Pasalao
Members Login
Username
Password
Login
Remember Me
New Member
Lost Account Info?
ຫນ້າຫຼັກ
ລາຍຊື່ສະມາຊິກ
ຄົ້ນຫາ
Search
Advanced Search
ລາຍລະອຽດ ສະມາຊິກ
ປະຕິທິນ
Samakomlao
->
Pasalao
->
Pasalao
->
ໂຄງການພັດທະນາບຶງ ທາດຫລວງ (Update)
Start A New Topic
Reply
Post Info
TOPIC: ໂຄງການພັດທະນາບຶງ ທາດຫລວງ (Update)
samakomlao
Senior Member
Status: Offline
Posts: 428
Date:
Jun 2, 2008
ໂຄງການພັດທະນາບຶງ ທາດຫລວງ (Update)
Permalink
ໂດຍ: ອານຸພາບ
ໂຄງການພັດທະນາບຶງ ທາດຫລວງມີຄວາມຄືບຫນ້າ, ຫລ້າສຸດຄະນະຮັບຜິດຊອບ ໂຄງ ການໄດ້ໃຫ້ລາຍລະອຽດດັ່ງກ່າວ ຕໍ່ສື່ມວນຊົນໃນເບື້ອງຕົ້ນຈະມີເນື້ອທີ່ປະມານ 350 ເຮັກຕາ, ໃນນັ້ນ 150 ເຮັກຕາ ຈະເປັນຫນອງນ້ຳ ຫລື ຈະສ້າງເປັນບຶງທາດຫລວງໃຫມ່ ເຊິ່ງຈະເລີ່ມ ຈາກ ຈຸດ 4 ແຍກໄຟແດງໂພນທັນ ເມືອງໄຊເສດຖາ ນະຄອນຫລວງວຽງຈັນ, ຂະນະນີ້ ກຳ ລັງຍື່ນຂໍ້ສະເຫນີຕ່າງໆໃຫ້ກັບລັດຖະບານ. ພ້ອມລະບຸການລົງທຶນພັດທະນາເບື້ອງຕົ້ນມີມູນຄ່າ 300 ລ້ານໂດລາສະຫະລັດ, ແຕ່ເຊື່ອວ່າຍອດການລົງທຶນອາດຈະສູງເຖິງ 800 ລ້ານ ໂດລາ ສະຫະລັດ.
ທ່ານ ອານຸພາບ ຕຸນາລົມ ຮອງເຈົ້າຄອງນະຄອນຫລວງວຽງຈັນ, ທັງເປັນຫົວຫນ້າຄະນະ ຮັບຜິດຊອບເມືອງໃຫມ່ ໄດ້ກ່າວວ່າ: ພາຍຫລັງຄະນະຮັບຜິດຊອບວິຊາການຝ່າຍລາວ ແລະ ບໍລິສັດຮ່ວມທຶນລາວຈີນ ໄດ້ລົງສຳຫລວດ ແລະສຶກສາລາຍລະອຽດພົບວ່າ: ພື້ນຖານລາຍລະ ອຽດດຳເນີນໄປດ້ວຍດີ ແລະ ກຳລັງສະເຫນີເງື່ອນໄຂໃຫ້ກັບລັດຖະບານ.
ການລົງທຶນໃນເບື້ອງຕົ້ນຂອງໂຄງການພັດທະນາສ້າງຕົວເມືອງໃຫມ່ ປະມານ 300 ລ້ານ ໂດລາສະຫະລັດ, ໃນນີ້ຈົດທະບຽນ 100 ລ້ານໂດລາສະຫະລັດ ແຕ່ເຊື່ອວ່າການລົງທຶນອາດ ຈະເພີ່ມຂຶ້ນສູງເຖິງ 800 ລ້ານໂດລາສະຫະລັດອີງຕາມຄວາມຕ້ອງການຫນ້າວຽກຂອງແຕ່ລະ ໄລຍະ. ໂຄງການສ້າງເມືອງໃຫມ່ທີ່ບຶງທາດຫລວງມີເນື້ອທີ່ທັງຫມົດ 1.000 ເຮັກຕາ ເຊິ່ງປະ ກອບມີຫລາຍສິ່ງອຳນວຍຄວາມສະດວກ ເຊັ່ນ: ສະຖາບັນການເງິນ, ນິຄົມອຸດສາຫະກຳເບົາ, ຫ້າງຊັບພະສິນຄ້າທີ່ພັກພາອາໄສຂອງນັກທຸລະກິດ.
ໂຄງການພັດທະນາຕົວເມືອງໃຫມ່ ເປັນໂຄງການຂອງລັດຖະບານ ໂດຍການນຳໃຊ້ທີ່ດິນ ເປັນທຶນ, ສ່ວນວິສາຫະກິດຝ່າຍຈີນປະກອບມີ 3 ພາກສ່ວນຄື: ການລົງທຶນຂອງຕ່າງປະເທດ ນິຄົມອຸດສາຫະກຳຊູໂຈ ຈຳກັດ, ບໍລິສັດພັດທະນາຕົວເມືອງຊູໂຈ ຈຳກັດ ແລະ ກຸ່ມບໍລິສັດວິ ສະວະກຳກໍ່ສ້າງຢູນານ ຈຳກັດ.
ຫລ້າສຸດ ຫນັງສືພິມເສດຖະກິດ (ນິກເກອິ) ຂອງຍີ່ປຸ່ນ ໄດ້ອອກຂ່າວກ່ຽວກັບການພັດທະ ນາຕົວເມືອງໃຫມ່ ທີ່ນະຄອນຫລວງວຽງຈັນ ໂດຍອ້າງການໃຫ້ສຳພາດຂອງ ທ່ານ ຈູມມາລີ ໄຊຍະສອນ, ປະທານປະເທດແຫ່ງ ສປປ ລາວ, ເມື່ອວັນທີ 23 ພຶດສະພາໃນລະຫວ່າງເຂົ້າ ຮ່ວມກອງປະຊຸມສາກົນຄັ້ງທີ 14 ທີ່ປະເທດຍີ່ປຸ່ນວ່າ: ໂຄງການພັດທະນາ ບຶງທາດຫລວງມີ ຈຸດປະສົງ ເພື່ອສ້າງຕົວເມືອງໃຫມ່ທີ່ທັນສະໄຫມທຽບເທົ່າກັບສາກົນເປັນສະຖານທີ່ອາໄສສວຍ ສົດງົດງາມ ແລະ ເປັນເຂດບໍລິການ-ການຄ້າ, ພ້ອມນັ້ນ ຍັງເປັນໂຄງການ ເພື່ອຮອງຮັບນະ ໂຍບາຍເປີດກວ້າງ, ສົ່ງເສີມ ແລະດຶງດູດການລົງທຶນພາຍໃນ-ຕ່າງປະເທດ ທີ່ມີຄວາມສົນໃຈ ແລະເຂົ້າໄປອາໄສ ລວມທັງດຳເນີນທຸລະກິດໃນເຂດນີ້ດ້ວຍບັນຍາກາດສິ່ງແວດລ້ອມທີ່ດີ ເຊິ່ງ ຢູ່ພາຍໃຕ້ລະບຽບກົດຫມາຍຂອງ ສປປ ລາວ.
ໂຄງການດັ່ງກ່າວ ຄາດຄະເນວ່າ: ຈະໃຊ້ເວລາ 8-10 ປີ ໂດຍແບ່ງອອກເປັນຫລາຍໄລ ຍະອີງຕາມຄວາມຄືບຫນ້າຂອງການພັດທະນາໂຄງການ ແລະຄວາມຕ້ອງການຂອງຕະຫລາດ ໂຄງການສ້າງຕົວເມືອງໃຫມ່ນີ້ ເປັນໂຄງການຂອງລັດຖະບານທີ່ສ້າງຂຶ້ນ ດ້ວຍຜົນປະໂຫຍດ ຂອງປະຊາຊົນລາວ, ບໍ່ໄດ້ສ້າງຂຶ້ນ ເພື່ອຜົນປະໂຫຍດອື່ນ ເຊິ່ງລັດຖະບານ ຈະໃຫ້ສິດຜົນປະ ໂຫຍດແກ່ປະຊາຊົນລາວເຂົ້າໄປຢູ່ ເພື່ອອຳນວຍຄວາມສະດວກໃຫ້ຜູ້ທີ່ມີເງື່ອນໄຂການດຳເນີນ ທຸລະກິດ ແລະ ທີ່ອາໄສໄດ້.
__________________
Anonymous
Date:
Jun 3, 2008
Permalink
ຫ້າງສັພະສິນຄ້າ ບໍ່ແມ່ນ ຊັບພະສິນຄ້າ ສັພະມາຈາກຄຳວ່າສັພະປິ ຫມາຍຄວາມວ່າມີຫລາຍຢ່າງຫລາຍຊນິດ
__________________
Anonymous
Date:
Jun 7, 2008
Permalink
I think It should be good for Laos
__________________
Anonymous
Date:
Aug 4, 2013
Permalink
wow
__________________
Page 1 of 1
sorted by
Oldest First
Newest First
Quick Reply
Please log in to post quick replies.
Samakomlao
->
Pasalao
->
Pasalao
->
ໂຄງການພັດທະນາບຶງ ທາດຫລວງ (Update)
Subscribe
Create your own FREE Forum
Report Abuse
