Pasalao

Mii wrote:

---

Windows Vista , Windows 7 ມີຕົວອັກສອນ " ດອກຈໍາປາ " ແລະມີແປ້ນພິມລາວຕິດມາພ້ອມ ບໍ່ຈໍາເປັນຕ້ອງໄດ້ໄປໂຫລດເອົາແປ້ນພິມອື່ນມາໃຊ້ຄືWindows XP. ວິທີຕິດຕັ້ງແມ່ນເຮັດດັ່ງນີ້:
1. ກົດ Start ທີ່ຢູ່ແຈລຸ່ມສຸດດ້ານຊ້າຍຂອງຈໍສະແດງ.
2. ກົດ Control Panel.



3. ເມື່ອປ່ອງ control Panel ປາກົດຂຶ້ນມາແລ້ວ ໃຫ້ກົດແຖວຕົວໜັງສືທີ່ຂຽນວ່າ Change Keyboards or other input methods



4. ເມື່ອປ່ອງ Region and Language ປາກົດຂຶ້ນມາແລ້ວ ໃຫ້ກົດປຸ່ມ Change Keyboards



5. ເມື່ອປ່ອງ Text Services and Input Languages ປາກົດຂຶ້ນມາ ໃຫ້ກົດປຸ່ມ Add



6.  ຢູ່ໃນປ່ອງ Add input language ນີ້ຈະມີແປ້ນພິມຂອງຫລາຍໆຊາດຫລາຍໆພາສາ, ໃຫ້ເລື່ອນລາຍຊື່ຂອງພາສາລົງມາຈົນເຫັນ Lao(LaoPDR), ເມື່ອເຮົາກົດເຄື່ອງໝາຍບວກທີ່ຢູ່ຂ້າງໜ້າ ມັນກໍ່ຈະແຕກອອກມາໃຫ້ເຮົາເຫັນ Keyboard, ເມື່ອເຮົາກົດເຄື່ອງໝາຍບວກທີ່ຢູ່ຂ້າງໜ້າ ມັນກໍ່ຈະແຕກອອກມາໃຫ້ເຮົາເຫັນ Lao, US, Show more. ໃຫ້ເອົາເຄື່ອງໝາຍບວກໃສ່ບັອກຊ໌ທີ່ຢູ່ຕໍ່ໜ້າ Lao.



7. ຖ້າເຮົາຢາກຮູ້ວ່າແປ້ນພິມພາສາລາວຊະນິດນີ້ເຂົາລຽງຕົວອັກສອນແນວໃດ໋ ໃຫ້ກົດປຸ່ມ Preview


8. ເມື່ອກົດປຸ່ມ Preview ແລ້ວເຮົາກໍ່ຈະເຫັນຮູບແປ້ນພິມລາວ. ຖ້າມີຢາກເກັບໄວ້ເບິ່ງກໍ່print ອອກມາໄດ້ໂດຍກົດເອົາລິ້ງນີ້: http://img.laoupload.com/images/71872101079957179445.jpg 
 


9. ເພື່ອຈະປ່ຽນແປ້ນພິມຈາກພາສາລາວໄປເປັນພາສາອື່ນເຮົາຕ້ອງໄດ້ກໍານົດເອົາເອງໂດຍກົດ Advanced key settings.



10. ຈາກນັ້ນກໍ່ໃຫ້ກົດປຸ່ມ Change Key Sequence



11. ສໍາລັບຂ້ອຍຄິດວ່າກົດປຸ່ມ Ctrl+Shift ແມ່ນໄວກ່ວາປຸ່ມອື່ນ.



 ຂໍໃຫ້ທຸກຄົນໂຊກດີ.

---