ນາຍົກທອງສິງທຳມະວົງຢ້ຽມຢາມປະຊາຊົນທີ່ຖືກໄພນ້ຳຖ້ວມແຂວງຫລວງພະບາງເມື່ອສອງສາມອາທິດ
ທີ່ຜ່ານມາໄດ້ນຳເຄື່ອງບັນເທົາທຸກເພື່ອຢ້ຽວຢາຜູ້ປະສົບໄພດ້ວຍ ໝີ່ ມາມາ 3 ຫໍ່ ແລະເຂົ້າ 1 ກິໂລ ຕໍ່ຄົນ,
ຈັ່ງແມ່ນເປັນຕາອາຍຊາວໂລກເຂົາ. ສ່ວນເງິນແລະເຄື່ອງອຸບປະໂພກບໍລິໂພກຕົກເປັນເງິນຫລາຍສິບລ້ານ
ໂດລາທີ່ອົງການນາໆຊາດສົ່ງໃຫ້ໄປບັນເທົາທຸກປະຊາຊົນລາວທີ່ຖືກໄພນ້ຳຖ້ວມແມ່ນຖືກພາຍຸແລະນ້ຳຖ້ວມ
ຜັດໄຫລໄປຕາມກະແສນ້ຳ (ນ້ຳມືຂອງຄົນສໍ້ໂກງ) ໝົດເລີຍ.
ໜ້າສົງສານປະຊາຊົນທີ່ຖືກໄພນ້ຳຖ້ວມທີ່ລໍຄອຍການຊ່ອຍເຫຼືອຈາກລັດຖະບານແຈ່ໄດ້ພຽງ ໝີ່ ມາມາ 3 ຫໍ່
ແລະເຂົ້າສານໜຽວ 1 ກິໂລ ເທົ່ານັ້ນຕໍ່ຄົນ ກິນຄາບດຽວກໍບໍ່ພໍຈັ່ງແມ່ນທຸກ.
ເພິ່ນຊ່ອຍບັນເທົາຊື່ໆ ສ່ວນການຊ່ອຍເຫຼືອແທ້ໆແມ່ນການປຸກສ້າງບ່ອນພັກອາໃສ
ແລະປົວແປງທີ່ທຳກິນໃຫ້ພໍ່ແມ່ພີ່ນ້ອງປະຊາຊົນ ໄປອ່ານເບິ່ງຢູ່ເຟສບຸກຂອງນາຍົກ
ເດີຖ້າຢາກຮູ້ລາຍລະອຽດ.
Anonymous wrote:ເພິ່ນຊ່ອຍບັນເທົາຊື່ໆ ສ່ວນການຊ່ອຍເຫຼືອແທ້ໆແມ່ນການປຸກສ້າງບ່ອນພັກອາໃສແລະປົວແປງທີ່ທຳກິນໃຫ້ພໍ່ແມ່ພີ່ນ້ອງປະຊາຊົນ ໄປອ່ານເບິ່ງຢູ່ເຟສບຸກຂອງນາຍົກເດີຖ້າຢາກຮູ້ລາຍລະອຽດ.
ຖ້າເປັນຄືເພິ່ນກ່າວອອກມານັ້ນກໍດີ ແລະຂໍໃຫ້ເພິ່ນເຮັດແທ້ທຳຈິງຢ່າຫຼອກໃຫ້ປະຊາຊົນ
ຜູ່ເດືອດຮ້ອນພາກັນຄອຍເກີ້. ພີ່ນ້ອງຂ້ອຍກໍຫຼາຍຄອບຄົວທີ່ປະສົບພັຍນ້ຳຖ້ວມໃນຄັ້ງນີ້
ຢູ່ທີ່ເມືອງນານແຂວງຫຼວງພະບາງ. ນ້ຳລົງແລະແຫ້ງສູ່ປົກະຕິມາໄດ້ເດືອນກວ່າແລ້ວ ຍັງ
ບໍ່ເຫັນສິ່ງຂອງໃດໆທີ່ເພິ່ນປະກາດວ່າຈະມາຊ່ວຍ, ຂັ້ນວ່າຖນົນຂາດຫລາຍຕ່ອນກໍຍັງບໍ່ທັນ
ເຫັນທາງການໂຍທາລົງມາສ້ອມແປງເລີຍ ແລະບ້ານເຮືອນປະຊາຊົນທີ່ຖືກນ້ຳຜັດໄຫຼໄປນັ້ນ
ກໍປະຊາຊົນຊ່ວຍເຫຼືອກັນເອງປຸກຂຶ້ນໂດຍທຶນຂອງເຈົ້າຂອງເຮືອນແລະໄທບ້ານບາງສ່ວນມາ
ຊ່ອຍ. ຂ້ອຍກໍໄດ້ສົ່ງເງິນຈຳນວນໜຶ່ງຕາມມີຕາມເກີດໄປໃຫ້ພີ່ນ້ອງຂ້ອຍຊື້ໄມ້ແລະສັງກະສີ
ປຸກເຮືອນພໍມີທີ່ບັງແດດບັງຝົນ ແລະກໍໜັກຫລາຍເຕີບເພາະມີຕັ້ງ 5 ຄອບຄົວທີ່ປະຖິ້ມກັນ
ບໍ່ໄດ້.
