ຂປລ. ວັນທີ 21 ມີນາ 2014 ນີ້, ຢູ່ຫ້ອງປະຊຸມກະຊວງການໂຍທາທິການ ແລະ ຂົນສົ່ງ ໄດ້ມີພິທີມອບ-ຮັບ ໜ້າທີ່ລະຫວ່າງ ທ່ານ ສົມມາດ ພົນເສນາ, ກຳມະການສູນກາງພັກ, ເລຂາຄະນະພັກ, ລັດຖະມົນຕີວ່າການກະຊວງໂຍທາທິການ ແລະ ຂົນສົ່ງ ຜູ້ເກົ່າ ໄປຮັບໜ້າທີ່ໃໝ່ຢູ່ຫ້ອງວ່າການລັດຖະບານ ແລະ ທ່ານ ດຣ. ບຸນຈັນ ສິນທະວົງ ລັດຖະມົນຕີຊ່ວຍວ່າ ການກະຊວງດັ່ງກ່າວ ຮັບໜ້າທີ່ເປັນ ເລຂາຄະນະພັກ, ລັດຖະມົນຕີວ່າການກະຊວງ ໂຍທາທິການ ແລະ ຂົນສົ່ງ ຜູ້ໃໝ່ ໂດຍເປັນກຽດເຂົ້າຮ່ວມຂອງທ່ານ ສົມສະຫວາດ ເລັ່ງສະຫວັດ, ກຳມະການກົມການເມືອງສູນກາງພັກ, ຮອງ ນາຍົກລັດຖະມົນຕີ, ຜູ້ຊີ້ນຳວຽກງານເສດຖະກິດ, ມີລັດຖະມົນຕີຊ່ວຍວ່າການ, ຮອງຫົວໜ້າຈັດຕັ້ງຄະນະສູນກາງພັກ, ບັນດາທ່ານຫົວໜ້າກົມ, ຮອງກົມ ແລະພະນັກງານທີ່ກ່ຽວຂ້ອງ ເຂົ້າຮ່ວມ.ການມອບ-ຮັບໜ້າທີ່ໃໝ່ຄັ້ງນີ້ ແມ່ນປະຕິບັດຕາມຄຳສັ່ງ ສະບັບເລກທີ 03/ກມສພ ລົງວັນທີ 27 ກຸມພາ 2014 ວ່າດ້ວຍການຍົກຍ້າຍການນຳຂັ້ນ ສູງຮັບໜ້າທີໃໝ່ ແລະ ລັດຖະດຳລັດຂອງປະທານປະເທດ ສາທາລະນະລັດ ປະຊາທິປະໄຕ ປະຊາຊົນລາວ ສະບັບເລກທີ 099/ປປທ ລົງວັນທີ 03/ມີນາ 2014 ວ່າດ້ວຍການຍົກຍ້າຍລັດຖະມົນຕີວ່າການກະຊວງໂຍທາທິການ ແລະ ຂົນສົ່ງ. ອີງໃສຄວາມຮຽກຣ້ອງຕ້ອງການຂອງໜ້າທີ່ວຽກງານ ກໍຄື ການ ປັບປຸງກົງຈັກການຈັດຕັ້ງ ໃຫ້ສອດຄ່ອງກັບໜ້າທີວຽກງານໃນປະຈຸບັນ.
ສະຫາຍ ສົມສະຫວາດ ເລັ່ງສະຫວັດ ໄດ້ໃຫ້ກຽດໂອ້ລົມເພື່ອເປັນທິດຊີ້ນຳແກ່ພະນັກງານຫລັກແຫລງ ກໍຄື ພະນັກງານທຸກຂັ້ນໃນກະຊວງ ຊຶ່ງເຕັມ ໄປດ້ວຍເນື້ອໃນ ແລະ ຄວາມໝາຍສຳຄັນອັນເລິກເຊິ່ງ ໂດຍສະເພາະແມ່ນທິດທາງການແກ້ໄຂບັນຫາທີ່ຍັງຄົງຄ້າງ ແລະ ສິ່ງທ້າທາຍຕ່າງໆ ໃນຂະ ແໜງໂຍທາທິການ ແລະ ຂົນສົ່ງ ໂດຍປະຕິບັດຕາມເນື້ອໃນ 4 ບຸກທະລຸເປັນບ່ອນອີງ, ວິເຄາະວຽກງານທາງດ້ານເຕັກໂນໂລຊີ ແລະ ການບໍລິການ ທາງດ້ານການຄົມມະນາຄົມ-ຂົນສົ່ງ ໃຫ້ມີຄວາມກ້າວໜ້າທັນສະໄໝເປັນກ້າວໆ. ຍົກລະດັບການພັດທະນາບຸກຄະລາກອນ ທາງດ້ານວິຊາສະເພາະໃຫ້ ມີຄວາມຮູ້ຄາວມສາມາດ ເພື່ອນຳໃຊ້ເຂົ້າໃນການພັດທະນາປະເທດຊາດ./.
ສີຫນ້າຄົນຊິຮັ່ງຊິມີ ຄົນຊິໄດ້ເປີເຊັນ ຄ່າລາຍເຊັນ ອະນຸມັດໂຄງການກໍ່ສ້າງຕ່າງໆ ລາສີເສດຖີຈັບ. ສ່ວນອີກຄົນ ໄປພິສູດສີມື ເພື່ອຮູ່ງຫລືດັບ.
ພາສາຕະຫລາດ ເຂົາວ່າ ປາແດກເກົ່າໃນໄຫໃຫມ່. ຜັດປ່ຽນກັນ ຂື້ນລົງ.ສົມບັດຜັດປ່ຽນກັນຊົມ ວຽກງານຜັດປ່ຽນກັນບໍລິຫານພິສູດສີມື ແລະຄວາມຮູ້ຄວາມສາມາດ ສະຫລາດແທ້ຫລືສະຫລາດປອມ ຜົນຂອງການເຮັດວຽກງານຄື ເປັນສິ່ງເອກອ້າງຄວາມຮູ້ຄວາມສາມາດ ຂອງຄົນ. ການເຂົ້າກະທໍຍ້ອງຕົນເອງ ແມ່ນພວກຫລົງຕົນເອງ.
ບໍ່ມີຄວາມໝາຍຫຍັງດອກ ເພາະວ່າເວົ້າແນວໜຶ່ງ ແລ້ວເຮັດແນວໜຶ່ງ.ໃຜເປັນກໍ່ຄືເກົ່າ
Anonymous wrote:ບໍ່ມີຄວາມໝາຍຫຍັງດອກ ເພາະວ່າເວົ້າແນວໜຶ່ງ ແລ້ວເຮັດແນວໜຶ່ງ.ໃຜເປັນກໍ່ຄືເກົ່າ
ຄິດຄືກັນກັບຂ້ອຍເລີຍ
ໃຫ້ແຈ້ງສັບສິນລະອຽດ ກ່ອນເຂົ້າມາ ມີຫຍັງ ເຮືອນຈັກຫຼັງ ,ດິນຈັກຕອນ, ລົດຈັກຄັນ
ເງິນມີຈັກຕື້ ກີບ, ໂດລາຈັກລ້ານ ,ຄຳຈັກກິໂລ ແຈ້ງຕໍ່ ພ/ງ ແລະ ປ/ຊ ຢ່າງຈິງຈັງ
ຜູ້ອອກກໍ່ແຈ້ງຄືກັນ ທີ່ຈະໄປຮັບຕຳແໜ່ງໃໝ່ ,,,, ຖ້າເຮັດໄດ້ແບບ ຈີນ ຊົມເຊີຍ
ນີ້ແຫຼະການນໍາທີ່ສະຫຼາດສ່ອງໃສ ເພິ່ນກະປ່ຽນກັນກິນມີແຕ່ລໍຖ້າຟັງຂ່າວວ່າເພິ່ນສິຮັ່ງມີຂື້ນສໍາໃດ
ໂຕເອງຮັ່ງມີແລ້ວກະໃຫ້ໂອກາດຄົນອື່ນແດ່
ໄຕ່ເຕົ້າຂຶ້ນມາຮອດຂັ້ນຫົວຫນ້າແລວ້
ໃນວົງການລັດ ຫົວຫນ້າຫຍັງກໍຢ່າ
ຈະຕົກໃສກໍຢ່າ ບໍ່ເຖິງຂັ້ນຕອ້ງໄປຂໍທານກິນ
ພັກລັດ ປະຊາຊົນຮູ້ບຸນຄຸນ ແລະເບິ່ງແຍງທ່ານ ພອ້ມຄອບຄົວຕະຫລອດໄປ
ຈົ່ງຕັ້ງຫນ້າບຸກບືນ ເຮັດວຽກງານ ເພື່ອຊາດ ເພື່ອປະຊາຊົນ
ພັກ ແລະ ປະຊາຊົນມອບຫມາຍໃຫ້ທ່ານຕອ້ງສຳເລັດຫນ້າທີການງານ
ບໍ່ຕອ້ງຄິດແລະບໍ່ຕອ້ງກະທຳແນວທີ່ບໍ່ດີ ຕໍ່ປະເທດຊາດ
ບໍ່ດັ່ງນັ້ນ ຈະກາຍເປັນຄົນຂາຍຊາດ ປະເທດຊາດລົງໂທດແນ່ນອນ
ດັ່ງນັ້ນ ພໍສາ ພໍແລວ້ ກັບການສໍ້ລາດບັງຫລວງ
ບໍ່ມີຍາມຍິ້ມ
ມີແຕ່ຍາມຫົວ
ພວກນີ້ບໍ່ມີຄວາມຄິດເພື່ອສ່ວນລວມແມ່ນແຕ່ໜ້ອຍ ທຸກວັນນັ່ງຕຳແໜ່ງເພື່ອສະແຫວງຫາຜົນປະໂຫຽດທັງນັ້ນ!!!
ເງິນກ້ອນໃຫຍ່, ລົດຫຼູລາຄັນງາມໆ ທີ່ດິນກ້ວາງຂວາງເຮືອນຫຼັງງາມໆລາຄາແພງແມ່ນຂອງພວກເພິ່ນເໝີດ....!
ພວກບໍ່ມີເມືອງພໍປົ້ນຊາດປົ້ນແຜ່ນດິນ!
ປາແດກຕ່ອນເກົ່າເອົາໄປໃສ່ໄຫໃໝ່ ມັນກໍເຊມຊຽດ.....
ເວົ້າເລື່ອງວຽກງານໂຍທາແລະຂົນສົ່ງ,ໂດຍສະເພາະແມ່ນພະນັກງານທີ່ເຮັດວຽກງານດັ່ງກ່າວ
ຈະຢູ່ຂັ້ນສູນກາງຫຼືຂັ້ນທ່ອງຖິ່ນ(ຂັ້ນແຂວງ)ກໍ່ເຫັນແຕ່ຜູ້ມີເງິນ,ຄຳ,ລົດງາມໆລາຄາແພງແລະ
ເຮືອນຫຼັງບັກໃຫ່ຍມີຮອດໂຮງແຮມ.
ແຕ່ວ່າແມ່ນພວກເພີ່ນເລົ່ານີ້ແມ່ນມີລາຍໄດ້ມາແຕ່ໃສ່??ເງິນເດືອນຂອງພະນັກງານທຸກຊັ້ນກໍ່
ບໍ່ໄດ້ລື້ນກັນປານໃດນາ!!ພວກທ່ານວ່າເຂົາເຈົ້າປ່ຽນກັນກິນ,ພວກເຮົາກໍ່ຍາກປ່ຽນກັນກິນຄືກັນ
ຄືບໍ່ເຫັນພວກເພື່ນເອົາລູກຊາວໄຮ່,ນາຂື້ນໄປກິນນຳແດ່!!
ພວກເຮົາກໍ່ໄດ້ເຮັດການປະຕິວັດຊາດປະຊາທີປະໄຕໃນສະໄໝ່ສົ່ງຄາມເຮືອບິ່ນຕາມລາໄລ່ຂ້າ
ຄືກັນກັບພວກເພີ່ນທີກຳອຳນາດໃນປະຈຸບັນ!!!
