Pasalao

Members Login

Post Info

TOPIC: ອິຣ່ານຖືກລົງໂທດຄັ້ງໃໝ່

ນັກກັອບ

Date: Jun 11, 2010

ອິຣ່ານຖືກລົງໂທດຄັ້ງໃໝ່	Permalink

ສະພາຄວາມໝັ້ນຄົງສະຫະປະຊາຊາດຮັບຮອງມະຕິໃໝ່ກ່ຽວກັບການລົງໂທດອີຣານ ຕາມຂ່າວCRI: ໂດຍຜ່ານການປຶກສາຫາລືຊ້ຳແລ້ວຊ້ຳອີກເປັນເວລາຫຼາຍເດືອນ, ສະພາຄວາມໝັ້ນຄົງສະຫະປະຊາຊາດໄດ້ຮັບຮອງມະຕິລົງໂທດອີຣານຮອບໃໝ່ໃນວັນທີ 9 ມິຖຸນານີ້, ຕົກລົງລົງໂທດອີຣານຢ່າງເຂັ້ມງວດກວ່າເກົ່າ. ອີຣານມີປະຕິກິລິຍາຢ່າງຮຸນແຮງຕໍ່ເລື່ອງນີ້. ນັກວິເຄາະຊີ້ອອກວ່າ, ການຮັບຮອງມະຕິລົງໂທດສະບັບໃໝ່ໄດ້ສະແດງໃຫ້ເຫັນຄວາມເປັນຫ່ວງຂອງສະຫະປະຊາຊາດຕໍ່ບັນຫານີວເຄຼຍອີຣານ, ພ້ອມກັນນັ້ນກໍ່ໄດ້ຈົ່ງຊ່ອງຫວ່າງແກ້ໄຂບັນຫານີວເຄຼຍ ອີຣານທາງການທູດ. ຕໍ່ໄປການຂະຫຍາຍຕົວບັນຫານີວເຄຼຍອີຣານອາດຈະຫຍຸ້ງຍາກກວ່າເກົ່າ. ໃນການປ່ອນບັດລົງຄະແນນສຽງທີ່ຈັດຂຶ້ນໃນວັນທີ 9 ມິຖຸນານີ້, ໃນ 15 ປະເທດສະມາຊິກຂອງສະພາຄວາມໝັ້ນຄົງສະຫະປະຊາຊາດມີ 12 ປະເທດໄດ້ປ່ອນບັດເຫັນດີນຳຮ່າງມະຕິການລົງໂທດໃໝ່, ເບຼຊີນ, ຕວກກີໄດ້ປ່ອນບັດຄັດຄ້ານແລະລີບັງໄດ້ປ່ອນບັດຂາວບໍ່ອອກສຽງ. ແຜນການລົງໂທດໃໝ່ໄດ້ເພີ່ມມາດຕະການເຂັ້ມງວດກວ່າເກົ່າເພື່ອລົງໂທດອີຣານ, ຫ້າມບໍ່ໃຫ້ອີຣານເຂົ້າຮ່ວມການລົງທຶນໃນຂົງເຂດນີວເຄຼຍຢູ່ຕ່າງປະເທດ, ຫ້າມບໍ່ໃຫ້ປະເທດຕ່າງໆຂາຍອາວຸດຂະໜາດໜັກເຊັ່ນລົດຕັງ, ຍົນຮົບແລະກຳປັ່ນຮົບເປັນຕົ້ນໃນອີຣານ; ຫ້າມບໍ່ໃຫ້ອີຣານດຳເນີນການເຄື່ອນໄຫວໃດໆກ່ຽວກັບລູກສອນໄຟນຳວິຖີຕິດອາວຸດນີວເຄຼຍ. ມະຕິຍັງຮຽກຮ້ອງໃຫ້ເພີ່ມທະວີມາດຕະການກວດກາກຳປັ່ນທີ່ຖືກສົງໄສສົ່ງສິນຄ້າເກືອດຫ້າມຢູ່ທ່າກຳປັ່ນແລະນ່ານທະເລສາກົນ, ເປີດເຜີຍລາຍຊື່ຂອງບຸກຄົນແລະອົງກອນທີ່ຖືກກັກຊັບສິນແລະຈຳກັດການໄປຕ່າງປະເທດ, ໃນມະຕິລົງໂທດສະບັບໃໝ່, ມີ 41 ບໍລິສັດໄດ້ຖືກຂຽນເຂົ້າໃນລາຍຊື່ດັ່ງກ່າວ. ພ້ອມກັນນັ້ນ, ມະຕິລົງໂທດໃໝ່ຍັງຫ້າມບໍ່ໃຫ້ຫຼາຍປະເທດດຳເນີນການຊື້ຂາຍກ່ຽວກັບການເຄື່ອນໄຫວນີວເຄຼຍກັບອີຣານ; ສ້າງໜ່ວຍຊ່ຽວຊານທີ່ຮັບຜິດຊອບຕິດຕາມການປະຕິບັດການລົງໂທດຕໍ່ອີຣານ. ນັບແຕ່ເດືອນທັນວາປີ 2006 ເປັນຕົ້ນມາ, ມະຕິສະບັບທີ 4ທີ່ລົງໂທດອີຣານກ່ຽວກັບບັນຫານິວເຄຼຍທີ່ສະພາຄວາມຫມັ້ນຄົງສະຫະປະຊາຊາດໄດ້ຮັບຮອງນັ້ນກໍ່ແມ່ນມະຕິລົງໂທດສະບັບຫນຶ່ງທີ່ຖືກຖືເປັນການລົງໂທດເຂັ້ມງວດທີ່ສຸດມາຮອດປະຈຸບັນ. ຫຼັງຈາກໄດ້ຮັບຮອງມະຕິສະບັບນີ້ແລ້ວ,ລັດຖະມົນຕີວ່າການກະຊວງການຕ່າງປະເທດຂອງ 6 ປະເທດຄື:ຈີນ,ອາເມລິກາ,ຣັດເຊຍ,ອັງກິດ,ຝຣັ່ງແລະເຢຍລະມັນໄດ້ອອກຖະແຫຼງການຮ່ວມໂດຍເຜີຍແຜ່ວ່າ,ມະຕິດັ່ງກ່າວໄດ້ສ່ອງແສງໃຫ້ເຫັນຄວາມເປັນຫ່ວງເປັນໃຍຂອງປະຊາຄົມໂລກທີ່ມີຕໍ່ແຜນການນິວເຄຼຍຂອງອີຣານ, ແຕ່ພ້ອມນັ້ນຍັງໄດ້ເປີດປະຕູເພື່ອໃຫ້ 6 ປະເທດສືບຕໍ່ຕິດຕໍ່ພົວພັນກັບອີຣານ. 6 ປະເທດດັ່ງກ່າວຈະສືບຕໍ່ທຳຄວາມພະຍາຍາມເພື່ອບັນລຸແຜນການແກ້ໄຂຢ່າງຮອບດ້ານຍາວນານ, ເພື່ອຟື້ນຟູຄວາມຫມັ້ນໃຈຂອງປະຊາຄົມໂລກທີ່ມີຕໍ່ການນຳໃຊ້ແຜນການນິວເຄຼຍຂອງອີຣານເຂົ້າໃນທາງສັນຕິພາບ. ຕວກກີແລະເບຼຊິນທີ່ປ່ອນບັດຄັດຄ້ານໃນການລົງຄະແນນສຽງເຫັນວ່າ, ມະຕິລົງໂທດໃຫມ່ ຈະບໍ່ມີຜົນດີຕໍ່ການແກ້ໄຂບັນຫານິວເຄຼຍອີຣານ, ແລະຍັງອາດຈະເກີດຜົນສະທ້ອນທີ່ກົງກັນຂ້າມ. ແຕ່ສອງປະເທດຍັງຮຽກຮ້ອງວ່າ, ຄວນໃຫ້ສັນຍາແລກປ່ຽນວັດຖຸເຊື້ອໄຟນິວເຄຼຍຂອງອີຣານຕວກກີແລະເບຼຊິນມາເວລາຫຼາຍກວ່ານີ້. ຫຼັງຈາກມະຕິລົງໂທດໃຫມ່ໄດ້ຜ່ານການຮັບຮອງແລ້ວ,ກໍ່ເຮັດໃຫ້ອີຣານມີປະຕິ ກິລິຍາຢ່າງຮຸນແຮງ. ມື້ດຽວກັນ,ທ່ານມູຮາມັດ ອາມາດິເນຈາດ,ປະທານາທິບໍດີອີຣານທີ່ພວມຢ້ຽມຢາມສາທາລະນະລັດຕາຊີກີສະຖານ ກ່າວວ່າ, ມະຕິແບບນີ້ບໍ່ມີຄວາມຫມາຍຫຍັງຕໍ່ອີຣານ. ວັນທີ 8 ມິຖຸນານີ້,ທ່ານມູຮາມັດ ອາມາດິເນຈາດ ເຄີຍກ່າວເຕືອນວ່າ, ຖ້າມະຕິລົງໂທດໃຫມ່ທີ່ແນໃສ່ອີຣານໄດ້ຜ່ານການຮັບຮອງ, ອີຣານຈະຢຸດຕິການເຈລະຈາກ່ຽວກັບບັນຫານິວເຄຼຍຂອງປະເທດຕົນ. ນັກວິເຄາະເຫັນວ່າ,ການປະກາດໃຊ້ມະຕິລົງໂທດໃຫມ່ ສະແດງໃຫ້ເຫັນຄວາມສົນໃຈຂອງສະຫະປະຊາຊາດຕໍ່ບັນຫານິວເຄຼຍອີຣານ,ແລະກໍ່ສະແດງໃຫ້ເຫັນຍຸດໂທບາຍຂອງສະຫະປະຊາຊາດສອງດ້ານໃນບັນຫານິວເຄຼຍອີຣານ. ການວາງມະຕິລົງໂທດໃຫມ່ໄດ້ສະແດງໃຫ້ເຫັນຄວາມຫມັ້ນໃຈໃນການ ຮັກສາລະບົບບໍ່ແຜ່ຜາຍອາວຸດນິວເຄຼຍສາກົນແລະຄັດຄ້ານອີຣານມີອາວຸດນິວເຄຼຍ,ແລະກໍ່ເປັນການເຕືອນອີຣານ. http://laos.cri.cn/ __________________

Page 1 of 1 sorted by

Create your own FREE Forum
Report Abuse