ໂດຍ ໄຊຊະນະ ທານາດາບຸຕຣ໌
ການຄົ້ນພົບບໍ່ນ້ຳມັນທີ່ເມືອງພີນ ແຂວງ ສະຫວັນນະເຂດ ສ້າງຄວາມຫວັງໃຫ້ແກ່ ສປປ ລາວ (ພາບ: Reuters) ການຄົ້ນພົບບໍ່ນໍ້ມັນທີ່ເມືອງພີນ ແຂວງສະຫວັນນະເຂດ ສ້າງຄວາມຫວັງໃຫ້ແກ່ ສປປ ລາວ ໃນການ ທີ່ຈະສາມາດແກ້ໄຂ ປັນຫາລາຄານ້ຳມັນແພງໄດ້ ພ້ອມດຽວກັນກໍຍັງຈະເຮັດໃຫ້ສາມາດລົດຜ່ອນການ ຂາດດຸນການຄ້ານຳດ້ວຍ ຊຶ່ງມີການສັ່ງເຂົ້ານ້ຳມັນດິຍຈາກຕ່າງປະເທດເປັນນ້ຳໜັກຖ່ວງດຶງທີ່ສຳຄັນ
ການຄົ້ນພົບບໍ່ນ້ຳມັນທີ່ເມືອງພີນ ແຂວງສະຫວັນນະເຂດດັ່ງກ່າວ ໄດ້ຮັບການເປີດເຜີຍອອກໂດຍ "ສຳນັກຂ່າວສານປະເທດລາວ" ໂດຍອ້າງອີງກະແສຂ່າວຈາກ ທ່ານພອນແກ້ວ ພຸດທະປະຍາລັດ ຫົວໜ້າຝ່າຍພະລັງງານ ແລະ ບໍ່ແຮ່ ປະຈຳແຂວງສະຫວັນນະເຂດ ລາຍງານຂ່າວແຈ້ງອີກວ່າ ບໍລິສັດທີ່ທຳການຊອກຄົ້ນແລະພົບບໍ່ນ້ຳມັນ "ທີ່ມີຄຸນນະພາບສູງ" ທີ່ເມືອງພີນຄັ້ງນີ້ ແມ່ນບໍລິສັດຈາກປະເທດອງັກິດ ຄື ບໍລິສັດ "EnglandSurvey Company" ທີ່ໄດ້ດຳເນີນການສຳຫລວດເມື່ອເດືນກໍລະກົດ ປີ 2008
ຢ່າງໃດກໍຕາມ "ຂ່າວສານປະເທດລາວ" ກໍໄດ້ລາຍງານວ່າ ການຂຸດເຈາະຍັງບໍ່ທັນໄດ້ລົງມືເທື່ອໃນເວລານີ້ ອັນເນື່ອງມາຈາກຕ້ອງຄອຍຖ້າອຸບປະກອນການຂຸດເຈາະທີ່ຕ້ອງສັ່ງມາຈາກແອຟຣິກກາ ສ່ວນອຸບປະກອນທີ່ສັ່ງມາຈາກວຽດນາມນັ້ນ ສາມາດໃຊ້ຂຸດເຈາະໄດ້ສະເພາະບໍ່ນ້ຳມັນໃນທະເລເທົ່ານັ້ນ ບໍ່ສາມາດນຳໃຊ້ເພື່ອການຂຸດເຈາະໃນລາວທີ່ເປັນບໍ່ໃນດິນໄດ້
ຕົວເລກສະຖິຕິຂອງກະຊວງອຸດສະຫະກຳແລະການຄ້າຂອງລາວ ແຈ້ງໃຫ້ຮູ້ວ່າ ສປປລາວ ສັ່ງນ້ຳມັນ າກຕ່າງປະເທດມາໃຊ້ເຖິງ 100% ອັນເນື່ອງມາຈາກຈົນຮອດດຽວນີ້ ລາວຍັງບໍ່ທັນສາມາດຜະຫລິດແລະກັ່ນນ້ຳມັນໄດ້ດ້ວຍຕົນເອງ ດັ່ງນັ້ນໃນເມື່ອລາຄານ້ຳມັນດິບໃນຕະຫລາດໂລກມີລາຄາແພງ ຈຶ່ງທຳ ຫ້ກະທົບໄປທົ່ວຂົງເຂດເສດຖະກິດຂອງປະເທດ ເມື່ອມີການຄົ້ນພົບບໍ່ນ້ຳມັນທີ່ເມືອງພີນຄັ້ງນີ້ ລ້ວ ຈຶ່ງເປັນການສ້າງຄວາມຫວັງໃໝ່ໃຫ້ແກ່ ສປປ ລາວ ໃນການທີ່ຈະແກ້ໄຂປັນຫາພະລັງງານແລະລົດຜ່ອນການຂາດດຸນການຄ້າໄດ້ພໍສົມຄວນ
ຄັນມີແບບນີ້ກະດີຕັວະ
