ຮັກໃດປະກອບດ້ວຍ ສີ່ສ່ວນຄວນສະໜອງ ຮັກຕາມຄອງທາງພຸດ ບໍລິສຸດກະເສີມແທ້ ຮັກບໍ່ແວວົນເຂົ້າ ອະບາຍພູມຈົມຈຸ່ມ ຕາມພູມທໍາທີ່ຖືກຕ້ອງ ຮັກຍືນໝັ້ນຊົ່ວນິລັນ ຮັກນັ້ນປະກອບດ້ວຍ ເມດຕາເຈດໃຈຕິດ ຫວັງຢາກໃຫ້ເຂົາເປັນສຸກ ທຸກຍາມເລີງເລື້ອຍ ກະລຸນາພຽງພ້ອມ ປາຖະໜາທຸກເມື່ອ ຄວາມທຸກໃນໂລກລ້ວນ ຢ່າມາໃກ້ຕົນເຂົາ ມຸທິຕາບວກເຂົ້າ ສ້າງໃຈຊື່ນຍິນດີ ຈິດໄມຕີເກື້ອກູນ ສົ່ງເສີມໃຫ້ພຽງພ້ອມ ວາງຈິດໃຈຕົນນ້ອມ ບັນຈົງລົງປົງເຫດ ທໍາດວງຈິດໃຫ້ພ້ຽງ ສະເໝີໄວ້ເປັນກາງ ຄັນວ່າຮັກແບບນີ້ ຖືປັນຍອດມຸງຄຸນ ຮັກເພີ່ມພູນບໍມີວາຍ ເຊີດຊູໃຫ້ສຸກໄດ້ ຮັກດທົ່າໃດບໍ່ມີຮ້າງ ການເວລາບໍ່ພາຫ່າງ ຮັກຕາມທາງພຸດທະເຈົ້າ ບໍ່ມີເສົ້າເສື່ອມສະຫຼາຍ ຮັກໃດປະກອບດ້ວຍ ພື້ນກິເລດຕັນຫາ ຮັກນັ້ນພາໝົ່ນໝອງ ບໍ່ຢູ່ທົນດົນໄດ້ ຮັກບໍໃສສະເໝີແກ້ວ ມີວັນຈາງຈົນຈືດ ຮັກນັ້ນພາໃຫ້ເສົ້າ ສູນສິ້ນກຽດຄົນ ຮັກແບບນັ້ນປະກອບດ້ວຍ ຄວາມໂລບເປັນຫຼັກ ມີຄວາມຢາກໄດ້ພາໃຫ້ຮັກ ສ້າງແຕ່ຄຸນທຽມໂທດ ຄວາມໂກທາສາໂຫດ ກໍຮ້ອນຮົນກັບກາຍເກີດ ຄວາມຫຼົງກໍກັບມາແລ່ນເຂົ້າ ຄວາມຮັກເສົ້າຢູ່ກະມົນ ຄວາມຮັກນັ້ນບໍ່ລອດພົ້ນ ຕົກລົງວ່າງທາງຈົນອັບ ກາຍເປັນຮັກອາພັບ ຈົນບໍ່ມີທາງແກ້ ຈິດໃຈແຖລົງພື້ນ ຈົນຕາມົວມືດບອດ ມອງບໍເຫັນບ່ອນກ້າວ ເພາະຮັກນັ່ນບໍ່ຖືກທາງ ວັນທີສິບສີ່ກຸມພາປະກາດອ້າງ ວ່າວັນແຫ່ງຄວາມຮັກ ຟັງຊື່ວັນກໍຮູ້ຈັກ ໃຄ່ນິຍົມຊົມເຊີຍແທ້ ຫາກການກະທໍາເປັນທາງແທ້ ເຈຕະນາດີມີອັນຊອບ ປະກອບບຸນໜູນສັກສີຢ່າງຖືກຕ້ອງ ວັນນີ້ປະເສີດຫຼາຍ ຫາກວັນນີ້ປະກາດປ້າຍ ຂຽນຊື່ພຽງວ່າຮັກ ການກະທໍາຫັນເຫຫັກ ເຈຕະນາບໍ່ຈະແຈ້ງ ຖະແຫຼງພຽງຄໍາອ້າງ ໃຫ້ຊວນໃຈໃສຊື່ນ ມີສິ່ງອໍາເສື່ອງສົ້ນ ບໍ່ດົນຊໍ້າເພາະຮັກວັນ ວັນແຫ່ງຄວາມຮັກຜູກໝັ້ນ ພາກັນກໍ່ກໍາດີ ດ້ວຍສັກສີຂອງຄົນ ກໍຢູ່ດົນນານໄດ້ ຮັກຍ່ອມໃສຈະເລີນດ້ວຍ ຫາກຖືວັນອັນຄວນຊອບ ຮັກຢູ່ໃນໂລກນີ້ ມີທຸກມື້ຖືໄວ້ໃຫ້ຖືກຄອງ ທ່ານເອີຍ
ຂໍນ້ອມນະມັສການອາຈານສາຍເຊລຳເພົາ, ຂອບໃຈຫຼາຍສຳລັບຄຳກອນມ່ວນໆແລະມີຄວາມໝາຍ.
ບໍ່ເຫັນອາຈານເຂົ້້າມາຢ້ຽມຢາມເວັບພາສາລາວດົນແລ້ວ, ຫຍຸ້ງກັບການສຶກສາທັມບໍຂ້ານ້ອຍ ຫຼື
ມີບັນຫາເລື່ອງອິນເຕີເນັດ ຫຼືຍ້ອນສາເຫດຫຍັງ?
ຖ້າມີເວລາວ່າງ ກໍ່ເຂົ້າມາຢຽມຢາມແດ່ເພາະມີສະມາຊິກຫຼາຍຄົນຕ້ອງການຄວາມຊ່ອຍເຫຼືອຈາກ
ອາຈານຜູ່ໄດ້ບວດຮ້າຍຂຽນອ່ານໃນຫຼາຍໆດ້ານ ໂດຍສະເພາະແມ່ນດ້ານຮີດຄອງປະເພນີແລະວັດ
ທະນະທັມອັນດີງາມຂອງຊາດລາວເຮົາ.
Anonymous wrote:ຂໍນ້ອມນະມັສການອາຈານສາຍເຊລຳເພົາ, ຂອບໃຈຫຼາຍສຳລັບຄຳກອນມ່ວນໆແລະມີຄວາມໝາຍ.ບໍ່ເຫັນອາຈານເຂົ້້າມາຢ້ຽມຢາມເວັບພາສາລາວດົນແລ້ວ, ຫຍຸ້ງກັບການສຶກສາທັມບໍຂ້ານ້ອຍ ຫຼືມີບັນຫາເລື່ອງອິນເຕີເນັດ ຫຼືຍ້ອນສາເຫດຫຍັງ?ຖ້າມີເວລາວ່າງ ກໍ່ເຂົ້າມາຢຽມຢາມແດ່ເພາະມີສະມາຊິກຫຼາຍຄົນຕ້ອງການຄວາມຊ່ອຍເຫຼືອຈາກອາຈານຜູ່ໄດ້ບວດຮ້າຍຂຽນອ່ານໃນຫຼາຍໆດ້ານ ໂດຍສະເພາະແມ່ນດ້ານຮີດຄອງປະເພນີແລະວັດທະນະທັມອັນດີງາມຂອງຊາດລາວເຮົາ.
ຄາວຽກຄັກໆໆ ຂອບໃຈທີ່ຖາມຂ່າວ
