ກອງທຶນຫຼຸດຜ່ອນຄວາມທຸກຍາກໄລຍະທີ 2 (ທລຍ 2) 2011-2016 ໂດຍສືບຕໍ່ຜັນຂະຫຍາຍຜົນໄດ້ຮັບຈາກ ທລຍ 1 ຊຶ່ງໄດ້ຂະຫຍາຍໂຄງການອອກຕື່ມອີກ 4 ແຂວງຄື: ແຂວງຜົ້ງສາລີ, ອຸດົມໄຊ, ຫຼວງພະບາງ ແລະ ອັດຕະປື ລວມເປັນ 10 ແຂວງ, ເພີ່ມຂຶ້ນຈາກ 28 ເປັນ 40 ເມືອງ (ກວມ 23 ເມືອງທຸກຍາກ) ແລະ ມີ 274 ກຸ່ມບ້ານ. ໂດຍໄດ້ຮັບການສະໜັບສະໜູນຈາກຫຼາຍແຫຼ່ງທຶນ ໃນນັ້ນລັດຖະບານ ສປປ ລາວ ຊຶ່ງມີມູນຄ່າເພີ່ມຂຶ້ນເປັນ 68,3 ລ້ານໂດລາສະຫະລັດ ເພື່ອໃຫ້ສາມາດປະຕິບັດໜ້າວຽກໃນເຂດເປົ້າໝາຍຢ່າງຮອບດ້ານ ແລະ ມີປະສິດທິພາບສູງກວ່າເກົ່າ.
ສວ່ນໄລຍະທີໜຶ່ງແຕ່ປີ 2002-2008 ແລະ ໄລຍະສືບຕໍ່ໂຄງການ 2008-2011 ທລຍ ໄດ້ນຳໃຊ້ທຶນ 22,71 ລ້ານໂດລາສະຫະລັດ ສ້າງຄວາມເຂັ້ມແຂງໃຫ້ຊຸມຊົນໃນ 2.185 ບ້ານ ໃນການວາງແຜນ, ການບໍລິຫານຄຸ້ມຄອງ, ການຈັດຕັ້ງປະຕິບັດ ແລະ ບົວລະບັດຮັກສາ 3.179 ໂຄງການຍ່ອຍທີ່ເປັນການເພີ່ມການເຂົ້າເຖິງການບໍລິການ, ການສ້າງຄວາມສາມາດໃຫ້ແກ່ພາກລັດຂັ້ນທ້ອງຖິ່ນ ແລະ ການສ້າງໂອກາດໃນການປ່ຽນແປງຊີວິດການເປັນຢູ່ຂອງຊຸມຊົນ. ໃນນັ້ນມີຂົວ 56 ແຫ່ງ, ເສັ້ນທາງຫຼາຍກວ່າ 3.000 ກິໂລແມັດ, ຊົນລະປະທານ 156 ແຫ່ງ, ລະບົບນ້ຳສະອາດ 669 ແຫ່ງ, ສຸກສາລາ 65 ຫຼັງ ແລະ ໂຮງຮຽນ 616 ຫຼັງ. ນອກນີ້ຍັງສົ່ງເສີມການກຳນົດໃຫ້ມີວັງສະຫງວນ 254 ແຫ່ງ ແລະ ປ່າສະຫງວນຂອງຊຸມຊົນ 195 ແຫ່ງ.
ການດຳເນີນໂຄງການໄລຍະໜຶ່ງກວມ 7 ແຂວງຄື: ຫຼວງນ້ຳທາ 3 ເມືອງ 29 ກຸ່ມບ້ານ ແລະ 186 ບ້ານ, ແຂວງຫົວພັນ 7 ເມືອງ 86 ກຸ່ມບ້ານ 626 ບ້ານ, ແຂວງຊຽງຂວາງ 4 ເມືອງ 36 ກຸ່ມບ້ານ 320 ບ້ານ, ແຂວງສະຫວັນນະເຂດ 4 ເມືອງ 51 ກຸ່ມບ້ານ 327 ບ້ານ, ຈຳປາສັກ 5 ເມືອງ 34 ກຸ່ມບ້ານ, ສາລະວັນ 3 ເມືອງ 14 ກຸ່ມບ້ານ 147 ບ້ານ ແລະ ແຂວງເຊກອງ 2 ເມືອງ 19 ກຸ່ມບ້ານ 142 ບ້ານ.
ລັດຖະບານຝຣັ່ງ ໄດ້ເພີ່ມທຶນຊ່ວຍເຫຼືອການຈັດຕັ້ງປະຕິບັດ ວຽກງານຫຼຸດຜ່ອນຄວາມທຸກຍາກ ໃນເຂດເນີນສູງພາກເໜືອ ເພື່ອສະໜັບສະໜູນການປະຕິບັດວຽກງານອົງປະກອບໂຄງລ່າງພື້ນຖານຂະໜາດນ້ອຍ ແລະ ສະໜັບສະໜູນໂຄງການສົ່ງເສີມນິເວດກະສິກຳ ຈຳນວນ 4 ລ້ານເອີໂຣ ຫຼື ປະມານ 4 ຕື້ກວ່າກີບ ເຊິ່ງໂຄງການດັ່ງກ່າວ ແມ່ນໄດ້ຮັບການຈັດຕັ້ງປະຕິບັດແຕ່ປີ 2010-2014 ໃນມູນຄ່າເບື້ອງຕົ້ນ 10,8 ລ້ານເອີໂຣ ໂດຍການເພີ່ມທຶນຄັ້ງນີ້ ຈະມີໄລຍະການປະຕິບັດງານຮອດປີ 2016 ນີ້ ເຊິ່ງແຜນງານພັດທະນາເຂດເນີນສູງ ພາກເໜືອ ຖືເປັນແບບແຜນງານຄົບຊຸດໃນຂະແໜງກະສິກຳ ແລະ ການພັດທະນາຊົນນະບົດຂອງພັກ-ລັດຖະບານ ສປປ ລາວ ມີເປົ້າໝາຍສຳຄັນ ເພື່ອຍົກລະດັບຊີວິດການເປັນຢູ່ຂອງປະຊາຊົນບັນດາເຜົ່າ ກໍ່ຄືການເພີ່ມຜົນຜະລິດທາງດ້ານກະສິກຳໄດ້ປະສິດທິພາບ ແລະ ມີປະລິມານຕອບສະໜອງໄດ້ຕາມຄວາມຮຽກຮ້ອງຕ້ອງການຂອງສັງຄົມ ເປັນຕົ້ນແມ່ນວຽກງານການຜະລິດເປັນສິນຄ້າ ຂອງພໍ່ແມ່ປະຊາຊົນເຂດຊົນນະບົດທີ່ມີຄວາມຫຍຸ້ງຍາກ ດ້ານການຜະລິດດ້ານກະສິກຳ.
ຂໍສະແດງຄວາມຍິນດີນຳທຸກພາກສ່ວນທີ່ກ່ຽວຂ້ອງ.
ການສ້າງທາງ ສ້າງຂົວແມ່ນຊອ່ຍໃຫ້ປະຊາຊົນພົ້ນຈາກຄວາມທຸກຍາກ
ຂໍໃຫ້ ປຊຊ ທອ້ງຖິ່ນເປັນເຈົ້າການ ປົກປັກຮັກສາເອົາໄວ້ ບໍ່ໃຫ້ເປ່ເພ
ເພື່ອນຳໃຊ້ໃນວຽກງານການຄ້າຂາຍແລກປຽ່ນສິນຄ້າເອົາເງິນເຂົ້າຖົງໃຫ້ໄດ້ຫລາຍໆ
ຈຶ່ງຫລຸດຈາກຄວາມທຸກຍາກແທ້ຈິງ
ອັນສຳຄັນ ບໍ່ຕອ້ງອະນຸຍາດໃຫ້ລົດແກ່ໄມ້ ມາທຳໃຫ້ທາງເປ່ເພ
ເພາະນອກຈາກທ່ານເສັຍປ່າຫວງຫ້າມແລວ້ ຍັງເສັຍທາງ ແລະເສັຍຄວາມຈະເລີນກ້າວຫນ້າອີກ
ຕໍ່ໄປສາກົນສີບໍ່ຊອ່ຍອີກ ຍອ້ນເຮົາຫລຸດຈາກຄວາມທຸກຍາກແລວ້ເດ
wilcome to Thapangthong city of Savannakhat Province
35 km from road 13 s to city use time 2 h
Anonymous wrote:wilcome to Thapangthong city of Savannakhat Province35 km from road 13 s to city use time 2 h
laotians are too poor to understand that ... they look passively what happen around them for instance : an iron sheet come off from a roof of a school
a man saw it < nodded his head a go away...
