ປັດຈຸບັນໃນຕົວເມືອງຂອງນະຄອນຫຼວງວຽງຈັນ ແມ່ນຄ່ອຍໆໄດ້ຮັບຄວາມບົວລະບັດຮັກສາ ປັດກວາດຖະໜົນຫົນທາງ ສວນສາທາລະນະ ຕະ ຫຼອດຮອດການຕົກແຕ່ງທາສີຂອບທາງ ເສັ້ນມາລາຍ ການແບ່ງເລນ ປ້າຍຈະລາຈອນ ແລະ ຖັງໃສ່ຂີ້ເຫຍື້ອສາທາລະນະ.
ສະເພາະຖັງໃສ່ຂີ້ເຫຍື້ອສາທາລະນະທີ່ໄດ້ຮັບການຊ່ວຍເຫຼືອຈາກບໍລິສັດເບຍລາວຈຳກັດ ເມື່ອບໍ່ດົນຜ່ານມານັ້ນ ປັດຈຸບັນແມ່ນໄດ້ນຳເອົາມາຕັ້ງ ໄວ້ຕາມຈຸດຕ່າງໆທີ່ສຳຄັນໃນນະຄອນຫຼວງວຽງຈັນ 400 ກ່ວາໜ່ວຍ ເພື່ອອຳນວຍຄວາມສະດວກໃຫ້ແກ່ມວນຊົນ (ນັກທ່ອງທ່ຽວ ແລະ ຜູ້ ເດີນທາງໄປ-ມາໄດ້ມີບ່ອນຖິ້ມຂີ້ເຫຍື້ອ) ແລະ ພະນັກງານ ອພບ ເຊິ່ງເຮັດໜ້າທີ່ປັດກວາດຕາມແຄມທາງ ສວນສາທາລະນະ ແລະ ຂີ້ເຫຍື້ອ ດັ່ງກ່າວນັ້ນ ແຕ່ລະວັນແມ່ນຈະມີກອງທຳຄວາມສະອາດນະຄອນຫຼວງ ເອົາລົດມາເກັບມ້ຽນ ແລະ ນຳໄປຖິ້ມ ຫຼື ທຳລາຍຢູ່ສະໜາມຂີ້ເຫຍື້ອ.
ພະນັກງານຈາກອົງການພັດທະນາ ແລະ ບໍລິຫານຕົວເມືອງວຽງຈັນ (ອພບ) ລາຍງານວ່າ: ປັດຈຸບັນໄດ້ມີປະຊາຊົນຈຳນວນໜຶ່ງສວຍໂອກາດ ເອົາຂີ້ເຫຍື້ອຢູ່ເຮືອນຕົນເອງ ມາຖິ້ມໃສ່ຖັງຂີ້ເຫຍື້ອສາທາລະນະ ຢ່າງຂາດຄວາມຮັບຜິດຊອບ ແລະ ໄຮ້ຄວາມອາຍ ເຊິ່ງການກະທຳນີ້ສ່ວນ ຫຼາຍແມ່ນຕອນກາງຄືນ... ສະນັ້ນ ຈິ່ງມີການສັນນິຖານວ່າ: ຂີ້ເຫຍື້ອດັ່ງກ່າວອາດແມ່ນມາຈາກປະຊາຊົນຜູ້ຢູ່ໃກ້ກັບຖັງຂີ້ເຫຍື້ອ.
ຍາມກາງຄືນແມ່ນຍາມພັກຜ່ອນ ຫຼື ຍາມນອນຂອງຄົນເຮົາ... ແຕ່ມີສັດປະເພດໜຶ່ງບໍ່ຄ່ອຍຈະນອນ ແຕ່ຖ້າມັນນອນກໍແມ່ນ ນອນແບບເຄິ່ງຫຼັບ ເຄິ່ງຕື່ນ ສະນັ້ນ ຜູ້ຮ້າຍອ້າຍຂະໂມຍມາຈອບມາມອງ ມັນຈະສົ່ງສຽງທັນທີ...ສະນັ້ນຈະເຮັດຫຍັງແນວບໍ່ດີຕອນກາງຄືນ ກໍໃຫ້ຄິດອາຍມັນແດ່?
ໂດຍ: ໂກ້ ໄຊຍົນຕີvientianemai
ຢູ່ຕ່າງປະເທດ ຖ້າເພິ່ນຈັບໄດ້ໄລ່ທັນເພິ່ນຈະປັບໃໝຫລາຍເງິນ.
