ຄະນະໂຄສະນາອົບຮົມສູນ ກາງພັກໄດ້ຈັດກອງປະຊຸມສຳມະນາວິທະຍາສາດກ່ຽວກັບເນື້ອໃນປຶ້ມ “ປະທານ ຄໍາໄຕ ສີພັນດອນ ການອຸທິດຕົນເພື່ອປະເທດຊາດ-ເພື່ອປະຊາຊົນ” ຂຶ້ນໃນວັນທີ 13 ກຸມພານີ້ທີ່ຫ້ອງວ່າການສູນກາງພັກພາຍໃຕ້ການເປັນປະທານຂອງ ທ່ານ ເຈືອງ ສົມບູນຂັນ ເລ ຂາທິການສູນກາງພັກ, ຫົວຫນ້າຄະນະໂຄສະນາອົບຮົມສູນກາງພັກ, ມີພະນັກງານອາວຸໂສ, ກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ ແລະ ພາກສ່ວນກ່ຽວຂ້ອງເຂົ້າຮ່ວມຈຸດປະສົງ ເພື່ອສ້າງເປັນປຶ້ມອະນຸສອນທີ່ສະແດງໃຫ້ເຫັນເຖິງການເຄື່ອນໄຫວ ແລະ ຜົນງານຂອງປະທານ ຄໍາໄຕ ທີ່ໄດ້ອຸທິດເຫື່ອແຮງ ແລະ ສະຕິປັນຍາເພື່ອປະເທດຊາດ ເຊິ່ງທຸກພາກສ່ວນທີ່ເຂົ້າຮ່ວມໄດ້ສຸມຄວາມຄິດເຫັນໃສ່ເນື້ອ ໃນສໍາຄັນຂອງປຶ້ມໃຫ້ມີຄວາມຊັດເຈນ ແລະ ມີເນື້ອໃນຫນັກແຫນ້ນຍິ່ງຂຶ້ນ.
ໂອກາດນີ້ ທ່ານ ເຈືອງ ສົມບູນຂັນ ໄດ້ກ່າວວ່າ: ເພື່ອເຮັດໃຫ້ປະຊາຊົນລາວໄດ້ຮັບຮູ້ກ່ຽວກັບການເຄື່ອນໄຫວ ຂອງປະທານຄໍາໄຕໃນການຕໍ່ສູ້ເພື່ອຊາດ ແລະ ຄວາມເປັນມາຂອງປຶ້ມ ເຊິ່ງຄະນະໂຄສະນາອົບຮົມສູນກາງພັກຢາກສ້າງປຶ້ມເປັນອະນຸສອນດ້ວຍ ການໃຫ້ຫລາຍໆຄົນທີ່ເຄີຍໄດ້ຢູ່ ແລະ ໄດ້ເຮັດວຽກໃກ້ຊິດກັບປະທານ ຄໍາໄຕ ສີພັນດອນ ຂຽນບົດ ຊົງຈຳຂອງຕົນເອງກ່ຽວກັບເພິ່ນ ເຊິ່ງຄະນະໂຄສະນາຈະເປັນຜູ້ສັງລວມ ແລະ ພິມອອກເປັນປຶ້ມ ໂດຍໄດ້ເຊີນຊ່ຽວຊານຫວຽດນາມຈໍານວນຫນຶ່ງມາຂຽນຊ່ວຍສ່ວນຝ່າຍລາວກໍ່ ໄດ້ແຕ່ງຕັ້ງຄະນະຫນຶ່ງຂຶ້ນ ເພື່ອສົມທົບກັບຝ່າຍຫວຽດນາມ ຂຽນປຶ້ມດັ່ງກ່າວຜ່ານການປະສານສົມທົບເຮັດນໍາກັນສາມາດຂຽນຮ່າງ ສະບັບທໍາອິດສໍາເລັດ ແລະ ໄດ້ມີການປັບປຸງມາແລ້ວທັງຫມົດ 3 ສະບັບ.
ສໍາລັບເນື້ອໃນສຳຄັນຂອງປຶ້ມ “ປະທານ ຄໍາໄຕ ສີພັນດອນ ການອຸທິດຕົນ ເພື່ອປະເທດຊາດ-ເພື່ອປະຊາຊົນ” ທີ່ຈະເນັ້ນຫນັກມີຄວາມເຫັນເພີ່ມເຕີມທັງຫມົດ 7 ຂໍ້ທີ່ສະທ້ອນໃຫ້ເຫັນເຖິງຄຸນທາດການເມືອງ ແລະ ການເຄື່ອນໄຫວທີ່ສໍາຄັນຂອງປະທານຄໍາໄຕຄື: 1. ການເວົ້າເຖິງຄວາມຕື່ນຕົວຮັກຊາດແຕ່ຍັງຫນຸ່ມ ແລະ ການຕັດສິນໃຈເຂົ້າຮ່ວມການປະຕິວັດບົນພື້ນຖານການກໍາແຫນ້ນ ສະພາບການຜັນແປທີ່ເກີດຂຶ້ນຢູ່ໃນພາກພື້ນ ແລະ ໃນໂລກກໍ່ຄືທ່າຂະຫຍາຍຕົວການຕໍ່ສູ້ ຂອງກຳລັງທີ່ຮັກຊາດກ້າວຫນ້າ ແລະ ເປັນທຳຢູ່ໃນປະເທດລາວເຮົາ, ການມີຄວາມເຊື່ອຫມັ້ນເລິກເຊິ່ງຕໍ່ປະຊາຊົນ, ມີທັດສະນະມະຫາຊົນອັນກວ້າງຂວາງ ແລະ ເວລາໃດກໍ່ເຄື່ອນໄຫວຕິດແທດກັບຮາກຖານປະຊາຊົນອີງໃສ່ກຳລັງມະ ຫາຊົນຕໍ່ສູ້ເພື່ອໄຊຊະນະ ແລະ ການອຸທິດຕົນຢ່າງບໍ່ມີຂອບເຂດເພື່ອປະເທດຊາດ ເພື່ອປະຊາຊົນ ແລະ ຈັດຕັ້ງປະຕິບັດແນວທາງ ແລະ ອຸດົມການຂອງພັກໃຫ້ເປັນຈິງ; 2. ສະທ້ອນໃຫ້ເຫັນເຖິງຄວາມເປັນເຈົ້າການໃນການລິເລີ່ມ ແລະ ຄວາມກ້າຫານເຂົ້າໄປກໍ່ສ້າງຮາກຖານການເມືອງ, ສ້າງຖານທີ່ຫມັ້ນປະຕິວັດຢູ່ເຂດ ແນວຫລັງຂອງສັດຕູ, ຄວາມຊໍານິຊໍານານໃນການເຄື່ອນໄຫວປິດລັບ ແລະ ຄວາມມີໄຫວພິບໃນການຊີ້ນຳບັນຊາຕົວຈິງເປັນຕົ້ນແມ່ນການບັນຊາ ສາມຂາໃນສະໄຫມຕໍ່ຕ້ານ (ບັນຊາການຈັດຕັ້ງແນວລາວອິດສະຫລະ, ບັນຊາກອງທະຫານ ແລະ ບັນຊາການປົກຄອງ); 3. ການລົງເລິກກໍາແຫນ້ນສະພາບການທັງມີການສະລຸ້ງໄວເຫັນການໄກ ແລະ ມີຄວາມຄ່ອງແຄ້ວໃນການແກ້ໄຂບັນຫາສະເພາະຫນ້າໄດ້ຢ່າງທັນການ ເພື່ອບັນລຸເປົ້າຫມາຍຍຸດທະສາດ ເຊິ່ງສະແດງອອກໃນການຊີ້ນຳບັນຊາການຕໍ່ສູ້ ແລະ ການນໍາເອົາກໍາລັງຂອງຝ່າຍປະເທດລາວເຂົ້ານະຄອນຫລວງວຽງຈັນ, ການປຸກລະດົມຂະບວນການຕໍ່ສູ້ທາງການເມືອງຂອງປະຊາຊົນ ແລະ ການຂົນຂວາຍຊຸກຍູ້ໃຫ້ເກີດການຜັນແຍກຢູ່ພາຍໃນຂອງກໍາລັງຝ່າຍ ກົງກັນຂ້າມຕິດພັນກັບການໃຊ້ກໍາລັງທະຫານກົດຫນີບ ເພື່ອສ້າງທ່າໄດ້ປຽບໃຫ້ແກ່ຝ່າຍປະເທດລາວຕະຫລອດຮອດການປົດອາວຸດ ກໍາລັງຝ່າຍກົງກັນຂ້າມດ້ວຍໄຫວພິບອັນຄົມແຫລມແນບນຽນ ເຊິ່ງໄດ້ສ້າງເງື່ອນໄຂອໍານວຍໃຫ້ແກ່ການຢຶດອໍານາດ ໂດຍບໍ່ເສຍເລືອດເນື້ອ.
ສ່ວນຂໍ້ທີ 4 ແມ່ນການມີບົດບາດອັນ ສໍາຄັນໄດ້ມີຄວາມສາມາດຊີ້ນໍາບັນຊາການຈັດຕັ້ງປະຕິບັດສອງ ຫນ້າທີ່ຍຸດທະສາດ ໂດຍສະເພາະແມ່ນການປົກປັກຮັກສາລະບອບໃຫມ່ຈາກການມ້າງເພທໍາລາຍ ແລະ ການກໍ່ກະບົດໂຄ້ນລົ້ມລວມທັງການຕອບຕ້ານຢ່າງມີໄຊຈາກການຮຸກຮານ ແລະ ບຽດຢຶດເອົາດິນແດນດ້ວຍອິດທິກໍາລັງປໍລະປັກ; 5. ການປະກອບສ່ວນຢ່າງເປັນເຈົ້າການຮ່ວມກັບ ທ່ານປະທານ ໄກສອນ ພົມວິຫານ ໃນການນໍາພາລິເລີ່ມການປ່ຽນແປງໃຫມ່, ການມີຄວາມກ້າຫານເປັນເຈົ້າການ ແລະ ການມີວິໄສທັດອັນກວ້າງໄກໃນການລິເລີ່ມສ້າງແຜນຍຸດທະສາດຮອດປີ 2020 ແລະ ການຟື້ນຟູແຜນເສດຖະກິດ-ສັງຄົມ 5 ປີເພື່ອກໍານົດທິດ ແລະ ປະສົມປະສານແຜນການກັບຕະຫລາດ ແລະ ຂໍ້ທີ 6 ການສະຫລຸບຖອດຖອນ ບົດຮຽນ 10 ປີປ່ຽນແປງໃຫມ່ ແລະ ການປັບປຸງບູລະນະແນວທາງໃຫ້ມີຄວາມສົມບູນຍິ່ງຂຶ້ນ ລວມທັງການຊີ້ນໍາໃຫ້ອອກມະຕິ ຂອງສູນກາງ ແລະ ຂອງກົມການເມືອງ ເພື່ອຜັນຂະຫຍາຍແນວທາງໃຫ້ເປັນອັນລະອຽດ ແລະ ບັນລຸຜົນເປັນຈິງ ໃນນັ້ນ ລວມມີມະຕິກ່ຽວກັບການກໍ່ສ້າງຮາກຖານການເມືອງພັດທະນາ ຊົນນະບົດຮອບດ້ານ, ການພັດທະນາຊັບພະຍາກອນມະນຸດກ່ຽວກັບວັດທະນະທໍາໄລຍະໃຫມ່, ການຫັນເປັນອຸດສາຫະກໍາທັນສະໄຫມ ແລະ ອື່ນໆອີກ.
ສໍາລັບຂໍ້ສຸດທ້າຍຂໍ້ທີ 7 ແມ່ນການສະເຫນີອອກພັກຜ່ອນດ້ວຍຄວາມເປັນເຈົ້າການ ເພື່ອຮັບປະກັນການສືບທອດອັນຫນັກແຫນ້ນ ແລະ ສ້າງພັກໃຫ້ເຕີມໃຫຍ່ເຂັ້ມແຂງ, ສືບຕໍ່ອຸທິດຕົນ ເພື່ອຈັດຕັ້ງປະຕິບັດແນວທາງຂອງພັກໃຫ້ເປັນຈິງ ເຊິ່ງທັງຫມົດແມ່ນການສັງລວມເນື້ອໃນໆປຶ້ມ ສະນັ້ນ ເພື່ອເຮັດໃຫ້ມີເນື້ອໃນຊັດເຈນ ແລະ ຫນັກແຫນ້ນຂຶ້ນກວ່າເກົ່າຈິ່ງໃຫ້ບັນດາທ່ານຜູ້ເຂົ້າຮ່ວມໄດ້ມີ ຄວາມເຫັນເພີ່ມເຕີມ ເພື່ອເຮັດໃຫ້ປຶ້ມ “ປະທານຄໍາໄຕ ສີພັນດອນການອຸທິດຕົນເພື່ອປະເທດຊາດ-ເພື່ອປະຊາຊົນ” ມີເນື້ອໃນຫນັກແຫນ້ນສົມບູນຂຶ້ນ.
ແນວໃດກໍ່ດີ ພາຍຫລັງການສໍາມະນາຈະມີການປັບປຸງຕື່ມອີກຕາມຄວາມເຫັນຂອງປະທານ ຄໍາໄຕ ໂດຍຈະສັງລວມເອົາຄວາມເຫັນຂອງບັນດາທ່ານທີ່ມາຮ່ວມສໍາມະນາ, ພ້ອມນໍາໄປຜ່ານຄະນະກົມການເມືອງ ແລະ ຄະນະເລຂາກົມການເມືອງກ່ອນຈະນໍາເຂົ້າຕີພິມໃນເດືອນມີນາປີ 2014 ຕາມຄາດຫມາຍ.
ຕ້ອງໄປເກັບກຳຈາກຫຼາຍແຫຼ່ງບໍ່ວ່າຈາກລາວໃນກໍ່ຄືລາວນອກເພາະສິ່ງທີ່ປະຊາຊົນ
ບອກເລົ່ານັ້ນຈະເປັນຄວາມຈິງຫຼາຍກວ່າການຂຽນຂອງເພິ່ນທີ່ອອກມານັ້ນ.
ເພາະເວົ້າແຕ່ແນວດີ.ຄົນໃນລຸ່ມຟ້ານີ້ຈະບໍ່ມີແຕ່ດີລ້ວນ.ຖ້າມີແຕ່ດີລ້ວນກໍ່ຄື
ການເສກສັນເລື່ອງຂີ້ຕົວະ ແບບເຮັດນໍ້າເປັນນໍ້າແຂງຫຼອດ.
ຂຽນປື້ມປະຫັວດຜູ້ນຳຕົນເອງ ເປັນຫັຍງຕ້ອງເອົາ ຫວຽດນາມມາຂຽນຊ່ວຍ ເຮັດເປັນ 2 ພາສາ ລາວ-ຫວຽດ ຫລືວ່າຈັ່ງໃດ?
ການຂີດຂຽນ ຊີວະປະວັດ ຍາລູງຄໍາໄຕ ອາດບໍ່ ບໍຣິບູນ ເປັນໝ້າອ່ານປານໃດ ຫາກ ປາສຈາກ ຂໍ້ (8) .
(8). ພໍ່ເຖົ້າຄ້າຍ ຄຸ້ມ ສາງນໍ້າມັນ ເມືອງປາກເຊ ຜູ້ເປັນ ມູ່ ໄກ້ຊິດ ທ່ານຄໍາໄຕ ຜູ້ເຄີຍໄປລົມລູກສາວເຈົ້າແຂວງຊົງນໍາກັນສໄໝນັ້ນ ໃຫ້ການວ່າ
" ແລງວັນສຸກ ວັນເສົາມາ ໝໍຄໍາໄຕ ຊວນຫຼິ້ນແຕ່ ໄພ້ ສະຕົບ. ຜູ້ກ່ຽວແມ່ນມັກ ໄພ້ສະຕົບຫລາຍ. ມີ ຄືນຫຶ່ນງ ຜູ້ກ່ຽວ
ເສັຽ ຫລາຍ ຈົນໃດ້ ຕິດໝີ້ ຂາໄພ້ສະຕົບນໍາກັນ ແຕ່ບັງເງິນ ຄືນນັ້ນ ເດີກສົມຄວນ ຂພຈ ກັບມາ ແຕ່ ລົມສາວ ຢູ່ຄຸ້ມ ໂພນສະອາດ ເລີຍ
ມາແວ໋ະ ໂຮງບອນ. ນາຍຄໍາໄຕເສັຽຫລາຍເຮັດໝ້າຈໍ່າປົ່ນຢູ່ ບໍ່ມີເງິນຈ່າຍເລີຍ ໃດ້ ລັ່ນປາກ ຂໍ ຢືມ ເງິນ ຂພຈ 860 Kip ບອກວ່າ ທ້າຍເດືອນນີ້ຈະ
ມາເສັ້ງໃຫ້ຄືນ." ເດືອນ ຕໍ່ມາ ທ່ານຄໍາໄຕ ໃດ້ ຫອບເງິນຫລວງ ໄປສະນີ ໂຕນ ໂດດຈ້ອງຂ້າມ ຝັ່ງໄທຍ ຈົນມາຮອດປັຈຸບັນນີ້ ພໍ່ເຖົ້າຄ້າຍຍັງບໍ່ໃດ້ເງີນ
ຄືນຈາກສະຫາຍເກີ ຄໍາໄຕ ເລີຍ.
ຂໍ້
ມູນນີ້ສົມຄວນ ຕື່ມໄສ່ໃນໃບ ຊີວະປະວັດເພີ່ນ.
Anonymous wrote: ການຂີດຂຽນ ຊີວະປະວັດ ຍາລູງຄໍາໄຕ ອາດບໍ່ ບໍຣິບູນ ເປັນໝ້າອ່ານປານໃດ ຫາກ ປາສຈາກ ຂໍ້ (8) . (8). ພໍ່ເຖົ້າຄ້າຍ ຄຸ້ມ ສາງນໍ້າມັນ ເມືອງປາກເຊ ຜູ້ເປັນ ມູ່ ໄກ້ຊິດ ທ່ານຄໍາໄຕ ຜູ້ເຄີຍໄປລົມລູກສາວເຈົ້າແຂວງຊົງນໍາກັນສໄໝນັ້ນ ໃຫ້ການວ່າ " ແລງວັນສຸກ ວັນເສົາມາ ໝໍຄໍາໄຕ ຊວນຫຼິ້ນແຕ່ ໄພ້ ສະຕົບ. ຜູ້ກ່ຽວແມ່ນມັກ ໄພ້ສະຕົບຫລາຍ. ມີ ຄືນຫຶ່ນງ ຜູ້ກ່ຽວ ເສັຽ ຫລາຍ ຈົນໃດ້ ຕິດໝີ້ ຂາໄພ້ສະຕົບນໍາກັນ ແຕ່ບັງເງິນ ຄືນນັ້ນ ເດີກສົມຄວນ ຂພຈ ກັບມາ ແຕ່ ລົມສາວ ຢູ່ຄຸ້ມ ໂພນສະອາດ ເລີຍ ມາແວ໋ະ ໂຮງບອນ. ນາຍຄໍາໄຕເສັຽຫລາຍເຮັດໝ້າຈໍ່າປົ່ນຢູ່ ບໍ່ມີເງິນຈ່າຍເລີຍ ໃດ້ ລັ່ນປາກ ຂໍ ຢືມ ເງິນ ຂພຈ 860 Kip ບອກວ່າ ທ້າຍເດືອນນີ້ຈະ ມາເສັ້ງໃຫ້ຄືນ." ເດືອນ ຕໍ່ມາ ທ່ານຄໍາໄຕ ໃດ້ ຫອບເງິນຫລວງ ໄປສະນີ ໂຕນ ໂດດຈ້ອງຂ້າມ ຝັ່ງໄທຍ ຈົນມາຮອດປັຈຸບັນນີ້ ພໍ່ເຖົ້າຄ້າຍຍັງບໍ່ໃດ້ເງີນ ຄືນຈາກສະຫາຍເກີ ຄໍາໄຕ ເລີຍ. ຂໍ້ ມູນນີ້ສົມຄວນ ຕື່ມໄສ່ໃນໃບ ຊີວະປະວັດເພີ່ນ.
ແມ່ນແລ້ວຄວນເອົາໂຕນີ້ຕື່ມໃສ່ເພື່ອຄວາມສົມບູນຂອງປະຫວັດຕາມການບອກເລົ່າຂອງປະຊາຊົນ
ຜູ້ຢູ່ໃນເຫດການ.ບໍ່ດັ່ງນັ້ນກະບໍ່ຕ່າງຫັຽງກັບປະຫວັດຍ້ອມແມວຂາຍ.
ມະນຸສ ຈະຕ້ອງຮັບຜິດຊອບ (Moral responsibility) ການກະທໍາຂອງຕົນເອງ. ໃຜເຮັດຫັຍງຢູ່ໃສ
ບໍ່ມີໃຜຈະອົມຄວນໄຟໄວ້ໃດ້.
ຜູ້ນໍາຈະຕ້ອງ ສາມາດພິສູດໃຫ້ ປຊຊ ໃນຊາດໃດ້ເຫັນເຖີງຄວາມດີ ຄວາມບໍຣິສຸດຂອງຕົນເອງ.
ນີ້ຄືຄວາມໂປ່ງໃສ ຄວາມສະງ່າງາມ ຂອງ ຜູ້ນໍາທີ່ມີສິນທັມ ພາຍໄຕ້ ກົດໝາຍ Freedom of Information Act ບໍ່ແມ່ນຈະມາຂຽນຍ້ອມແຫ ຂຽນໃຫ້ໂຕເອງຖືກ ແລະ ຂຽນ ຊອຍ-ຫອມ-ໄສ່-ປາກ.
ສິນທັມຄໍ້າຈູນໂລກ.
ຜູ່ນຳຕອ້ງໃຫ້ຄົນອື່ນ ຕ່າງຊາດຍອມຮັບຄວາມສາມາດ ບໍແມ່ນຍົກຍອ້ງຕົນເອງ.
Anonymous wrote:ຂຽນປື້ມປະຫັວດຜູ້ນຳຕົນເອງ ເປັນຫັຍງຕ້ອງເອົາ ຫວຽດນາມມາຂຽນຊ່ວຍ ເຮັດເປັນ 2 ພາສາ ລາວ-ຫວຽດ ຫລືວ່າຈັ່ງໃດ?
อีกหน่อยภาษาเวียตนามจะเป็นภาษาราชการของประเทศหล่อน
