Pasalao

Members Login

Post Info

TOPIC: Miss Apone Lao, ປີນີ້ ຫຍິ່ງໃຫຍ່ທີ່ສຸດ !!!

Anonymous

Date: Sep 18, 2008

Miss Apone Lao, ປີນີ້ ຫຍິ່ງໃຫຍ່ທີ່ສຸດ !!!	Permalink

ງານປະກວດນາງສາວອາພອນລາວ 2008 ທີ່ຈະຈັດຂຶ້ນ ໃນຄືນຂອງວັນທີ 20 ທັນວາ ຈະມາເຖິງນີ້ ທີ່ຫໍວັດທະນະທຳແຫ່ງຊາດ, ສຳລັບຮູບແບບການຈັດງານແມ່ນຈະເນັ້ນໃຫ້ເປັນ ລາວຫລາຍທີ່ສຸດພິເສດປີນີ້ ມູນຄ່າຂອງລາງວັນຍັງເພີ່ມຂຶ້ນ ຫລາຍກວ່າເກົ່າລວມມູນຄ່າທັງ ຫມົດຫລາຍກວ່າ 150.000.000 ກີບ. ທ່ານນາງ ປານິຕາ ປານຄຳ ອຳນວຍການບໍລິສັດເຄແອນຊີ ຈຳກັດ ໃຫ້ສຳພາດວ່າ: ຮູບ ແບບການຈັດງານປີນີ້ ຈະເນັ້ນເຖິງຄວາມພາກພູມໃຈໃນການເກີດມາເປັນແມ່ຍິງລາວບໍ່ວ່າຈະ ເປັນຄວາມພາກພູມໃຈດ້ານວັດທະນະທຳ, ຮີດຄອງປະເພນີ, ການນຸ່ງຖື ແລະ ກິລິຍາມາລະ ຍາດຂອງແມ່ຍິງລາວ. ຈຸດພິເສດຂອງການຈັດງານຄັ້ງນີ້ ອັນທີ 1 ແມ່ນຈະເພີ່ມສີສັນໃຫ້ນາງສາວຜູ້ເຂົ້າປະກວດ ທັງ18 ນາງສາວຄືການໃສ່ຊຸດຊົນເຜົ່າເປັນຊຸດເປີດພິທີທຳອິດ ເພື່ອສະແດງເຖິງຄວາມສາມັກ ຄີຄວາມຫລາກຫລາຍຂອງວັດທະນະທຳການນຸ່ງຖືຂອງແມ່ຍິງລາວບັນດາເຜົ່າ. ລວມທັງຫມົດ ແມ່ນມີ 3 ຊຸດຄື: ຊຸດຊົນເຜົ່າ, ລາວປະຍຸກ ແລະ ຊຸດລາຕີ; ນອກຈາກນີ້ ຂອງລາງວັນນາງ ສາວອາພອນລາວຍັງເພີ່ມຂຶ້ນຄື ນາງສາວຜູ້ທີ່ໄດ້ອັນດັບ 1 ຈະໄດ້ຮັບເງິນສົດ 30 ລ້ານກີບ ພ້ອມມົງກຸດທີ່ມີມູນຄ່າເຖິງ 15 ລ້ານກີບ ແລະສາຍສະພາຍ, ຮອງອັນດັບ 1 ໄດ້ຮັບເງິນ 15 ລ້ານກີບພ້ອມສາຍສະພາຍ, ຮອງອັນດັບ 2 ແມ່ນ 10 ລ້ານກີບ ແລະ ສາຍສະພາຍ, ສ່ວນ ລາງວັນຊົມເຊີຍມີລາງວັນ 3 ລ້ານ ກີບ, ລາງວັນຂວັນໃຈປະຊາຊົນ ໄດ້ຮັບເງິນ 5 ລ້ານກີບ ພ້ອມສາຍສະພາຍ, ລາງວັນຂວັນໃຈຊ່າງພາບແມ່ນ 5ລ້ານກີບພ້ອມສາຍສະພາຍ ແລະຂອງ ລາງວັນຂວັນໃຈມິດຕະພາບກໍ່ຈະໄດ້ຮັບເງິນ 5 ລ້ານກີບ ພ້ອມສາຍສະພາຍ. ລາງວັນພິເສດຖ້າຫາກວ່າໂຮງຮຽນທີ່ສົ່ງຕົວແທນໃຫ້ປະກວດແລ້ວ ໄດ້ຮັບລາງວັນອັນດັບ ຫນຶ່ງໂຮງຮຽນແຫ່ງນັ້ນກໍ່ຈະໄດ້ຮັບເງິນ 5 ລ້ານກີບ, ແຕ່ຖ້າໄດ້ຕຳແຫນ່ງອັນດັບ 2 ແລະອັນ ດັບ 3 ແມ່ນຈະໄດ້ 3 ລ້ານກີບ. ສຳລັບນາງສາວທັງ 10 ຄົນທີ່ຕົກຮອບແມ່ນຈະໄດ້ຮັບເງິນ ຄົນລະ 1 ລ້ານກີບ. ສ່ວນສະຖານທີ່ຈັດງານແມ່ນມີການປ່ຽນແປງຈາກ2 ປີທີ່ຜ່ານມາເຄີຍຈັດທີ່ໂຮງແຮມດອນ ຈັນພາເລດແຕ່ປີນີ້ ໄດ້ປ່ຽນມາຈັດທີ່ຫໍວັດທະນະທຳແຫ່ງຊາດ ຍ້ອນວ່າສະຖານທີ່ເກົ່າມັນຄັບ ແຄບບັນຈຸຜູ້ເຂົ້າຊົມໄດ້ຫນ້ອຍທາງຝ່າຍຜູ້ຈັດງານ ຈິ່ງລົງຄວາມເຫັນມາຈັດທີ່ຫໍວັດທະນະທຳ ແຫ່ງຊາດ ເພາະສາມາດບັນຈຸຄົນໄດ້ຫລາຍ ເຖິງວ່າໃນຫໍຈະເຕັມແຕ່ຜູ້ທີ່ມາຊົມນັ້ນຍັງສາມາດ ນັ່ງຊົມບັນຍາກາດສົດໆທີ່ເດີ່ນທາງນອກຫໍວັດທະນະທຳໄດ້ແບບບໍ່ຕ້ອງເສຍຄ່າຜ່ານປະຕູແລະ ພິເສດຍັງບໍ່ຫມົດພຽງເທົ່ານີ້ ສຳລັບເວທີປີນີ້ ແມ່ນຈະຈັດປະດັບປະດາ ຕົກແຕ່ງສະແດງອອກ ມາໃຫ້ເປັນລາວຫລາຍ ທີ່ສຸດບໍ່ວ່າຈະເປັນໄຟແສງສີສຽງ, ຮັບຮອງວ່າຕ້ອງປະຈັກຕາ ກວ່າ 2 ປີທີ່ເຄີຍຈັດມາແນ່ນອນສ່ວນຈະເອົາຫຍັງມາຕົກແຕ່ງນັ້ນທາງຝ່າຍຜູ້ຈັດຍັງຂໍປິດໄວ້ເປັນຄວາມ ລັບຈະເປີດເຜີຍໃນມື້ປະກວດໃຫ້ທຸກຄົນໄດ້ເຫັນພ້ອມໆກັນໃຫ້ໄດ້ຕື່ນເຕັ້ນ ພ້ອມກັນບາດດຽວ ເລີຍ. Source: ecom __________________

Page 1 of 1 sorted by

Create your own FREE Forum
Report Abuse