ແອັດດີ້ ເຄີຍຜ່ານການປະກວດ ມາຫລາຍເວທີແລ້ວ ເຊັ່ນ: ງານປະກວດດົນຕີວຽງຈັນ ປີ 2005 ປະກວດເປັນວົງໂດຍໃສ່ຊື່ວ່າ "ອີ່ ແຕັນ" ຕໍ່ມາຄືງານປະກວດຮ້ອງເພງພາສາຍີ່ປຸ່ນ ປີ 2006 ນອກຈາກນີ້ ຍັງເຄີຍໄປສະຫມັກເປັນພິທີກອນໃນສະຖານີໂທລະພາບລາວ ສຕາຣ໌ແຊນ ແນວ, ເຄີຍສະຫມັກເປັນດີເຈທີ່ສະຖານີວິທະຍຸຂອງຄື້ນຕ່າງໆ ແລະ ເຄີຍເຂົ້າຮ່ວມການປະກວດຂອງໄອໂມບາຍ.
ແອັດດີ້ ກ່າວວ່າ"ໃນທຸກໆເວທີທີ່ໄດ້ເຂົ້າຮ່ວມການປະກວດແຕ່ລະເທື່ອຜ່ານມານັ້ນ ບໍ່ເຄີຍປະສົບຄວາມສຳເລັດ ທີ່ຜ່ານມາພໍ່-ແມ່ຈະ ຄອຍເປັນຫ່ວງ ແລະ ບອກຢູ່ສະເຫມີວ່າບໍ່ຢາກໃຫ້ເຂົ້າຮ່ວມການປະກວດ ເພາະວ່າ ເພິ່ນຢ້ານລູກຈະເສຍການຮຽນ.ແຕ່ມື້ນີ້ ຫນຸ່ມນ້ອຍ ຄົນນີ້ກໍ່ໄດ້ພິສູດຕົວເອງໃຫ້ພໍ່-ແມ່ເຫັນແລ້ວວ່າ ຕົນເອງສາມາດເຮັດທັງສອງຢ່າງໄດ້ດີໃນເວລາດຽວກັນທັງເລື່ອງການຮຽນ ແລະການເຂົ້າ ຮ່ວມການປະກວດຕ່າງໆ, ໂດຍສະເພາະຄັ້ງຫລ້າສຸດໃນງານປະກວດ ຮ້ອງເພງໄວຫນຸ່ມສຽງໃສ ຄັ້ງທີ 2 ແອັດດີ້ ສາມາດຄວ້າລາງວັນ ຮອງອັນດັບ 1 ມາໄດ້ສຳເລັດ, ຄວາມຮູ້ສຶກຕອນທີ່ໄດ້ຮັບລາງວັນຕົນເອງຮູ້ສຶກດີໃຈຫລາຍ ບໍ່ຄິດບໍ່ຝັນມາກ່ອນວ່າຕົນເອງຈະໄດ້ຮັບລາງ ວັນ" ນອກຈາກງານປະກວດແລ້ວ ແອັດດີ້ ຍັງມັກການສະແດງທຸກປະເພດນຳອີກ ແລະໃນໄວໆນີ້ ຫມູ່ເພື່ອນຄົງຈະໄດ້ຊົມຜົນງານການ ສະແດງລະຄອນສັ້ນເລື່ອງ "ສ້ອຍຄ້ອງ ໃຈ" ສ້າງໂດຍກະຊວງສຶກສາທິການ ປະຈຸບັນ ນະຄອນເລື່ອງນີ້ ກຳລັງຢູ່ໃນຂັ້ນຕອນຕັດຕໍ່ສ່ວນ ວ່າຈະມີກຳນົດອອກສາຍມື້ໃດ ແລະ ທາງໂທລະພາບຊ່ອງໃດນັ້ນຍັງບໍ່ໄດ້ຄຳຕອບເປັນທີ່ແນ່ນອນເທື່ອ, ສ່ວນຄວາມຝັນສູງສຸດຂອງລາວ ແມ່ນຢາກເປັນນັກທຸລະກິດ ນຳເຂົ້າເຄື່ອງນຸ່ງແຟຊັນ ແລະ ຢາກເປັນສັດຕະວະແພດເພາະວ່າເປັນຄົນມັກລ້ຽງສັດໂດຍສະເພາະ "ຫມາ".
ແອັດດີ້ ເປັນຄົນມັກເວົ້າມັກລົມເຂົ້າກັບຄົນງ່າຍ ສ່ວນວ່າສາວໃນຝັນນັ້ນ ຈະຕ້ອງເປັນຄົນເວົ້າເກ່ງ, ຫນ້າຮັກ, ຜິວຂາວ, ຕານ້ອຍໆ (ສະຕາຍອອກແບບຈີນ) ກໍ່ຍິ່ງດີສາວໆ ຄົນໃດທີ່ຮູ້ຕົວວ່າ ມີຄຸນສົມບັດຄ້າຍຄືທີ່ກ່າວມານັ້ນຄົງຈະລັກຍິ້ມຢູ່ໃນໃຈແລ້ວແມ່ນບໍ່?.ecom
