ປະກາດແຕ່ງຕັ້ງລັດຖະມົນຕີຊ່ວຍວ່າການກະຊວງການຕ່າງປະເທດຄົນໃໝ່
ຂປລ. ໃນວັນທີ 11 ມິນາ 2014 ນີ້ ຢູ່ກະຊວງການຕ່າງປະເທດ ໄດ້ຈັດພິທີປະກາດແຕ່ງຕັ້ງທ່ານ ສະເຫລີມໄຊ ກົມມະສິດ ເປັນລັດຖະມົນຕີຊ່ວຍ ວ່າການກະຊວງການຕ່າງປະເທດ ໂດຍປະຕິບັດຕາມດຳລັດຂອງນາຍົກລັດຖະມົນຕີ ສະບັບເລກທີ 80/ນຍ ລົງວັນທີ 19 ກຸມພາ 2014 ໂດຍມີ ທ່ານ ທອງລຸນ ສີສຸລິດ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ, ພ້ອມບັນດາລັດຖະມົນຕີຊ່ວຍວ່າການກະຊວງການຕ່າງ ປະເທດ, ຕາງໜ້າຄະນະຈັດຕັ້ງສູນກາງພັກ, ບັນດາຫົວໜ້າກົມ ແລະ ຮອງກົມ ກະຊວງການຕ່າງປະເທດ ເຂົ້າຮ່ວມ.
ທ່ານ ບຸນຍົງ ສີສຸພັນ ຮອງຫົວໜ້າກົມຄຸ້ມຄອງພະນັກງານຕາງໜ້າ ຄະນະຈັດຕັ້ງສູນກາງພັກ ໄດ້ຂຶ້ນອ່ານດຳລັດຂອງນາຍົກລັດຖະມົນຕີ ວ່າດ້ວຍການ ແຕ່ງຕັ້ງລັດຖະມົນຕີຊ່ວຍວ່າການກະຊວງການຕ່າງປະເທດຄົນໃໝ່, ໃນໂອກາດນີ້ ທ່ານຮອງນາຍົກລັດຖະມົນ ທອງລຸນ ສີສຸລິດ ໄດ້ໃຫ້ກຽດໂອ້ລົມບັນດາ ທ່ານທີ່ເຂົ້າຮ່ວມໃນພິທີດັ່ງກ່າວ ໂດຍໄດ້ສະແດງຄວາມຍິນດີ ແລະ ຍ້ອງຍໍຊົມເຊີຍ ຕໍ່ທ່ານ ສະເຫລີມໄຊ ກົມມະສິດ ອາະດີດຜູ້ຊ່ວຍລັດຖະມົນຕີ ກະຊວງການຕ່າງປະເທດ, ອະດິດເອກອັກຄະລັດຖະທູດ ແລະ ຜູ້ຕາງໜ້າຖາວອນ ແຫ່ງ ສປປ ລາວ ປະຈຳສະຫະປະຊາຊາດ ທີ່ໄດ້ຮັບການແຕ່ງຕັ້ງ ໃຫ້ດຳລົງຕຳແໜ່ງ ເປັນລັດຖະມົນຕີຊ່ວຍວ່າການກະຊວງການຕ່າງປະເທດໃນຄັ້ງນີ້ ພ້ອມທັງ ຊີ້ນຳໃຫ້ລັດຖະມົນຕີຊ່ວຍວ່າການຄົນໃໝ່ ແລະ ບັນດາພະນັກງານຫລັກແຫລ່ງ ພາຍໃນກະຊວງ ຈົ່ງໄດ້ສືບຕຕໍ່ຍົກສູງຄວາມຮັບຜິດຊອບຕໍ່ໜ້າທີ່ວຽກງານທີ່ຖືກມອບໝາຍໃຫ້ໃນຄັ້ງນີ້ ເພື່ອສືບຕໍ່ ນຳເອົານະໂຍບາຍການຕ່າງປະເທດຂອງ ພັກ-ລັດໄປຈັດຕັ້ງປະຕິບັດ ໂດຍສະເພາະ ແມ່ນຕາມເນື້ອໃນຂອງກອງປະຊຸມວຽກງານການຕ່າງປະເທດ ຄັ້ງທີ 12 ເພື່ອປະ ກອບສ່ວນເຂົ້າໃນການເຊື່ອມໂຍງສາກົນ ຂອງປະເທດເຮົາໃນໄລຍະໃໝ່ ໃຫ້ເຕັມໄປດ້ວຍຜົນສຳເລັດອັນສູງເດັ່ນກວ່າເກົ່າ.
ຂປລ. ວັນທີ 10 ມີນາ 2014 ນີ້ ຄະນະຈັດຕັ້ງສູນກາງພັກ ໄດ້ຈັດພິທີປະກາດການແຕ່ງຕັ້ງ ແລະ ສັບຊ້ອນພະນັກງານຂັ້ນນຳ ໂດຍການ ເປັນປະທານຂອງທ່ານ ຈັນສີ ໂພສີຄຳ ເລຂາທິການສູນກາງພັກ, ເລຂາຄະນະພັກ, ຫົວໜ້າຄະນະຈັດຕັ້ງສູນກາງພັກ, ມີບັນດາຫົວໜ້າກົມ, ຮອງກົມ, ຕະຫລອດເຖິງພະນັກງານ-ວິຊາການ ເຂົ້າຮ່ວມຢ່າງພ້ອມພຽງ.ໃນພິທີດັ່ງກ່າວທ່ານນາງ ບຸດສະດີ ທະນະເມືອງ ຮອງຫົວໜ້າກົມຄຸ້ມຄອງພະນັກງານ ໄດ້ຂຶ້ນຜ່ານມະຕິຕົກລົງ ວ່າດ້ວຍການແຕ່ງຕັ້ງຮອງເລຂາຄະນະພັກ, ຮອງຫົວໜ້າຄະນະຈັດຕັ້ງສູນກາງພັກ ໂດຍແຕ່ງຕັ້ງທ່ານ ດຣ. ອ່ອນແກ້ວ ພົມມະກອນ ເປັນຮອງເລຂາຄະນະພັກ, ຮອງຫົວໜ້າຄະນະຈັດຕັ້ງສູນກາງພັກ; ທ່ານ ທອງຈັນ ໂຂງພູມຄຳ ແລະ ທ່ານ ວັນໄຊ ພອງສະຫວັນ ເປັນຮອງຫົວໜ້າຄະນະຈັດຕັ້ງສູນກາງພັກ ແລະ ແຕ່ງຕັ້ງທ່ານ ວັນໄຊ ພອງສະຫວັນ ເປັນກຳມະການຄະນະພັກ, ຄະນະຈັດຕັ້ງສູນກາງພັກ ແລະ ຜ່ານຄຳສັ່ງວ່າດ້ວຍການຍົກຍ້າຍ ພະນັກງານການນຳໄປຮັບໜ້າທີ່ໃໝ່ຄື: ຍົກຍ້າຍທ່ານ ໄຊສີ ສັນຕິວົງ ກຳມະການສູນກາງພັກ, ຮອງເລຂາຄະນະພັກ, ຮອງຫົວໜ້າຄະນະຈັດຕັ້ງສູນກາງພັກ ໄປຮັບໜ້າທີ່ໃໝ່ຢູ່ກະຊວງພາຍໃນ. ການຍົກຍ້າຍ ພະນັກງານຂັ້ນຳໄປຮັບໜ້າທີ່ໃໝ່, ການແຕ່ງຕັ້ງຮອງເລຂາຄະນະພັກ ແລະ ບັນດາຮອງຫົວໜ້າຄະນະຈັດຕັ້ງສູນກາງພັກໃນຄັ້ງນີ້ ແມ່ນເປັນການປະຕິ ບັດຕາມຄວາມຮຽກຮ້ອງຕ້ອງການ ຂອງວຽກງານຕົວຈິງ ແນໃສ່ບັນດາໜ້າວຽກໃນຫລາຍດ້ານ ທີ່ເພີ່ມທະວີຄູນຍິ່ງຂຶ້ນ ດັ່ງນັ້ນ ຈຶ່ງມີຄວາມຈຳເປັນຕ້ອງ ໄດ້ເພີ່ມພະນັກງານບໍລິຫານຂຶ້ນຕື່ມອີກ.
ອາທິດທີ່ຜ່ານມາ ກະຊວງແຜນການ ແລະການລົງທຶນ ກໍ່ໄດ້ແຕ່ງຕັ້ງ ລມຕ ຊ່ວຍ 1 ທ່ານ, ກະຊວງການເງີນ ແຕ່ງຕັ້ງ ລມຕ ຊ່ວຍ 3 ທ່ານ, ແຂວງໄຊຍະບູລີ ຍ້າຍເຈົ້າແຂວງ ແລະແຕ່ງຜູ້ຮອງຂຶ້ນແທນ
ເຫຼົ້າໂທບູດເທໃສ່ໄຫໄໝ່,ມັນກະສົ້ມຄືເກົ່າຫັ້ນລະ.
