Pasalao

Members Login
Username 
 
Password 
    Remember Me  
Samakomlao -> Pasalao -> Pasalao -> ໄດ້ແລ້ວ ນາງສັງຂານ ຄະນະສຶກສາສາດ 2008
Post Info TOPIC: ໄດ້ແລ້ວ ນາງສັງຂານ ຄະນະສຶກສາສາດ 2008
samakomlao


Senior Member

Status: Offline
Posts: 428
Date:
ໄດ້ແລ້ວ ນາງສັງຂານ ຄະນະສຶກສາສາດ 2008
Permalink  

 

ການເລືອກເອົານາງສັງຂານ ຄະນະສຶກສາສາດ ໄດ້ສຳເລັດເປັນທີ່ຮຽບຮ້ອຍແລ້ວ ເຊິ່ງຈັດ ຂຶ້ນທີ່ສະໂມສອນໃຫຍ່ ຂອງມະຫາວິທະຍາໄລແຫ່ງຊາດ, ຖືວ່າເປັນບາດກ້າວສຳຄັນ ໃນການ ປະຕິບັດຕາມແຈ້ງການຂອງອະທິການບໍດີ ມະຫາວິທະຍາໄລແຫ່ງຊາດວ່າດ້ວຍການປະກວດ ນາງສັງຂານ ປະຈຳປີ ພສ 2551 ດັ່ງນັ້ນ, ຫນ້າທີ່ໃນປະຈຸບັນຂອງຄະນະສຶກສາສາດກໍ່ຄືຄະ ນະຮັບຜິດຊອບງານປະກວດນາງສັງຂານຍັງ ຈະໄດ້ກະກຽມຝຶກຝົນທາງດ້ານຄວາມພ້ອມ ໃຫ້ ກັບນາງສາວຂອງຕົນ ເພື່ອເປັນຕົວແທນສົ່ງເຂົ້າປະກວດ ໃນການປະກວດນາງສັງຂານຂອງ ມະຫາວິທະຍາໄລແຫ່ງຊາດ ທີ່ຈະຈັດຂຶ້ນໃນວັນທີ 9 ເມສາ ຈະມາເຖິງນີ້ເຊິ່ງຈະມີ 12 ນາງ ສາວ ຈາກ 12 ພາກສ່ວນທົ່ວມະຫາວິທະຍາໄລເຂົ້າຮ່ວມປະກວດ.

   ຜ່ານການກະກຽມຝຶກຊ້ອມມາຫລາຍສັບປະດາຕອນບ່າຍວັນທີ 2 ເມສາຈິ່ງໄດ້ຈັດງານປະ ກວດຢ່າງເປັນທາງການ ໂດຍມີບັນດາອາຈານຂັ້ນຮອງຄະນະບໍດີ, ຫົວຫນ້າພາກ, ຮອງພາກ, ຫົວຫນ້າພະແນກ, ຮອງພະແນກ, ບັນດາອົງການຈັດຕັ້ງມະຫາຊົນ ແລະ ນັກສຶກສາເຂົ້າຮ່ວມ ຢ່າງຫນາແຫນ້ນເຮັດໃຫ້ງານ ດັ່ງກ່າວເຕັມໄປດ້ວຍຄວາມມ່ວນຊື່ນຜ່ານສຽງຕົບມື ແລະ ການ ຮ້ອງຊົມເຊີຍສະຫນັ່ນເມືອງ. ສຳລັບຜູ້ຊະນະໃນຈຳນວນ 14 ນາງສາວ ໄດ້ແກ່ນາງ ມະໂນສີ ບ່າວວັນຄຳ ນັກສຶກສາວິຊາສ້າງຄູພາສາສາດ ສາຂາພາສາອັງກິດ ປີ 4. ທ່ານ ອາຈານ ບົວ ສອນ ຈັນທະມິດ ໃນນາມຄະນະຈັດຕັ້ງ ພິທີປະກວດນາງສັງຂານ ຄະນະສຶກສາສາດໄດ້ເວົ້າ ວ່າ: ຈຸດປະສົງຂອງງານກໍ່ ເພື່ອເປັນການຝຶກຝົນນັກສຶກສາ ທາງດ້ານຄຸນສົມບັດ, ຄວາມຮູ້ ຄວາມສາມາດ ແລະສົ່ງເສີມຜູ້ມີພອນສະຫວັນໃຫ້ປາກົດເດັ່ນພ້ອມໆກັບການອະນຸຮັກຮີດຄອງ ປະເພນີອັນດີງາມຂອງຊາດ ໂດຍອີງຕາມແຈ້ງການຂອງອະທິການບໍດີ ວ່າດ້ວຍການປະກວດ ນາງສັງຂານ ປະຈຳພ.ສ 2551 ແລະ ຕາມຂໍ້ຕົກລົງຂອງຄະນະບໍດີຄະນະສຶກສາສາດ; ຜ່ານ ການປະຕິບັດຕົວຈິ່ງກໍ່ເຫັນວ່າເປັນທີ່ຫນ້າຍົກຍ້ອງສັນລະເສີນ ທັງນີ້ກໍ່ເນື່ອງມາຈາກຄວາມເອົາ ໃຈໃສ່ຂອງຄະນະຮັບຜິດຊອບ ແລະ ຄວາມພ້ອມ, ຄວາມຫ້າວຫັນ ຂອງບັນດານາງສາວນັກ ສຶກສາທຸກຄົນ ເຊິ່ງສະແດງອອກໃນລີລາທ່າທາງການຍ່າງເທິງເວທີ ແລະ ການນົບຕະຫລອດ ທັງເຄື່ອງນຸ່ງຫົ່ມ ລ້ວນແຕ່ບົ່ງບອກເຖິງເອກະລັກແມ່ຍິງລາວ ກໍ່ຄືວັດທະນະທຳອັນດີງາມຂອງ ຊາດຢ່າງຫນ້າພາກພູມໃຈ.

Source: ecom

__________________
Anonymous

Date:
Permalink  

ຖ້າເບິ່ງຈົນນໍ້າຊິຖ້ວມຫລັງເປັດກະຍັງບໍ່ທັນເຫັນເພິ່ນເອົາຮູບສາວ ງາມເຫລົ່ານັ້ນມາໂພສໃຫ້ເບິ່ງ, ສົງໃສເວັບມັດສະເຕີເກັບໄວ້ ເບິ່ງເອງລະເດີ ຮາໆໆໆໆໆໆໆໆໆໆໆໆໆໆໆໆໆໆໆໆໆ

__________________
Page 1 of 1  sorted by
Quick Reply

Please log in to post quick replies.
Samakomlao -> Pasalao -> Pasalao -> ໄດ້ແລ້ວ ນາງສັງຂານ ຄະນະສຶກສາສາດ 2008


Create your own FREE Forum
Report Abuse 		Powered by ActiveBoard