ຂ່າວ: ບຸນປະສິດ
ລັດຖະບານຍີ່ປຸ່ນໃຫ້ຄວາມສຳຄັນດ້ານສິ່ງແວດລ້ອມພ້ອມຈັບຕາບັນຫາເລື່ອງປ່າໄມ້ໃນລາວ ແຕ່ຈະໃຫ້ການຊ່ວຍເຫລືອໃນຂະແຫນງ ດັ່ງກ່າວ; ຂະນະທີ່ລັດຖະບານລາວຊີ້ແຈງມີແຜນລະອຽດກ່ຽວກັບການເພີ່ມພື້ນທີ່ປ່າ.
ໃນການພົບປະສອງຝ່າຍລະຫວ່າງລັດຖະບານລາວກັບລັດຖະບານຍີ່ປຸ່ນໃນວັນທີ 7 ພະຈິກຜ່ານມານີ້ ຫນຶ່ງໃນຫລາຍບັນຫາທີ່ທ່ານ ນາຍົກລັດຖະມົນຕີຂອງຍີ່ປຸ່ນໄດ້ຍົກຂຶ້ນມາກ່າວນັ້ນແມ່ນບັນຫາເລື່ອງສິ່ງແວດລ້ອມໃນລາວ ໂດຍສະເພາະເລື່ອງການຫລຸດລົງຂອງເນື້ອທີ່ ປ່າໄມ້. ເຖິງຢ່າງໃດກໍ່ຕາມ ລັດຖະບານຍີ່ປຸ່ນກໍ່ມີແຜນການໃຫ້ການຊ່ວຍເຫລືອລາວໃນຂະແຫນງດັ່ງກ່າວ.
ສຳລັບ ສປປ ລາວ ເອງລັດຖະບານກໍ່ມີນະໂຍບາຍລະອຽດກ່ຽວ ກັບບັນຫາເລື່ອງສິ່ງແວດລ້ອມ ໂດຍສະເພາະເລື່ອງການເພີ່ມພື້ນທີ່ ສີຂຽວ (ພື້ນທີ່ປ່າໄມ້) ໂດຍມີການຕັ້ງເປົ້າໄວ້ວ່າ: ໃນປີ 2010 ໃຫ້ມີເນື້ອທີ່ປົກຫຸ້ມຂອງປ່າໄມ້ກວມ 53%ແລະເພີ່ມຂຶ້ນເປັນ 65% ແລະ 70% ໃນປີ 2015 ແລະ 2020 ຕາມລຳດັບ.
