Pasalao

ມວນຊົນຍັງຕື່ນ…! ແລະ ກັງວົນຕໍ່ກັບ ການປິດຮັບຄຳຮ້ອງສອບເສັງ ວັນທີ່ 4

ມີການເຂັ້ມງວດກັບຫລັກການ ໃນການສອບເສັງລັດຖະກອນ 
ພາກຄວາມຮູ້ທົ່ວໄປດ້ານ ກົດລະບຽບ ເລື່ອງຜົມ ແລະ ໜວດຍາວຂອງທ່ານຊາຍ, ເລື່ອງການຍອມສີຜົມຂອງທ່ານຍິງ…

ຕື່ນແຕ່ເຊົ້າຟ້າວ ໄປລົງທະບຽນ ການສອບເສັງດັ່ງກ່າວ( ໃຫ້ພັນລະຍາ ຂອງ ຜູ້ຂຽນເອງ) ຮອດ ຫ້ອງການປົກຄອງນະຄອນຫລວງ ພໍດີ 6:00ຕົງເປະ ທຳອິດກໍຄິດວ່າ ມາເຊົ້າຂະໜາດນີ້ ຄົງຈະບໍ່ມີຄົນຫລາຍ ແຕ່ ພໍໄປຮອດ ປາຕິໂຖ ! ມີຜູ້ສະໝັກ ຫລາຍ ກວ່າ ເຄິ່ງພັນ ຄົນມານັ່ງລໍຖ້າແລ້ວ.

ເຮັດແນວໃດດີ ສຸດທ້າຍ ກໍໄດ້ລໍຖ້າເອົາບັດຄີວ ເປັນຄົນສຸດທ້າຍ(ແຕ່ກໍບໍ່ໄດ້ ເຍ້ອນເພີ່ນວ່າ ຜົມຂອງຂ້ອມມັນຍຍາວແຍ່ຫູ), ໃນຂະນະດຽວກັນ ກັບການ ລໍຖ້າຢູ່ໜ້າ ກໍໄດ້ລອງຖາມ ຄຳເຫັນຂອງ ຜູ້ສະໝັກ ຈຳນວນໜຶ່ງວ່າ : 

“ບາງຄົນຕື່ນແຕ່4 ໂມງເຊົ້າ ເພື່ອມາລໍຖ້າຢູ່ທີ່ນີ້ , ບາງຄົນກໍຈົ່ມວ່າ ແລ່ນໜັງສືບໍ່ທັນ ແລະ ບາງຄົນກໍວ່າ ໜ້າຈະຍືດເວລາອອກໄປອີກ, ບາງຄົນວ່າ ສະຖານທີ່ຮັບຄຳຮ້ອງແຄບໂພດ ແລະ ຄະນະຮອບຜິດຊອບໜ້ອຍເກີນໄປວ່າຊັ້ນ ! 

ນອກນັ້ນ ອັນທີ່ເປັນໜ້າຕົກໃຈທີ່ສຸດ ບາງຄົນ ເວົ້າທັງມີນ້ຳຕາອອກມາວ່າມາລໍຖ້າແຕ່ເຊົ້າ ແຕ່ພໍມາຮັບບັດຄີວ ແຕ່ຊ້ຳພັດຖືກປະຕິເສດ ຍ້ອນວ່າ ຜົມຂອງຕົນເອງມີສີທອງ (ພຽງເລັກນ້ອຍ) ແລະ ມີໜວດ( ທ່ານຊາຍ) ເທົ່ານັ້ນເອງ.

ອີກຢ່າງໜຶ່ງ ການມາລົງທະບຽນ ມັນເຮັດໃຫ້ຜູ້ຂຽນຮູ້ວ່າເຮົາບໍ່ສາມາດ ມາລົງໃຫ້ກັນໄດ້.....ເປັນຫຍັງຄືລົງໃຫ້ກັນບໍ່ໄດ້ ຄັນວ່າ ເຮົາມີໜັງສື, ຮູບ ແລະ ເອກະສານທັງໝົດ ຂອງຄົນນັ້ນຄົບທຸກຢ່າງ. ບັນຫານີ້ມັນກໍໜ້າຄິດ ແລະ ເພາະການມາສອບເສັງນັ້ນ ມັນບໍ່ແມ່ນ ມີແຕ່ນັກສຶກສາເທົ່ານັ້ນ ເພາະຍັງມີ ພະນັກງານ ເອກະຊົນ ຫລື ຄົນທີ່ຍັງວ່າງງານຢູ່ ຫລື ຍັງເປັນແມ່ລູກອ່ອນຢູ່ ເຂົາກໍຕ້ອງການມາເສັງ ແຕ່ ອາດຈະມາລົງຖະບຽນດ້ວຍຕົນເອງບໍ່ໄດ້ ກໍມີ.