ໂຄງການກໍ່ສ້າງເສັ້ນທາງຫຼວງແຫ່ງຊາດ 6A-6B ຈະສຳເລັດພາຍໃນປີ 2017
ແຂວງຫົວພັນ ແລະ ບໍລິສັດຜູ້ຮັບເໝົາກໍ່ສ້າງ ໄດ້ຮ່ວມລົງນາມສັນຍາກໍ່ສ້າງໂຄງການປັບປຸງທາງຫຼວງແຫ່ງຊາດ 2 ໂຄງການຄື: ເສັ້ນທາງເລກ 6A ແລະ 6B
ໃນວັນທີ 23 ເດືອນກຸມພາ 2014 ນີ້ ແລະ ຈະເລີ່ມລົງມືພາຍຫຼັງທີ່ໄດ້ເຊັນສັນຍາເປັນຕົ້ນໄປ.
ໂຄງການປັບປຸງເສັ້ນທາງເລກ 6A ແມ່ນເລີ່ມຈາກ 3 ແຍກບ້ານຫ້າງລ້ອງ ເມືອງວຽງໄຊ ໄປເຖິງເທສະບານເມືອງສົບເບົາ ມີຄວາມຍາວທັງໝົດ 60,2 ກິໂລແມັດ ປະກອບມີຂົວເບຕົງເສີມເຫຼັກ 4 ແຫ່ງ ມີຄວາມຍາວທັງໝົດ 117,4 ແມັດ ໂດຍແມ່ນບໍລິສັດ ລັດວິສາຫະກິດກໍ່ສ້າງຂົວທາງເລກ 8 ຮ່ວມກັບບໍລິສັດ ຊີອີໄອ (CEI) 18 ສສ.ຫວຽດນາມ ເປັນຜູ້ຮັບເໝົາ ມີກຳນົດການຈັດຕັ້ງປະຕິບັດ 36 ເດືອນ ຄາດວ່າຈະສຳເລັດໃນທ້າຍປີ 2017
ສ່ວນໂຄງການປັບປຸງເສັ້ນທາງເລກ 6B ເລີ່ມແຕ່ເທສະບານເມືອງສົບເບົາ ເຖິງບ້ານປ່າຮ່າງ ຕິດກັບຊາຍແດນຫວຽດນາມ ມີຄວາມຍາວທັງໝົດ 26,1 ກິໂລແມັດ ມີຂົວເບຕົງເສີມເຫຼັກ 2 ແຫ່ງ ແລະ ຂົວຂ້າມນ້ຳມ່າ 1 ແຫ່ງ ເປັນຂົວປະສົມ ມີຄວາມຍາວທັງໝົດ 263 ແມັດ ໂດຍແມ່ນບໍລິສັດຊົງເມ ສປ ຈີນ ເປັນຜູ້ຮັບເໝົາ ຊຶ່ງຈະໃຊ້ເວລາກໍ່ສ້າງ 24 ເດືອນ ຄາດວ່າຈະໃຫ້ສຳເລັດໃນທ້າຍປີ 2016
ທັງສອງໂຄງການນີ້ ແມ່ນບໍລິສັດ ອິນສານ ຮ່ວມກັບບໍລິສັດ ແອວເຕັກ ເປັນຜູ້ຮັບຜິດຊອບທາງດ້ານເຕັກນິກ ແລະ ໄດ້ນຳໃຊ້ທຶນກໍ່ສ້າງທັງໝົດ 42,3 ລ້ານໂດລາສະຫະລັດ
ໃນນັ້ນ ທຶນຊ່ວຍເຫຼືອລ້າຈາກທະນາຄານພັດທະນາອາຊີ 20 ລ້ານໂດລາສະຫະລັດ ທຶນກູ້ຢືມຈາກກຸ່ມປະເທດສົ່ງອອກນ້ຳມັນ 12 ລ້ານໂດລາສະຫະລັດ ແລະ ທຶນສົມທົບຂອງລັດຖະບານ ສປປ ລາວ 10,3 ລ້ານໂດລາສະຫະລັດ ນອກຈາກນັ້ນຍັງມີ ເງິນແຮຈາກກອງທຶນປັບປຸງເສັ້ນທາງຫຼວງແຫ່ງຊາດ ສອງເສັ້ນດັ່ງກ່າວ 23,9 ລ້ານໂດລາສະຫະລັດ.
ຮ່ວມລົງນາມບົດບັນທຶກສັນຍາກໍ່ສ້າງແມ່ນທ່ານ ສຸກສາຄອນ ສຸຕັນນຸວົງ ຫົວໜ້າໂຄງການທາງເລກ 6A ທ່ານ ດາວອນ ວົງລໍຄຳ ຫົວໜ້າໂຄງການທາງເລກ 6B ໃນນາມເຈົ້າຂອງໂຄງການ ແລະ ຜູ້ຕາງໜ້າສອງບໍລິສັດຮັບເໝົາກໍ່ສ້າງ ໂດຍມີທ່ານ ສຈ.ດຣ. ພັນດວງຈິດ ວົງສາ ປະທານສູນກາງແນວລາວສ້າງຊາດ ທ່ານ ຄຳຮຸ່ງ ເຮືອງວົງສີ ເຈົ້າແຂວງຫົວພັນ ພ້ອມດ້ວຍແຂກຖືກເຊີນ ແລະ ວິຊາການທັງສອງຝ່ານເຂົ້າຮ່ວມເປັນສັກຂີພິຍານ.
ເປັນຫນ້າສົນໃຈວ່າ ທຶນ 42,3 ລ້ານໂດລານັ້ນ ສ້າງທາງໄດ້ກວ່າ 80 ກິໂລແມດ ໃນນັ້ນ ມີທັງຂົວກວ່າ 7 ແຫ່ງ
ໄລ່ສະເລັ່ຍແລວ້ ລາຄາກໍປະມານ 5ແສນ ໂດລາຕໍ່ ກິໂລແມດ ຖ້າຈະໄລ່ລາຄາຂົວອອກ ກໍຄົງບໍ່ເກີນ 3 ແສນຕໍ່ ກິໂລແມດ
ນອກຈາກໂຄງການດັ່ງກ່າວແລວ້ ຍັງມີໂຄງການລະດັບສາກົນ ຫລາຍໂຄງການ ເຊັ່ນທາງເລກ 9 ເສັ້ນທາງ ເອດີບີ ທີ່ສະແດງໃຫ້ເຫັນວ່າ ລາຄາກໍ່ສ້າງນັ້ນແມ່ນຢູ່ນມາດຖານສາກົນ ແລະຄຸນນະພາບກໍສາກົນແທ້
ແລວ້ຢາກຖາມວ່າ ເປັນຫຍັງ ການສ້າງທາງ ບາງບອ່ນໂດຍໃຊ້ທຶນຂອງລັດ ຫລື ເອກະຊົນອອກທຶນກອ່ນນັ້ນ ມັນຫລຸດໂຕນກັນປານຟ້າກັບດິນ
ນອກຈາກເວົ້າເອົາລາຄາແພງແລ້ວຄຸນນະພາບກໍຫວ່ຍນຳອີກ
ມັນແມ່ນການສໍ້ລາດບັງຫລວງ ຫລືການທຳໃຫ້ສັງຄົມຕອ້ງຫຍໍ້ທໍ້ກັນແທ້
ທ່ານເຮີ່ຍ ຖ້າເປັນໂຄງການສາກົນເຂົາໃຫ້ເງີນແມ່ນຕ້ອງເປັນໄປຕາມລະບຽບ
ຫລັກການທຸກປະການ, ຕ້ອງປະຕິບັດຕາມເງື່ອນໄຂ ຂໍ້ກຳນົດຂອງເຂົາອີກ
ຍັງບໍ່ເທົ່ານັ້ນ ເຂົາຍັງຈ້າງຊ່ຽວຊານຂອງເຂົາມາຕິດຕາມກວດກາອີກ, ມີຜູ້ຕາງ
ໜ້າຂອງເຂົານັ່ງເບີ່ງສະພາບຢູ່ວຽງຈັນນີ້ອີກ. ຖ້າເຈົ້າເຮັດມົ່ວ ເຂົາກໍ່ບໍ່ໃຫ້ການ
ຊ່ວຍເຫລືອ
