Pasalao

ທີມຊາດລາວ ລຸ້ນ 19 ຮຶດທ້າຍເກມສະເຫມີ ຟິລິບປິນ ລຸ້ນ 21 ປີ 2 - 2 ໃນລາຍການ Hassanal Bolkiah Trophy 2014 ທີ່ປະເທດ ບຣູໄນ

ການແຂ່ງຂັນໄດ້ມີຂຶ້ນໃນຕອນຄໍ່າຂອງມື້ວານນີ້ ທີ່ສະຫນາມ the Berakas Sports Complex ປະເທດ ບຣູໄນ ເປັນການພົບກັນລະຫວ່າງທີມຊາດ ລາວ ພົບກັບ ທີມຊາດຟີລິບປິນ .
ເລີ່ມເກມໄດ້ພຽງ 19 ນາທີ ສິດທິເດດ ຂັນທະວົງ ກອງຫນ້າ ທີມຊາດລາວ ສັງກັດສະໂມສອນ ລາວໂຕໂຢຕາ ໄດ້ຮັບບັດແດງເຊິ່ງຕ້ອງເຮັດໃຫ້ທີມຊາດ
ລາວເສຍປຽບຜູ້ຫລິ້ນ . ຫລັງຈາກນັ້ນເກມສ່ວນໃຫຍ່ຕົກເປັນຂອງຟິລິບປິນ ນາທີ 42 ຟິລິບປິນໄດ້ປະຕູຂຶ້ນນໍາຈາກການຍິງຂອງ Jose Elmer Porteria ຈົບເຄິ່ງເວລາທໍາອິດຟິລິບປິນອອກນໍາທີມຊາດລາວ 1 - 0 .
ກັບມາເຄິ່ງເວລາທີ 2 ຍັງເປັນຟິລິບປິນທີ່ຄອງເກມໄດ້ເຫນືອກວ່າແຕ່ທີມ
ຊາດລາວມາໄດ້ປະຕູຕີສະເຫມີໃນນາທີ 74 ຈາກການຍິງຂອງ ຕີ່ນີ່ ບຸນມະໄລ ທີມຊາດລາວດີໃຈບໍ່ເທົ່າໃດຖັດມາອີກ 2 ນາທີ ຟີລິບປິນມາໄດ້ປະຕູຫນີຫ່າງ
ທີມຊາດລາວເປັນ 2 - 1 ຈາກການຍິງຂອງ Jason Nicolas Maria Dantes de Jong ຫລັງຈາກເສຍປະຕູທີມຊາດລາວກໍບຸກຫນັກມາໄດ້ປະຕູຕີສະເຫມີ ໃນໄລຍະທ້າຍເກມຈາກການຍິງຂອງເກດສະດາ ສຸກສະຫວັນ ຈົບເກມທີມຊາດລາວ ສະເຫມີ ຟີລິບປິນ 2 - 2 ແບ່ງກັນທີມລະ 1 ຄະແນນ ສ່ວນຜົນອີກຄູ່ 1 ໃນກຸ່ມ ມຽນມາ ເອົາຊະນະ ໄທ 3 - 2 .