Pasalao

Members Login
Username 
 
Password 
    Remember Me  
Samakomlao -> Pasalao -> Pasalao -> ໃຫຍ່ທີ່ສຸດ ໃນປະເທດລາວ
Post Info TOPIC: ໃຫຍ່ທີ່ສຸດ ໃນປະເທດລາວ
Anonymous

Date:
ໃຫຍ່ທີ່ສຸດ ໃນປະເທດລາວ
Permalink  



ecom: ໂດຍປະຕິບັດຕາມແຜນພັດທະນາ ນະຄອນຫລວງວຽງຈັນ ໃຫ້ບັນລຸເປົ້າຕາມ 6 ສ ຄື: ສະຫງົບສຸກ, ສະອາດ, ສີຂຽວ, ສະຫວ່າງ, ສະເຫນ, ສີວິໄລ ທີ່ທ່ານເຈົ້າຄອງນະຄອນໄດ້ກຳ ນົດໄວ້ເພື່ອຂ່ຳນັບຮັບຕ້ອນ ແລະ ສະເຫລີມສະຫລອງວັນສ້າງຕັ້ງນະຄອນຫລວງວຽງຈັນ ຄົບ ຮອບ 450 ປີ ທີ່ຈະມາເຖິງໃນປີ 2010 ເພື່ອເປັນສິ່ງເອກອ້າງຕໍ່ມວນຊົນ ແລະນັກທ່ອງທ່ຽວ ທັງພາຍໃນ ແລະ ຕ່າງປະເທດ. ໃນນັ້ນ ແມ່ນກວມເອົາທຸກຂົງເຂດຂອງການພັດທະນາເຊັ່ນ: ລະບົບເສັ້ນທາງ, ລະບົບນ້ຳປະປາ,ລະບົບໄຟຟ້າ,ເຂດບໍລິການ, ສວນສາທາລະນະຕະຫລອດ ຮອດອາຄານສະຖານທີ່, ໂຮງຈັກ, ໂຮງງານ, ໂຮງແຮມ ແລະ ເຂດພັດທະນາອື່ນໆ ເພື່ອໃຫ້ ເປັນເມືອງສີວິໄລ ແລະ ກ້າວຫນ້າ.
   ການພັດທະນາ ແລະປົວແປງນັ້ນກໍ່ໄດ້ເລັງໃສ່ພັດທະນາ ແລະປົວແປງຕະຫລາດທີ່ສຳຄັນ ໃນນະຄອນຫລວງວຽງຈັນເປັນຕົ້ນແມ່ນຕະຫລາດເຊົ້າ, ຕະຫລາດຂົວດິນເຊິ່ງເລີ່ມການກໍ່ສ້າງ ຕຶກ C ສຳເລັດແລ້ວຈຳນວນ 1 ຫລັງ ແລະ ເອີ້ນກັນວ່າ: ຕະຫລາດຊ໋ອບປິ້ງມໍ ແລະ ເປັນ ໂຄງການໄລຍະທຳອິດຂອງການພັດທະນາຕະຫລາດເຊົ້າ ທີ່ໃຊ້ທຶນຈຳນວນ 27 ລ້ານໂດລາ ສະຫະລັດ ໂດຍນັກລົງທຶນຂອງຊາວສິງກະໂປ ແລະ ສືບຕໍ່ໂຄງການພັດທະນາຕະຫລາດເຊົ້າ ໄລຍະ II ນີ້ ແມ່ນເລີ່ມວາງສິລາລືກ ມາແຕ່ວັນທີ 10 ກໍ ລະກົດ 2008 ເຊິ່ງທ່ານ ບຸນຈັນ ສິນທະວົງ ຮອງເຈົ້າຄອງນະຄອນຫລວງວຽງຈັນໄດ້ໃຫ້ຄວາມກະຈ່າງແຈ້ງວ່າ: ການວາງສິລາ ລືກນີ້ ແມ່ນເພື່ອກໍ່ສ້າງຕຶກ 8 ຊັ້ນໃຫ້ການຮອງຮັບສັບພະສິນຄ້າ. ຕະຫລາດເຊົ້າມໍໄລຍະທີ 2 ຍັງແມ່ນໂຄງການໂດຍການລົງທຶນຂອງບໍລິສັດ Excaliber Group ແຫ່ງປະເທດ ສິງກະໂປ ເພື່ອພັດທະນາໃຫ້ເປັນສູນການຄ້າໃຫຍ່ທີ່ສຸດ ຂອງນະຄອນຫລວງ, ມີຂະຫນາດຮອງຮັບດ້ວຍ ເນື້ອທີ່ 100.000 ຕາແມັດ (m2) ໃນນັ້ນແມ່ນຈະໄດ້ເຮັດເດີນຈອດລົດຊັ້ນ 2, ຫ້ອງປະຊຸມ, ຫ້ອງອາຫານ, ຫ້ອງຄາລາໂອເກະ,ໂຮງລະຄອນ, ຫ້ອງບໍລິການອື່ນໆ, ຫ້ອງຮອງຮັບນັກທ່ອງ ທ່ຽວ, ຫ້ອງຮອງຮັບສັບພະສິນຄ້າ ສະຖານທີ່ພັກຜ່ອນມີລະບົບແອເຢັນ, ລະບົບລິບ, ຂັ້ນໄດ ເລື່ອນທີ່ຈະຖືກຕົກແຕ່ງໃຫ້ມີຄວາມກົມກືນກັບຕຶກ C ທີ່ໄດ້ສ້າງແລ້ວ ແລະ ສອດຄ່ອງກັບຕຶກ ຕະຫລາດເຊົ້າ 2 ຊັ້ນຫລັງເກົ່າທີ່ໄດ້ຈົ່ງໄວ້ເປັນຮູບໂຕຢູ (U) ທີ່ນັກສະຖາປະນິກຂອງລາວໄດ້ ອອກແບບ ແລະ ສ້າງໄວ້ ເພື່ອເປັນອະນຸສອນຂອງຄົນຮຸ່ນໃຫມ່.
   ບໍ່ສະເພາະເທົ່ານັ້ນ ຕະຫລາດຊ໋ອບປິ້ງມໍຍັງຈະໄດ້ປະດັບເອ້ໃຫ້ສອດຄ່ອງ ກັບວັດທະນະ ທຳລາວ ແລະ ເປັນເອກະລັກຂອງລາວທີ່ມີຄວາມສວຍງາມໂດດເດັ່ນຕະການຕາຕັ້ງຢູ່ໃຈກາງ ນະຄອນຫລວງວຽງຈັນ. ຕະຫລາດເຊົ້າມໍຍັງຈະເປັນບ່ອນສ້າງຄວາມສະດວກ ໃຫ້ແກ່ຊາວຄ້າ ຂາຍ, ສ້າງຈຸດດຶງດູດເອົາລູກຄ້າ ແລະນັກທ່ອງທ່ຽວເຂົ້າມາຊື້-ຂາຍສິນຄ້າໃຫ້ນັບມື້ນັບຫລາຍ ຂຶ້ນ ເຊິ່ງຈະສ້າງລາຍຮັບໃຫ້ນະຄອນຫລວງວຽງຈັນ ນັບມື້ນັບສູງຂຶ້ນ. ໂຄງການກໍ່ສ້າງຕຶກ 8 ຊັ້ນນີ້ ແມ່ນຈະໃຫ້ສຳເລັດພາຍໃນປີ 2009 ກ່ອນຈະເປີດການແຂ່ງຂັນກິລາຊີເກມສ໌ຄັ້ງທີ 25 ທີ່ລາວຈະເປັນເຈົ້າພາບ, ການລົງທຶນນີ້ ມີມູນຄ່າເຖິງ 40 ລ້ານໂດລາສະຫະລັດ ແລະ ມີໄລ ຍະສຳປະທານ 40 ປີ ນັບແຕ່ນີ້ຮອດປີ 2049 ສູນການຄ້າດັ່ງກ່າວ ຈະຍົກໃຫ້ລັດຖະບານກໍ່ ຄືນະຄອນຫລວງວຽງຈັນຄຸ້ມຄອງ ແລະນຳໃຊ້ຕໍ່ໄປຄາດວ່າຈະສ້າງລາຍຮັບຢ່າງກຸ້ມຄ່າໃຫ້ແກ່ ການລົງທຶນໃນຄັ້ງນີ້.

__________________
6DOG

Date:
Permalink  

ດີຫລາຍເດີທີ່ມີຕຶກສັບພະສິນຄ້າຄົບວົງຈອນ ຖ້າອີກ40ປີຕຶກນີ້ກະຊິເປັນຂອງຄົນລາວທຸກຄົນ, ຜູ່ນຳເຮົາເພິ່ນສະຫລາດສ່ອງໃສອີຫລີເນາະ! ຊົມເຊີຍ

__________________
Anonymous

Date:
Permalink  

ຢູ່ຢີ່ປຸ່ນ ຖ້າຕືກເກົ່າເກີນ40ປີ ແມ່ນຈະຖືກທັບຖິ້ມຫມົດ

ຖ້າໄປອີກ 40 ປີ ແລ້ວພາກັນສ້າງໃຫມ່ແນາະ



__________________
EEDQ

Date:
Permalink  

ຖ້ານາຍຊ່າງໃຊ້ວັດສະດຸກໍ່ສ້າງທີ່ມີຄຸນນະພາບໄດ້ລະດັບມາດຕະຖານ ໔໐ ກໍ່ຍັງຈະໃຊ້ໄດ້ດີຢູ່, ອັນນີ້ເພິ່ນເອີ້ນວ່າຍຸດທະສາດ" ຈັບເສືອມືເປົ່າ "

__________________
Anonymous

Date:
Permalink  

ຢູ່ຍີປຸ່ນມັນມີແຜນດີນໄຫວ ແລະໄພທຳມະຊາດຫຼາຍ່ສວນ ຢູ່ບ້ານເຮົາ ຄົງຈະບໍ່ເປັນຫັຽງຕີ, ຂະນາດເຮືອນ ທ່ີຝະລັາງສ້າງຂື້ນ ກ່ອນສົງຄາມໂລກຄັ້ງທ່ີ 2 ຍັງໃຊ້ການໄດ້ດີຢູ່ວຽງຈັນມ ອີກບໍພໍຍັງມີລາແພງອີກ ເພາະ ແມ່ນຂອງເກົ່າ.

__________________
Anonymous

Date:
Permalink  

ອີກ 40 ປີ ຜູ້ນຳລຸ້ນໃຫມ່ ຊີ່ຊອກຫາໃບສັນຍາເຫັນຢູ່ບໍເນາະ!

__________________
Page 1 of 1  sorted by
Quick Reply

Please log in to post quick replies.
Samakomlao -> Pasalao -> Pasalao -> ໃຫຍ່ທີ່ສຸດ ໃນປະເທດລາວ


Create your own FREE Forum
Report Abuse 		Powered by ActiveBoard