ນາຍົກລັດຖະມົນຕີແຫ່ງ ສປປ ລາວ ໄດ້ອອກດຳລັດເລກທີ 369/ນຍ ວ່າດ້ວຍການຫ້າມໂຄສະນາສົ່ງເສີມຜະລິດຕະພັນຢາສູບ ຕື່ມອີກ ໂດຍຫວັງຫລຸດຜ່ອນການສູບຢາຂອງປະຊາຊົນບັນດາເຜົ່າສົ່ງເສີມໃຫ້ປະຊາຊົນມີສຸຂະພາບດີຂຶ້ນ. ຫລັງຈາກທີ່ທ້າຍປີ 2009 ກົດຫມາຍ ວ່າດ້ວຍການຄວບຄຸມຢາສູບໄດ້ຜ່ານການຮັບຮອງຈາກສະພາ.
ໃນດຳລັດດັ່ງກ່າວ ໄດ້ຫ້າມທຸກການກະທຳທີ່ເປັນການໂຄສະນາການບໍລິໂພກຜະລິດຕະພັນຢາສູບບໍ່ວ່າຈະດ້ວຍວິທີການ ແລະຮູບ ການທີ່ສະແດງອອກໃນການເຮັດໃຫ້ຄົນຫລົງໄຫລ, ຊວນເຊື່ອ ແລະ ຢາກລອງສຳຜັດກັບຢາສູບໂດຍໃຊ້ຄຳເວົ້າ, ພາບ, ຕົວຫນັງສື, ການສະແດງຕະຫລອດເຖິງບຸກຄົນທີ່ມີຊື່ສຽງເປັນຕົວແບບໃນການໂຄສະນາ ແລະ ອື່ນໆ.
ທັງນີ້ ລັດຖະບານໄດ້ໃຫ້ຄວາມສຳຄັນ ແລະ ເອົາໃຈໃສ່ຕໍ່ການປ້ອງກັນ ແລະຮັກສາສຸຂະພາບຂອງປະຊາຊົນບັນດາເຜົ່າດ້ວຍການ ໃຫ້ຄວາມຮູ້, ຂໍ້ມູນຂ່າວສານ, ຊຸກຍູ້ປຸກລະດົມຂົນຂວາຍ, ຂະຫຍາຍວຽກງານອະນາໄມກັນພະຍາດ ແລະ ສົ່ງເສີມສຸຂະພາບທັງພາກ ລັດ ແລະ ເອກະຊົນ ພ້ອມໃຫ້ບໍລິການທາງດ້ານສາທາລະນະສຸກຢ່າງທົ່ວເຖິງ ແລະ ມີຄຸນນະພາບ.
ໂດຍໄດ້ຫ້າມໂຄສະນາຂາຍຜະລິດຕະພັນຢາສູບທຸກຮູບແບບ ທັງໂຄສະນາຜ່ານ ສື່ມວນຊົນ, ໂຄສະນາດ້ວຍວັດຖຸ, ພາຫະນະທີ່ ຜະລິດພາຍໃນ ແລະຫລື ນຳເຂົ້າ, ຫ້າມໂຄສະນາຜ່ານການສະຫນັບສະຫນູນ. ນອກນັ້ນ ຍັງຫ້າມໂຄສະນາໃນສະຖານທີ່ບົນດິນແດນ ສປປ ລາວ ໂດຍທາງກົງ ແລະ ທາງອ້ອມ, ຍົກເວັ້ນຢູ່ສະຖານທີ່ວາງຈຳຫນ່າຍຜະລິດຕະພັນຢາສູບຕາມຮ້ານຂາຍເຄື່ອງທົ່ວໄປເຊັ່ນ: ຕູ້ຢາ ແລະ ຄັນຮົ່ມໃຫຍ່ ແລະ ປ້າຍສະແດງຕົວແທນຈຳຫນ່າຍເທົ່ານັ້ນ.
ໃນດຳລັດດັ່ງກ່າວ ໄດ້ມອບໃຫ້ກະຊວງຖະແຫລງຂ່າວ ແລະ ວັດທະນະທຳເປັນຜູ້ປະສານງານກັບພາກສ່ວນກ່ຽວຂ້ອງໃຫ້ການຄຸ້ມ ຄອງ ແລະ ກວດກາການໂຄສະນາໃນທຸກຮູບແບບຢ່າງເຂັ້ມງວດ ກະຊວງການເງິນເປັນຜູ້ຄຸ້ມຄອງ ແລະ ກວດກາການນຳເຂົ້າຜະລິດ ຕະພັນສື່ມວນຊົນທຸກຊະນິດ ແລະວັດຖຸອຸປະກອນຕ່າງໆ ທີ່ຮັບໃຊ້ໃນການໂຄສະນາໃນດ່ານນຳເຂົ້າທົ່ວປະເທດ, ມອບໃຫ້ກະຊວງອຸດ ສາຫະກຳ ແລະ ການຄ້າຄຸ້ມຄອງ ແລະ ກວດກາການ ຜະລິດ, ການນຳເຂົ້າ ແລະ ການຈຳຫນ່າຍຢາສູບຢູ່ພາຍໃນປະເທດ ແລະ ສົ່ງເສີມການສົ່ງອອກເປັນຕົ້ນຕໍ ແລະ ມອບໃຫ້ກະຊວງສາທາລະນະສຸກເປັນຜູ້ຄຸ້ມຄອງກວດກາປະເມີນຜົນກ່ຽວກັບຜົນກະທົບຂອງຢາ ສູບຕໍ່ສຸຂະພາບຂອງພົນລະເມືອງ ແລະ ໃຫ້ຄວາມຮູ້ກ່ຽວກັບຜົນຮ້າຍຂອງການສູບຢາໃຫ້ແກ່ປະຊາຊົນ.
ສ່ວນບຸກຄົນ, ນິຕິບຸກຄົນ ແລະ ອົງການຈັດຕັ້ງຕ່າງໆຫາກບໍ່ປະຕິບັດຕາມດຳລັດດັ່ງກ່າວ ແມ່ນຈະຖືກເຈົ້າຫນ້າທີ່ຜູ້ຮັບຜິດຊອບ ໃນການຄຸ້ມຄອງກວດກາ ປະຕິບັດມາດຕະການຕາມພາລະບົດບາດດ້ວຍການກ່າວເຕືອນ, ສຶກສາອົບຮົມ, ຖອນໃບອະນຸຍາດການດຳ ເນີນກິດຈະການ, ຢຶດ, ຮິບ, ປັບໃຫມ ແລະ ລົງໂທດຕາມກໍລະນີ.
ດຳລັດສະບັບນີ້ ມີຜົນສັກສິດບັງຄັບໃຊ້ພາຍຫລັງ 90 ວັນ ນັບຈາກທ່ານນາຍົກລັດຖະມົນຕີແຫ່ງ ສປປ ລາວ ລົງລາຍເຊັນ ໃນ ວັນທີ 23 ສິງຫາ 2010.
Anonymous wrote:ສາວຂາຍຢາສູບຄືນ້ອງຊິໄປຫາວຽກຢູ່ໃສລະນໍແລ້ວ ລົດທີ່ຕິດຟີມກາຢາສູບຕ່າງໆເພີ່ນກະໃຫ້ຫລອກອອກບໍ່ຮື້ໆໆໆໆໆ
ສາວຂາຍຢາສູບຄືນ້ອງຊິໄປຫາວຽກຢູ່ໃສລະນໍແລ້ວ ລົດທີ່ຕິດຟີມກາຢາສູບຕ່າງໆເພີ່ນກະໃຫ້ຫລອກອອກບໍ່ຮື້ໆໆໆໆໆ
ຂ້ອຍລະງົງງົງລັດຖະບານເພິ່ນຫ້ານສົ່ງເສີມການບໍລິໂພກຢາສູບ ໂດຍຫ້າມບໍ່ໃຫ້ມີໂຄສະນາຕ່າງໆຕາມວິທະຍຸ ໂທລະທັດບາດເບຍລາວ ຊື່ງເປັນສິ່ງມືນເມົາແກ່ເຍັາວະຊົນ ພັດໃຫ້ປ່ອຍອອກໂຄສະນ ເກືອບທຸກໆ 4 ນາທີແລ້ວທ່ານນາຍຍົກ ຈະອະທິຍາຍຈັງໃດ
