ໃນໂອກາດສົ່ງທ້າຍປີເກົ່າ ພ.ສ 2551 ແລະ ຕ້ອນຮັບປີໃໝ່ລາວ ພ.ສ 2552 ທີ່ຫາກໍຜ່ານພົ້ນໄປ ເພື່ອເປັນການປະກອບສ່ວນສ້າງສີສັນໃຫ້ແກ່ງານບຸນ ທັງຮ່ວມສືບສານຮີດຄອງປະເພນີອັນດີງາມຂອງຊາດ ໂດຍສະເພາະກໍແມ່ນການເຕົ້າໂຮມຄວາມສາມັກຄີປະຊາຊົນພາຍໃນບ້ານໂພນປ່າເປົ້າທົ່ງ-ທ່າ ໃນວັນທີ 10-11 ເມສາ 2009 ຜ່ານມາ ອຳນາດການປົກຄອງທັງສອງບ້ານດັ່ງກ່າວ ແມ່ນໄດ້ຈັດໃຫ້ມີການປະກວດນາງສາວງາມ ປະຈຳປີ 2009 ຢູ່ທີ່ວັດໂພນປ່າເປົ້າ ໂດຍມີນາງສາວເຂົ້າຮ່ວມ 20 ຄົນ ໃນນີ້ແມ່ນຄັດເອົາ 7 ຄົນ ເພື່ອເປັນນາງສາວແຫ່ສັງຂານ ໂດຍຜູ້ຊະນະເລີດໄດ້ຮັບກຽດເປັນນາງສັງຂານແມ່ນນາງສາວ ທິດາລັດ ແສງທອງ ອາຍຸ 20 ປີ ປະຊາຊົນບ້ານໂພນປ່າເປົ້າທົ່ງ ປັດຈຸບັນແມ່ນຮຽນຢູ່ມະຫາວິທະຍາໄລແຫ່ງຊາດ (ມ.ຊ). ສຳລັບການແຫ່ນາງສັງຂານ ແມ່ນມີຂຶ້ນໃນວັນທີ 14 ເມສາ 2009 ໂດຍຈັດໃຫ້ມີການແຫ່ໄປຕາມເສັ້ນທາງພາຍໃນບ້ານ ໂດຍມີປະຊາຊົນໃຫ້ຄວາມສົນໃຈເຂົ້າຮ່ວມຢ່າງຫຼວງຫຼາຍ. ທ່ານນາງ ຈັນສົດ ເລຂາພັກ ບ້ານໂພນປ່າເປົ້າທົ່ງ ກ່າວວ່າ: ການຈັດງານດັ່ງກ່າວ ແມ່ນປີທຳອິດ ແລະ ຈະຈັດໃຫ້ມີ 3 ປີຕິດຕໍ່ກັນ ເພື່ອເປັນສິລິມົງຄຸນແກ່ບ້ານ ໂດຍໄດ້ປຸກລະດົມປະຊາຊົນ ບໍລິສັດ ຫ້າງຮ້ານອ້ອມຂ້າງບ້ານ ປະກອບສ່ວນທາງດ້ານທຶນຮອນ.Vientianemai
kit leow va nong hao tong dai
