Pasalao

samakomlao wrote:

---

ໄທ ກຽມເຂົ້າມາລົງທຶນຢູ່ລາວ ຄາດວ່າຍອດການຄ້າໃນ 2 ປີຕໍ່ຫນ້າຈະເພີ່ມຂຶ້ນ 2 ເທົ່າ ================================= ຍີນດີຕ້ອນຮັບ ນັກທຸຣະກີຈ ໄທ ແລະຕ່າງແດນ  ທຸກ ໆ ທ່ານ ຂໍນຳໃຫ້ເອົາໂຮງງານໄດ້ມາຕຖານສາກົນ  ບໍເອົາໂຮງງານເກົ່າ ບໍເອົາມົລລະພີດ ບໍເອົາມົລລະພາວະ ນ້ຳເສັຍ ອາກາດເສັຍ ຄົນງານໄດ້ຮັບສານພິດ ນຳມາທຳລາຍສັງຄົມລາວກໍພໍ ແລະຄີດການໄກ ຄ້າຂາຍຮ່ວມກັນໄປນານ ໆ  ແສນນານ, ໄດ້ປະໂຍດທັງ 2 ຝ່າຍ  ບໍຫວັງຜົລກີນກຳໄຣລະຍະສັ້ນ ແລ້ວຫອບເງີນໜີ             ຂະນ້ອຍສັງເກດເຫັນ  ສີນຄ້າທີມາຈາກໄທ  ມີແຕ່ພາສາໄທ ແລະພາສາຈີນ  ບໍມີພາສາລາວ  ຂໍຝາກໃຫ້ ເຈົ້າໜ້າທີແກ້ໄຂ ດ່ວນ ພາສາໄທ ຄວນປຽນເປັນພາສາລາວ ໂດຍສະເພາະ ກອ່ນຈະໂຄສະນາອອກທີວີ , ໂຄສະນາອອກວາຣະສານ, ໂຄສະນາອອກໜັງສືພີມ......ປ້າຍໂຄສະນາ  ແລະໂຄສະນາອຶນ  ໆ            ສີນຄ້າທຸກຊະນິດຈາກຕ່າງປະເທສ ກ່ອນນຳເຂົ້າປະເທສລາວ ຕ້ອງມີສະລາກ ພາສາລາວ ເພືອຄົນລາວ ເພືອສຸຂະພາບ ຜູ້ບໍຣິໂພກ ອຸປໂພກ ອ່ານ ເບີງ ກ່ອນຈະຊື້ ໃຊ້              ສີນຄ້າປະເທສລາວ ສົ່ງໄປຕ່າງປະເທສ  ຕ້ອງມີ  ພາສາລາວ ຄູ່ກັບພາສາອັງກິສ  ແລະ ມີ  Nutrition,    ດ້ວຍຄວາມປາຖະນາດີ ຕໍປະຊາຊົນລາວ ຖ້ວນໜ້າ ================================

ລາວມີຄວາມພ້ອມໃນດ້ານການຮອງຮັບນັກລົງທຶນຈາກໄທ ເພື່ອຊຸກຍູ້ການລົງທຶນ-ການຄ້າ ເພີ່ມຂຶ້ນອີກເປັນ 2 ເທົ່າ ແລະ ເພີ່ມການສົ່ງສິນຄ້າຈາກລາວໄປໄທເພີ່ມຂຶ້ນອີກ 3 ເທົ່າໃນປີ 2010 ຈະມາເຖິງນີ້.    ຫວ່າງບໍ່ດົນມານີ້ ທີ່ແຂວງອຸດອນທານີ (ປະເທດໄທ) ໄດ້ມີການປຶກສາຫາລືດ້ານການຄ້າ, ການລົງທຶນ ແລະການທ່ອງທ່ຽວລະຫວ່າງຄະນະຜູ້ແທນເອກະຊົນຂອງລາວກັບຄະນະຜູ້ແທນ ເອກະຊົນຂອງໄທ ເພື່ອຮັດແຫນ້ນດ້ານການລົງທຶນ, ການຄ້າ ແລະ ການທ່ອງທ່ຽວລະຫວ່າງ ກັນໃຫ້ແຫນ້ນແຟ້ນກວ່າເກົ່າ. ການປຶກສາຫາລືຄັ້ງນີ້ ຄະນະຜູ້ແທນຝ່າຍລາວໄດ້ເປີດເຜີຍວ່າ: ລາວມີຄວາມພ້ອມໃນການຮັບມືດ້ານການລົງທຶນ, ການຄ້າ ແລະການທ່ອງທ່ຽວຈາກໄທ ເພື່ອ ໃຫ້ເປັນປະໂຫຍດສູງສຸດລະຫວ່າງສອງປະເທດລາວ-ໄທ.    ຂະນະດຽວກັນ, ຝ່າຍລາວ ແລະຝ່າຍໄທໄດ້ເຫັນພ້ອມທີ່ຈະຮ່ວມມືກັນເພື່ອຊຸກຍູ້ປະລິມານ ການຄ້າ ແລະ ການລົງທຶນລະຫວ່າງສອງປະເທດໃຫ້ເພີ່ມຂຶ້ນອີກເປັນ 2 ເທົ່າ ແລະ ການສົ່ງ ອອກສິນຄ້າຂອງລາວໄປໄທໃຫ້ເພີ່ມຂຶ້ນເປັນ 3 ເທົ່າພາຍໃນ 2 ປີຂ້າງຫນ້າ.    ທ່ານ ຫຸມລາ ມະນີຈັນ, ຜູ້ແທນຈາກສະພາອຸດສາຫະກຳແຂວງຈຳປາສັກ ກ່າວວ່າ: ລາວ ມີຊັບພະຍາກອນທຳມະຊາດ ຈຳນວນຫລວງຫລາຍ, ແຕ່ຍັງບໍ່ທັນນຳອອກມາໃຊ້ເທື່ອຈິ່ງຢາກ ໃຫ້ນັກທຸລະກິດຂອງໄທ ເຂົ້າມາລົງທຶນໃນລາວເພີ່ມຂຶ້ນຕື່ມອີກ ເຊິ່ງທາງການລາວໄດ້ມີນະໂຍ ບາຍທີ່ຈະເຊື່ອມໂຍງການລົງທຶນຂອງທັງສອງປະເທດ. ທັງນີ້ ເພື່ອເປັນການດຶງດູດນັກລົງທຶນ ເຂົ້າມາໃນປະເທດລາວຫລາຍຂຶ້ນ ແລະເພື່ອເປັນການກະຕຸ້ນຄວາມສຳພັນອັນດີງາມລະຫວ່າງ ພາກລັດ ແລະ ເອກະຊົນຂອງທັງສອງປະເທດໃຫ້ຫລາຍຂຶ້ນ. ທ່ານ ສຸພົນ ເລົາວັນສິຣິ, ຜູ້ແທນຝ່າຍໄທກ່າວຍົກຍ້ອງວ່າ: ລາວມີພື້ນທີ່ປ່າລວມທັງພື້ນທີ່ ກະສິກຳທີ່ອຸດົມສົມບູນ ກວມເຖິງ 80%, ດັ່ງນັ້ນ ໄທຈິ່ງຢາກໃຫ້ນັກລົງທຶນຂອງໄທເຂົ້າມາລົງ ທຶນໃນລາວຫລາຍຂຶ້ນໂດຍສະເພາະການລົງທຶນດ້ານກະສິກຳໃນຮູບແບບ Contract farmi-ng.    ໄລຍະຜ່ານມາ, ແຂວງອຸດອນທານີ ເປັນອີກແຂວງຫນຶ່ງທີ່ມີການຄ້າ ແລະລົງທຶນກັບລາວ ໂດຍຜ່ານຂົວມິດຕະພາບລາວ-ໄທ ເຊັ່ນດຽວກັນກັບແຂວງຫນອງຄາຍຜູ້ປະກອບການນຳເຂົ້າ ແລະ ສົ່ງອອກສິນຄ້າ ໂດຍມີມູນຄ່າການຄ້າຫມົດປີ 2007 ສູງເຖິງ 26 ລ້ານກວ່າບາດ (ສະ ກຸນເງິນໄທ), ສິນຄ້າສົ່ງອອກມີມູນຄ່າ 23 ລ້ານກວ່າບາດ ແລະ ສິນຄ້ານຳເຂົ້າຈາກລາວ 3 ລ້ານກວ່າບາດ. ສິນຄ້າສົ່ງມາລາວສ່ວນໃຫຍ່ ມີເຄື່ອງມືກະສິກຳ, ອຸປະກອນການກໍ່ສ້າງ, ລົດ ແລະ ສິນຄ້າອຸປະໂພກ-ບໍລິໂພກອື່ນໆ.    ຕົວເລກທີ່ກ່າວມາຂ້າງເທິງນັ້ນ ສະແດງໃຫ້ເຫັນວ່າ ລາວຍັງຂາດດຸນ ການຄ້າກັບໄທ 23 ລ້ານກວ່າບາດ ໃນສະເພາະແຕ່ປີ 2007. ເຖິງຢ່າງໃດກໍ່ຕາມ ເມື່ອທ້າຍເດືອນສິງຫາປີກາຍ, ພະແນກອຸດສາຫະກຳ ແລະ ການຄ້າຂອງລາວຮ່ວມກັບພະແນກອຸດສາຫະກຳການຄ້າແຂວງ ຫນອງຄາຍ ແລະ ອຸດອນທານີ ໄດ້ປະຊຸມຮ່ວມກັນ ເພື່ອເນັ້ນຄວາມມຸ່ງຫມັ້ນຮ່ວມກັນໃນການ ຊຸກຍູ້ປະລິມານການຄ້າລະຫວ່າງສອງປະເທດ ໃນປີ 2010 ໃຫ້ເພີ່ມຂຶ້ນອີກ 2 ເທົ່າ.

---