Pasalao

ສໍາມະທານແລະສຳປະທານ ອັນໃດຖືກ

Anonymous wrote:

---

ສໍາມະທານແລະສຳປະທານ ອັນໃດຖືກ

---

Anonymous wrote:

---

ເຄີຍໄປເບິ່ງເຂດປົດປ່ອຍເກົ່າຢູ່ບໍພໍ່ລຸງ? ບໍ່ແມ່ນກາຍເປັນເຂດປະປ່ອຍໝົດແລ້ວເບາະປານນີ້ນະ? ໄດ້ຍິນວ່າພວກລາວເທິງຢູ່ທາງພາກໃຕ້ບໍ່ພໍໃຈພັກລັດເພາະເພິ່ນເອົາດິນປູກຝັງເຂົາເຈົ້າໄປໃຫ້ນັກລົງທຶນຕ່າງປະເທດສໍາມະທານ, ຄົ້ນຄວ້າຄືນໃໝ່ເດີທ່ານກ່ອນຈະຍ້ອງຫັ້ນນະ!

---

 ຄົນໃຕ້: ຂ້າພະເຈົ້າເປັນຄົນພາກໃຕ້,ເມືອງໂພນທອງ ແຂວງຈຳປາສັກ. ສິ່ງທີ່ຫຼາຍຄົນເວົ້າ,ຫຼາຍຄົນເຂົ້າໃຈກ່ຽວກັບການສຳປະທານທີ່ດິນໃນການລົງທຶນ.ບໍ່ວ່າຈະເປັນການພັດທະນາກະສິກຳ,ອຸດສະຫາກຳ,ບໍ່ແຮ່ຕ່າງໆຈາກລັດຖະບານວ່າມີການກວດເອົາດິນຂອງປະຊາຊົນໄປໄຫ້ນັກລົງທຶນສຳປະທານວ່າຊັ້ນ.ທີ່ຈິງປະເທດ ສປປລາວມີລະບອບປົກຄອງດ້ວຍລັດຖະທຳມະນູນ,ມີກົດຫມາຍແລະມີຂໍ້ບັງຄັບບໍ່ແມ່ນໃຜຢາກເຮັດຫຍັງກໍໄດ້.ການລົງທຶນຂອງນັກລົງທຶນທັງພາຍໃນຫຼືຕ່າງປະເທດແມ່ນອີງໃສ່ກົດຫມາຍການລົງທຶນທັງນັ້ນ. ບາງບໍລິສັດອາດຈະນຳໃຊ້ລະບົບ 2+3 ຫຼືອາດລົງທຶນເອງທັງຫມົດ.ການສຳປະທານທີ່ດິນຖ້າຫາກແຕະຕ້ອງທີ່ດິນທີ່ ມີຜູ້ຄອບຄອງແມ່ນຈະຕ້ອງໄດ້ເສັຍຄ່າຊົດເຊີຍຕາມກົດຫມາຍ.ບໍ່ແມ່ນຢາກໄດ້ຂອງໃຜກໍເອົາໂລດຄັນຊັ້ນນາຕູ້ສີຕູ້ສາ ແຖບບ້ານຜູ້ຂ້າເຂົາກໍເອົາຫມັດແລ້ວຕົວ.

ຍອມຮັບວ່າຜົນງານພົ້ນເດັ່ນກ່ວາໝູ່ຂອງລັດຖະບານພາຍໃຕ້ການປົກຄອງຂອງ ພັກ ປຊປຕວລ ແມ່ນການບໍ່ຈຳແນກ ແລະລັງກຽດວ່າເຜົ່າໃດໃຫ່ຍ ຫຼືນ້ອຍ, ເຜົ່າໃດສຳຄັນກ່ວາຫຼືບໍ່ສຳຄັນ ຈຶ່ງເປັນການປູກຈິດສຳນຶກໃຫ້ພົນລະເມືອງລາວຮູ້ຮັກ ສາມັກຄີກັນ ບໍ່ແບ່ງແຍກ ແລະລັງກຽດວ່າເຜົ່າລາວທິງ ລາວສູງ ຊຶ່ງມັນສະແດງອອກຄື ການທີ່ເຜົ່າລາວລຸ່ມແມ່ນໄດ້ມີການແຕ່ງງານກັບເຜົ່າມົ້ງ, ອາຄາ, ກຶມມຸ, ມຽນ ແລະອື່ນໆ ຊຶ່ງໃນອາດິດແມ່ນເປັນໄປບໍ່ໄດ້ ຂ້ອຍຍັງຈື່ໄດ້ດີມີລຸ້ນອ້າຍຂ້ອຍໄປແຕ່ງງານກັບສາວມຽນ ແຕ່ຍາດພີ່ນ້ອງບໍ່ຍອມຮັບ ແລະໄທບ້ານໝົດບ້ານກໍ່ພາກັນດູຖູກລາວຂະໜາດ. ພໍ່ແມ່ຂ້ອຍເອງກໍ່ເຄີຍສັ່ງສອນຂ້ອຍຕະລອດວ່າຢ່າເອົາເມຍຂ້າເນີມັນຊວຍ ສຸດທ້າຍຂ້ອຍກໍ່ມາເອົາເມຍຊຶ່ງພໍ່ລາວເປັນຂ້າພູນ້ອຍກໍ່ບໍ່ເຫັນເປັນຫັຍງ ຄັນແມ່ນຍຸກເກົ່າຂ້ອຍເອົາບໍ່ໄດ້ດອກ.

ສ່ວນການປົກຄອງປາກົດວ່າມີເຜົ່າສ່ວນນ້ອຍເປັນເຈົ້າເປັນນາຍຫຼາຍໃນທຸກໆລະດັບ ສ່ວນລະດັບສູງສຸດກໍ່ມີ ທ່ານ ອາຊາງ ລາວລີ(ອາຄາ), ນາງ ປານີ ຢາທໍຕູ້(ມົ້ງ), ບຸນທອງ ຈິດມະນີ(ກຶມມຸ), ບຸນປອນ ບຸດຕະນະວົງ(ພູນ້ອຍ) ແລະອື່ນໆ. ແຕ່ກົງກັນຂ້າມພີ່ນ້ອງເຊື້ອສາຍລາວທີ່ອາໃສຢູ່ຕ່າງປະເທດພັດຍັງແບ່ງແຍກ ແລະດູຖູກບັນດາເຜົ່າສ່ວນນ້ອຍຢູ່ຄືເກົ່າ ສັງເກດເບິ່ງຄວາມເວົ້າທີ່ອອກມາໂຈມຕີກັນໃນເວບບລັອກຕ່າງໆ ມັກໃຊ້ຄຳວ່າ ບັກແມ້ວ, ບັກຂ້າ ແລະອື່ນໆ ທັ້ງໆທີ່ອາໃສຢູ່ປະເທດີ່ພັດທະນາແລ້ວ ແລະເປັນປະເທດທີ່ອ້າງວ່າມີສິດທິມະນຸດສູງ ແຕ່ປາກົດວ່າພວກທ່ານເຫຼົ່ານັ້ນບໍ່ໄດ້ປ່ຽນແປງໄປນຳເລີຍ ໜ້າເສຍດາຍເນາະ.

ສ່ວນຄວາມເຫັນບາງທ່ານທີ່ເວົ້າວ່າລັດເອົາດິນໄປໃຫ້ຕ່າງປະເທດສຳປະທານນັ້ນມັນເປັນຄົນລະປະເດັນກັບການຈຳແນກຊົນເຜົ່າຕິບໍ ເພາະວ່າຖ້າຖືກໂຄງການແລ້ວເຜົ່າໃດກໍ່ຕ້ອງມີຜົນກະທົບຄືກັນ ຍົກຕົວຢ່າງ ໂຄງການພັດທະນາບຶງທາດຫຼວງ, ໜອງຈັນ, ໜອງທາ, ໜອງປີງ ແລະຫາດດອນຈັນ ມັນກໍ່ມີທຸກເຜົ່າ, ທຸກຊັ້ນຄົນ ບໍ່ວ່າຈະເປັນການນຳ ຫຼື ປະຊາຊົນ ຕົກນ້ຳຫົວພຽງກັນຫັ້ນແລ້ວ.

Anonymous wrote:

---

ທ່ານຄົນໃຕ້ເວົ້າມາກໍ່ມີເຫດຜົນໜ້າຟັງ ແຕ່ຢ່າລືມວ່າກົດໝາຍກ່ຽວກັບທີ່ດິນໃນບ້ານເຮົາມີຊ່ອງວ່າງ ເຮັດໃຫ້ຄົນທີ່ມີສິດມີອໍານາດມີເງິນມີຄໍາສວຍໂອກາດ ຈົນເຮັດໃຫ້ມີການຮຽກຮ້ອງຂໍຄວາມຊ່ອຍຈາກປະຊາຊົນຂຶ້ນມາຫາສະມາຊິກສະພາໃຫ້ແກ້ໄຂປີນຶ່ງຫຼາຍຮ້ອຍກໍລະນີໃຫ້ຄະນະລັດຖະບານບໍລິຫານປະເທດດ້ວຍຄວາມໂປ່ງໃສ. ຖ້າບໍ່ມີມູນຄວາມຈິງ ທ່ານບຸນທໍາ ແສນພັນສິຣິ ຊຶ່ງເປັນ ສສຊ ເຂດເລືອກຕັ້ງທີ6 ແຂວງຫຼວງພະບາງຄົງຈະບໍ່ຍົກຂຶ້ນມາເວົ້າໃນສະພາດອກວ່າປະຊາຊົນໄດ້ຮັບຄວາມເດືອດຮ້ອນຈາກການສໍາປະທານດິນສ້າງສະໜາມກອັບ ໂຄງການປູກຢາງພາລາ ເພາະປະຊາຊົນໃນ 4 ໝູ່ບ້ານໄດ້ຮັບຄ່າຊົດເຊີຍທີ່ບໍ່ເໝາະສົມ.

---

 ຄົນໃຕ້: ຂອບໃຈທ່ານທີ່ມີຄຳເຫັນກົງໄປກົງມາ. ເລື່ອງບັນຫາການສຳປະທານທີ່ດິນຂອງນັກລົງທຶນແລະຜົນກະທົບ ຕໍ່ບຸກຄົນກໍຄືສະພາບແວດລ້ອມມັນກໍມີຢ່າງປະຕິເສດບໍ່ໄດ້,ການສວຍໂອກາດຂອງເຈົ້າຫນ້າທີ່ກໍມີເຊັ່ນດຽວກັນ. ແຕ່ເຮັດແນວໃດໃຫ້ຜົນກະທົບນັ້ນມີນ້ອຍທີ່ສຸດ.ເລື່ອງກົດຫມາຍທຸກກົດຫມາຍແມ່ນມີຊ່ອງຫວ່າງທັງຫມົດແຕ່ເຮັດ ແນວໃດຈະໄຫ້ຈະເຮັດໃຫ້ກົດຫມາຍນັ້ນມີປະໂຫຍດແກ່ປະຊາຊົນມາກທີ່ສຸດ. ພະນັກງານລັດຈະຕ້ອງມີຈິດສຳນຶກໃນຄວາມເປັນເຈົ້າການໃນການປະຕິບັດກົດຫມາຍດ້ວຍຄວາມໂປ່ງໃສ.ແລະອີກປັດໃຈຫນຶ່ງຄືການເສັຍຄ່າຊົດເຊີຍມີບາງກໍລະນີເມື່ອໄດຍິນວ່າຈະມີໂຄງການປະຊາຊົນທີ່ຫົວໃສຊ້ຳພັດແລ່ນໄປ ຫມາຍເອົາດິນໂດຍບໍ່ມີໃບຕາດິນທີ່ຖືກຕ້ອງແລ້ວຮຽກຮ້ອງໃຫ້ຜູ້ສຳປະທານຈ່າຍຄ່າຊົດເຊີຍ.ດັ່ງນັ້ນທຸກຢ່າງມັນຂຶ້ນກັບຄວາມຈິງໃຈ,ຈິງຈັງນຳກັນໃນການປະຕິບັດກົດຫມາຍ.ຖ້າວ່າທຸກຄົນຄິດເຫັນແກ່ປະໂຫຍດສ່ວນຕົວແລ້ວບັນຫາຈະບໍ່ມີວັນຊິ້ນສຸດ.ສຸດທ້າຍກໍກາຍເປັນຂໍ້ຂັດແຍ່ງຂອງສັງຄົມ.