ໂດຍ: ດ້ວງຄູນກຸນ
ທ່ານຜູ້ອ່ານຂາປະຈຳຄໍລຳທັດສະນະມະຫາຊົນທ່ານເຄີຍສັງເກດບໍ່ວ່າ ປະຈຸບັນເວລາທ່ານໄດ້ເດີນທາງໄປ-ມາໃນນະຄອນຫລວງວຽງ ຈັນ ແລະ ຫລາຍໆທ່ານອາດຈະເຄີຍພົບເຫັນປ້າຍແຈ້ງເຫດສຸກເສີນທີ່ທາງພາກສ່ວນກ່ຽວຂ້ອງນຳມາຕິດຕັ້ງຕາມເຂດຈຸດສຸມຂອງປະຊາ ຊົນເປັນຕົ້ນວ່າ: ຕະຫລາດສວນສາທາລະນະແຄມທາງຕ່າງໆ ແລະ ສະຖານທີ່ສຳຄັນໃນນະຄອນຫລວງ.
ແມ່ປ້າຄົນຫນຶ່ງທີ່ບໍ່ຂໍປະສົງອອກນາມຂາຍເຄື່ອງຢູ່ຕະຫລາດເຊົ້າລາວໄດ້ໃຫ້ທັດສະນະຕໍ່ຜູ້ຂຽນວ່າ: ສຳລັບປ້າຍແຈ້ງເຫດສຸກເສີນທີ່ ພາກສ່ວນກ່ຽວຂ້ອງນຳມາຕິດຕັ້ງຕາມສະຖານທີ່ຈຸດສຸມຂອງຊຸມຊົນແຫ່ງຕ່າງໆນັ້ນຕາມແນວຄວາມຄິດຂອງແມ່ປ້າເອງແລ້ວແມ່ນມີຄວາມ ອົບອຸ່ນໃຈຫລາຍ ເຊິ່ງມັນອາດຈະເປັນວິທີການຫນຶ່ງທີ່ອາດຈະສາມາດຫລຸດຜ່ອນຄວາມເສຍຫາຍ ຫລື ທັນກັບເຫດການຂຶ້ນອີກເພາະວ່າ ໃນເວລາຜ່ານມາມັກພົບເຫັນເວລາເກີດເຫດໄຟໄຫມ້ ຫລື ອັກຄີໄພເກີດຂຶ້ນປະຊາຊົນບາງຄົນຍັງບໍ່ຮູ້ເບີໂທພາກສ່ວນທີ່ກ່ຽວຂ້ອງໃນການ ຕິດຕໍ່ຫາ ເພື່ອມາຄວບຄຸມການລຸກລາມຂອງໄຟ ຫລື ເຫດອື່ນໆຈິ່ງເຮັດໃຫ້ເກີດຄວາມເສຍຫາຍຫລາຍໃນເວລາ ເກີດເຫດຂຶ້ນໃນແຕ່ລະ ຄັ້ງ.
ເວົ້າລວມແລ້ວປ້າຍແຈ້ງເຫດສຸກເສີນແຕ່ລະອັນແມ່ນມີຄວາມຫມາຍຄວາມສຳຄັນຫລາຍຕໍ່ຊີວິດ ແລະຊັບສິນຂອງປະຊາຊົນເອງ ສະ ນັ້ນ ໃນນາມຜູ້ຂຽນເອງຈິ່ງຂໍຊົມເຊີຍນຳຜົນງານດັ່ງກ່າວ ແລະ ຢາກຮຽກຮ້ອງໃຫ້ພໍ່ແມ່ປະຊາຊົນທົ່ວສັງຄົມລາວເຮົາຈົ່ງຊ່ວຍກັນເບິ່ງແຍງ ຮັກສາປ້າຍໃຫ້ຢູ່ໃນສະພາບປົກກະຕິ ເພື່ອຫລີກເວັ້ນຄວາມເສຍຫາຍ ຫລື ເປ່ເພ ແລະ ໃນເວລາທ່ານຫາກຕ້ອງການແຈ້ງເຫດໄຟໄຫມ້ ຫລື ອີກຄີໄພບາດເຈັບກະທັນຫັນສາມາດຕິດຕໍ່ 190. ແຈ້ງຕຳຫລວດ 191, ໂຮງຫມໍ 195, ໄຟຟ້າ 199. ນ້ຳປະປາ 169 ແລ້ວທ່ານ ຈະໄດ້ຮັບຄວາມຊ່ວຍເຫລືອໂດຍດ່ວນເພື່ອຊ່ວຍແກ້ໄຂເຫດການທີ່ຈະກໍ່ໃຫ້ເກີດຄວາມເສຍຫາຍໃຫ້ໄດ້ຮັບການຊ່ວຍເຫລືອຢ່າງທັນການ.
Anonymous wrote:ຊົມເຊີຍ!!!!! ແຕ່ເປັນຫ່ວງນຳແຕ່ເວລາໂທໄປເບີສຸກເສີນເຫຼົ່ານີ້ ສ່ວນຫຼາຍສາຍບໍ່ວ່າງຈັກເທື່ອ ຫຼືບໍ່ກະບໍ່ມີຄົນຮັບ ຢ່າເຮັດຂຶ້ນມາເພາະຢຢາກມີຄືບ້ານເພິ່ນ ເຮົາຕ້ອງສ້າງຂຶ້ນມາເພື່ອຮັບໃຊສັງຄົມ ຄັນຊັ້ນ ມັນກະບໍ່ມີຄວາມໝາຍຄືກັນກັບຄູບາໄດ້ຫວີຫັ້ນແຫຼະ. ເບີ 191 ໂທໄປສາຍບໍ່ວ່າງ, ບໍ່ມີຄົນຮັບ ບໍ່ເປັນຕາສະແຕກ!!!!
ຊົມເຊີຍ!!!!! ແຕ່ເປັນຫ່ວງນຳແຕ່ເວລາໂທໄປເບີສຸກເສີນເຫຼົ່ານີ້ ສ່ວນຫຼາຍສາຍບໍ່ວ່າງຈັກເທື່ອ ຫຼືບໍ່ກະບໍ່ມີຄົນຮັບ ຢ່າເຮັດຂຶ້ນມາເພາະຢຢາກມີຄືບ້ານເພິ່ນ ເຮົາຕ້ອງສ້າງຂຶ້ນມາເພື່ອຮັບໃຊສັງຄົມ ຄັນຊັ້ນ ມັນກະບໍ່ມີຄວາມໝາຍຄືກັນກັບຄູບາໄດ້ຫວີຫັ້ນແຫຼະ. ເບີ 191 ໂທໄປສາຍບໍ່ວ່າງ, ບໍ່ມີຄົນຮັບ ບໍ່ເປັນຕາສະແຕກ!!!!
