Pasalao

ການມີຫລາຍພັກການເມືອງຫລືຫນ້ອຍພັກການເມືອງ ກະຄືເກົ່າ ຖ້າຄົນທີ່ເຂົ້າໄປເຮັດວຽກຍັງມີຄວາມໂລບ ຍັງບໍ່ີມີເມືອງພໍ, ກໍ່ຕ້ອງຫາທາງສໍ້ໂກງຄືກັນຫ້ານລະ

ແຕ່ຫລາຍພັກການເມືອງດີ່ກ່ອນມີພັກດຽວ ຍ້ອນພວກພັກການເມືອງ ຊິຄອຍຈັບຜິດກວດກາກັນ ຍາດແຍ່ງກັນສ້າງຜົນງານ ຍາດແຍ່ງກັນເອົານະໂຍບາຍດີໆມາ ໃຫ້ປະຊາຊົນໄດ້ ຄັດເລືອກເອົາ ສ່ວນປະຊາຊົນມີຫລາຍຫລາກໃຫ້ເລືອກ ກໍເລືອງກເອົາຄົນດີໆ ຄວາມຮູ້ມີ ເຮັດແທ້ທຳຈິງ ນະໂຍບາຍທີ່ກິນໄດ້ ໃຫ້ຜົນແທ້ໆ, ຕົວຢ່າງ: ປະເທດໄກ້ຄຽງເຮົາກະຄືໄທ ເຊັ່ນພັກເພື່ອໄທ ຂອງ ອາດິດນາຍົກທັກສິນ ຖືກຝ່າຍອາມາດ ສັກດີນາ ສັ່ງຍຸບຫລາຍໆເທື່ອ ນັບຕັ້ງແຕ່ພັກໄທຮັກໄທ , ພັກພະລັງປະຊາຊົນ ຈົນມາຕັ້ງພັກເພື່ອໄທ, ຍ້ອນນະໂຍບາຍ ທີ່ປະຊາຊົນສ່ວນໃຫຍ່ໃຫ້ການຍອມ ຍ້ອນຄົນສ່ວນຫລາຍໄດ້ຮັບຜົນປະໂຫຍດຈາກນະໂຍບາຍ ແລະການປະຕິບັດຕົວຈິງ, ຊ້ຳບໍ່ຫນຳພັກເພື່ອໄທ ມີນະໂຍບາຍການຄ້າ ໃຫ້ກຽດປະເທດຂ້າງຄຽງ ສ້າງມິດຕະພາບ ບໍ່ສ້າງສັດຕູ ປະເທດຂ້າງຄຽງ ຄົນລາວ ຄົນຂະເຫມນ ຄົນພະມ້າສ່ວນຫລາຍ ກະມັກຮັກໃນນະໂຍບາຍຂອງພັກເພືອໄທ ທີ່ເປັນມິດໃຫ້ກຽດປະເທດຂ້າງູຄຽງ.

ສ່ວນລະບົບພັກດຽວແມ່ນ ຖ້າເອົາເລື່ອງຄວາມສະຫງົບຮຽບຮ້ອຍ ສັງຄົມມີລະບຽບແມ່ນດີ, ແຕ່ການພັດທະນາຊັກຊ້າ ຄົນໃນພັກເຮັດຫຍັງກະບໍມີອົງການໄດກວດສອບກວດກາກັນໄດ້ ຕັ້ງອົງກອນກວດກາ ກະຕ້ັງຂຶ້ນຊື່ໆ ລະບົບກົດຫມາຍ ບໍ່ມີຄວາມເດັດຂາດລົງໂທດຄົນກະທຳຜິດ ເຊັ່ນການສໍ້ໂກງ ການເອື້ອອຳນວຍຜົນປະໂຫຍດ,  ລະບົບພັກດຽວ ໃນປະຈຸບັນແມ່ນມີການ ສໍ້ໂກງເອົາລັດເອົາປຽບປະຊາຊົນຫລາຍກ່ອນ ລະບົບຫລາຍພັກ, ລະບົບພັກດຽວພາກປະຊາຊົນ ບໍມີສິດປະທ້ວງຕຳນິວິຈານດ້ານລົບໄດ້ ສຳນັກຂ່າວຕ່າງໆ ມີແຕ່ຍ້ອງຍໍຢ່າງດຽວ ບໍ່ມີການຕຳນິວິຈານ ດ້ານລົບ ເຖິງແມ່ນວ່າ ຈະມີການເອົາລັດເອົາປຽບປະຊາຊົນ ມີການຮັບສິນບົນ ເຮັດວຽກບໍເປັນ ບໍລິຫານບໍ່ດີ ບໍລິການປະຊາຊົນຍາມໄປຕິດຕໍວຽກຊັກຊ້າ ມີການວາງນະໂຍບາຍຜິດພາດ ມີການຫລິ້ນເສັ້ນສາຍ ແລະບໍ່ເຄີຍເຫັນມີ ບຸກຄົນລະດັບສູງໆພາຍໃນພັກຖືກຈອງຈຳຄຸກ ທັ່ງທີ່ບາງທ່ານຮັ່ງມິຜິດປົກກະຕິ, 

ເລື່ອງລະບົບພັກດຽວຫລາຍພັກ ມີຂໍ້ດີແລະຂໍ້ດ້ອຍແຕກຕ່າງກັນ ແຕ່ສັງຄົມໂລກສ່ວນຫລາຍ ເຂົາມັກລະບົບຫລາຍພັກຍ້ອນເປັນຕົວແທນຂອງປະຊາຊົນໄດ້ ຂະນາດປະເທດທີ່ປົກຄອງດ້ວຍລະົບບກະສັດ ສັກດີນາ ກະຍັງອະນຸຍາດໃຫ້ມີຫລາຍພັກການເມືອງ ເພື່ອເຂົາຈະຍາດແຍ່ງອຳນາດກັນພັດທະນາ.