ສ້າງສາສນາຂຶ້ນມາ,ຮູບຕ່າງໆທີ່ເປັນສັນຍາລັກຂອງພະເຈົ້າ ກໍແມ່ນນັກຈິດຕະກອນ, ນັກສິລປະກັມຕ່າງໆ ຊຶ່ງເປັນມະນຸດນີ້ລະ ປະດິດຄິດແຕ່ງຂື້ນມາ ແຕ່ບໍ່ເຊື່ອກໍບໍ່ຕ້ອງລົບລູ່ ! ເພາະສາສນາໃດກໍສອນໃຫ້ຄົນດີໝົດ.