Pasalao

ຄວາມຈິງວັນນີ້ wrote:

---

ຮຽນບັນດາທ່ານ ບັນດາສະຫາຍທີ່ເຄົາລົບ

ເຫັນສວ່ນຫຼາຍຄົນເຮົາ ຖ້າຜູ້ໃດບໍ່ມີສິນທຳປະຈຳໃຈ ບໍ່ມີຢາງອາຍ ເວົ້າຢ່າງແຕ່ເຮັດອີກຢ່າງນັ້ນ ມັນເປັນທິດສະດີທາງນັ້ນ ບອກຜູ້ອື່ນເຮັດແຕ່ຕົນເອງພັດເປັນແບບຢ່າງທີ່ບໍ່ດີນັ້ນ ມັນບໍ່ເກີດປະໂຫຍດຫຍັງດອກ ເຊັ່ນ:

ພໍ່ສອນລູກ ບໍ່ໃຫ້ກິນເຫຼົ້າ ບໍ່ໃຫ້ສູບຢາ ບໍ່ໃຫ້ຫຼີ້ນກິນຟຸມເຟືອຍ ບໍ່ໃຫ້ມີເມຍນອ້ຍ ໃຫ້ມີນໍ້າໃນຮັກຊາດ ຮັກປະຊາຊົນຮັກພີ່ນອ້ງຢ່າງດູດດື່ມ ແຕ່ກົງກັນຂ້າມທັງໝົດນັ້ນ ຜູ້ເປັນພໍ່ເປັນຜູ້ເຮັດເອງທັງໝົດ ແລ້ວລູກມັນຊິຢ້ານພໍ່ບໍ? ມັນກະເຮັດນຳພໍ່ອອ້ຍຕອ້ຍຊັນຕິລະ

ພະນັກງານລັດທຸກໆຂັ້ນ ທີ່ສວຍໃຊ້ໜ້າທີ່ຕຳແໜ່ງ ສໍ້ລາດບັງຫຼວງ ແລ້ວມາສ້າງເຮືອນຊານຫຼັງໃຫຍ່ໂຕເກີນຄວາມເປັນຈິງ ແລະ ລົດງາມໆລາຄາແພງໆຫຼາຍໆຄັນນັ້ນ ມີດິນຢູ່ຫັ້ນຢູ່ນີ້ຫຼາຍໆຕອນ

ສະເໜີຂໍໃຫ້ສັງຄົມຈົ່ງປະຈານເຂົາສາ ຢ່າຊິໄປຍອ້ງຍໍເຂົາຕື່ມວ່າເຂົາຫາເງິນແກ່ງ ເພາະທາດແທ້ເຂົາໄດ້ເງິນມາຍອ້ນການໂກງບ້ານໂກງເມືອງທັງນັ້ນລະ

ພາຫຼາເງິນເດືອນ 1-2 ລ້ານຊື້ເຂົ້າລ້ຽງຄົນໃຊ້ໃນເຮືອນກິນກໍ່ບໍ່ພໍດອກທ່ານ

ບໍ່ເຊື່ອອອກມາຊີ້ແຈງເບີ່ງທ່ານ ວ່າທ່ານມາຢູ່ວຽງຈັນປີໃດ ມີຫຍັງແດ່ມາຢູ່ເບື້ອງຕົ້ນ ແຕ່ນັ້ນມາຮອດມື້ນີ້ລວມເງິນເດືອນໄດ້ເທົ່າໃດ ເງີນໄປປະຊຸມແຕ່ລະຄັ້ງເທົ່າໃດ ທ່ານ ແລະ ຄອບຄົວເມຍນອ້ຍ ເມຍໃຫຍ່ ກິນໝົດເດືອນເທົ່າໃດ?

ຂ້າພະເຈ້າຂໍປະນາມຂີ້ໜ້າພວກນີ້ສຸດຂີດ ມີມື້ນື່ງມັນບາບແນ່ນອນ ເພາະປະຊາຊົນບໍ່ສະອອນຄວາມລວບຂອງພວກເຂົາ ບໍ່ສະອອນຄວາມລວຍຮອດຕະກຸນ ພີ່ນອ້ງປອ້ງປາຍ ຕະຫຼອດຮອດລູກຫຼານພວກເຂົາທີ່ຂີ່ລົດງາມມໆໄປອວດໝູ່ຢູ່ໂຮງຮຽນທີ່ໄດ້ມາຈາກພໍ່ແມ່ມັນໄກງປະເທດຊາດກິນ

ເຊີນມີຄຳເຫັນ

 

---

 ເຫັນກັບຫູ ດູກັບຕາ ແຕ່ກະເຮັດຫຍັງເຂົາບໍ່ໄດ້ດອກ ເພາະ ເຂົາຮຽນທິດສະດີ ຮູ້ຈັກທຸກເຫຼ່ ທຸກກົນ ວິທີເຊື່ອງສົ້ນແນບນຽນ (ເຫັນອອກຄ່າວາ) ແຕ່ປະຊາຊົນຄືໄທເຮົາເຈົ້າຂ້ອຍ ສິໄປໃກ້ຫ້ອງການເພິ່ນໄດ້

ຈັ່ງໃດ, ປຊຊ ບໍ່ມີສິດສິໄປກວດກາ, ຕຳໜີ ຕິຊົມເພິ່ນ ສ່ວນອັນກຳເວນນັ້ນ ຄືບໍ່ເຫັນມັນມາຫາເຂົາຈັກເທື່ອ ເພາະຕາມຮູ້ຜ່ານມາຄົນຊົ່ວທໍ່ໃດ ກໍຍິ່ງຕາຍຍາກທໍ່ນັ້ນ!  ຄົນດີມີພະຄຸນຕໍ່ຊາດບ້ານເມືອງຢູ່ບໍ່

ໄດ້ດົນກະໄປແລ້ວ ! ເວົ້າມາມັນເສົ້າ ... ຄັນຫາກຍັງເປັນດັ່ງທຸກວັນນີ້, ເບິ່ງອີກ 1000 ປີ ລາວກະຍັງສິເປັນແບບນີ້ ຕະຫຼອດກາລ, ຖ້າເບິ່ງໂລດ !!!ເບິ່ງທິດທາງຂອງພໍ່ແມ່ ນັກສຶກສາສອນລູກກະແລ້ວກັນ !

ແນວຄິດເຮັດໜ້ອຍຢາກໄດ້ຫຼາຍ ຊຶ່ງມັນຜິດກັບຈາຣິຍະທັມ, ຝືນວິທະຍາສາດ ແລະຝືນຄວາມເປັນຈິງ ຕິດແໜ້ນຢູ່ໃນແນວຄິດ ແລະສັນດານຂອງຄົນສ່ວນຫຼາຍໃນສັງຄົມລາວ ແລ້ວເຮົາສິໄປຫວັງຫຍັງຫຼາຍ.

ໃນເມື່ອເປັນຄົນສັດຊື່ ຕ້ອງໄດ້ທົນທຸກ ແລະລຳບາກທຸກດ້ານ ກຽດສັກສີໃນສັງຄົມແມ່ນບໍ່ເວົ້າເຖິງ  ແລ້ວເມືອເປັນຄົນຂີ້ໂຫດສາມານ ສໍ້ລາດບັງຫຼວງກັບມີແຕ່ລວບກັບລວຍ ໄປທາງໃດເຂົາກະໃຫ້ກຽດ

ມີສັກສີ  ສະຫງ່າງາມ.  ເຮັດຜິດ ໂທດກະບໍ່ຖືກ ຜິດຖືກຈັບໄດ້ໄລ່ທັນເອົາໄປໃສ່ໂທດ  ເຂົ້າທາງໜ້າອອກຫຼັງບ້ານ ໄປໂພ້ໂວ້ເປັນຫົວໜ້າຢູ່ແຂວງອື່ນພຸ້ນ ...ແລ້ວຄົນດີໆ ມັນກະສິທົນໄຫວບໍ ທ່ານເອີຍ

ຊ້ຳບໍ່ພໍພັດຖືກນາຍດ່າ ບໍ່ເຮັດຜິດຕາມເຂົາສັ່ງ ກະມີແຕ່ພາຍຖົງໜີ ... ເພັຽ !

ຖາມເດັກນ້ອຍອະນຸບານເຂົາກະຍັງຮູ້ ວ່າມີການສໍ້ໂກງຫ້ານນະ ຢ່າມາເຮັດໄຂສື ວ່າບໍ່ມີນະ ມັນມີລົ້ນບ້ານເຫລືອເມືອງລາວຫ້ານລະການສໍ້ໂກງນະ ຂະນາດໂຍທາເມືອງ ກະຍັງແດກກັນບໍແມ່ນຂອງຄ່ອຍໆ ມີທຸກຂະແຫນງການເດີ.

ມັນເປັນນຳຜູ້ເພິ່ນຢູ່ເຮືອນທີ່ມີໂຕໜັງສີຂຽນແປະວ່າຫໍຄຳນັ້ນລະເປັນແບບຢ່າງບໍ່ດີ.

ຈັງແມ່ນໂກງໝົດໂຄດ ຊາເຫັນເຂົາເອົາຮູບລົງດອກຫວາ.ຫຼື ເຂົາເອົາຮູບບໍ່ຈິງມາລົງບໍ?

ທຸລະກິດທີ່ມີນັ້ນເປັນຂອງບັງໜ້າຊື້່ໆ

ກອ່ນຊິມີເງິນມາເຮັດທຸລະກິດນັ້ນ ກໍ່ແມ່ນຍອ້ນນາຍທຶນໃຫ້ເງິນມາເຮັດ

ຄາວເຂົ້າມາຢູ່ວຽງຈັນ ຍັງຢູ່ເຮືອນລັດເກືອບ 100% ຍີ່ງໄປກວ່ານັ້ນບາງຄົນແມ່ນເຊົ່າເຮືອນຢູ່ ມາດຽວນີ້ຄືລວຍໄວແທ້ ລອງແຈ້ງລາຍຮັບລາຍຈ່າຍ ທີ່ໄປທີ່ມາໃຫ້ປະຊາຊົນຮູ້ໄດ້ບໍ່? ເອົາຕິສະແດງຄວາມບໍລິສຸດ ພໍເປັນແບບຢ່າງ ບາງຄົຢນເພີ່ນເຮັດການປະຕິວັດ 50 ປີມາຍັງບໍ່ມີເງິນເກືອບຊິກຸ້ມກິນຊໍ້າ

ຢ່າຊິໃຫ້ທັນເອົາຮູບມາລົງເທາະມັນຊິເກີນໄປ ລອງໄປສຶບເບີ່ງແຕ່ລະທ່ານວ່າເປັນແນວໃດ ມີຜູ້ບໍລິສຸດຮອດ 10% ບໍ? ທີ່ເຮັດເພື່ອຊາດແທ້ໆ

ຜູ້ເພີ່ນເຮັດແທ້ທຳຈິງກໍ່ຂໍຊົມເຊີຍ

ແຕ່ບາງເທື່ອຫຼາຍຄົນຕົກລົງໂກງເອົາ ແຕ່ຜູ້ບໍ່ຢາກເອົາກໍ່ເລີຍຢາກໝູ້ຊັ້ນຕົວະລະ ສະນັ້ນຄວນລັງກຽງດຄົນໂກງນັ້ນ ຢ່າງນອ້ຍມັນກະອາຍໝົດໂຄດມັນ

ດີກວ່າຊິໄປຍອ້ງມັນເຮັດອີ່ຫັຍງ

Anonymous wrote:

---

ຢ່າສຸເວົ້າຊື່ໆ ເກັ່ງແທ້ເອົາລັກຖານມາໂລດ ເພາະບາງທ່ານເຮັດວຽກກັບລັດ ແຕ່ເພີ່ນກໍ່ມີທຸລະກິດສ່ວນໂຕນຳ

 

---

 ພວກເຈົ້າເວົ້າຫັຍງກໍ່ເວົ້າໄປຈັກໜ້ອຍພວກທ່ານກໍ່ໄດ້ແຕ່ເວົ້າໆໆໆໆເທົານັ້ນ,ຂ້ອຍເປັນລັດຖະມົນຕິຂ້ອຍໄດ້ເງິນມາຢ່າງຫຼ່ວງຫຼາຍ

ບໍ່ແມ່ນຂ້ອຍໂລບກິນເງິນຂອງຊາດ(ຂອງລັດ),ຂ້ອຍໄດ້ມາແມ່ນບໍລິສັດເອົາໃຫ້ເປັນຂອງຂ້ວນເທື່ອລະ us$1,111 ml or bllion,ບາງບໍລິສັດກໍ່

ເອົາມາໃຫ້ຜູ້ລະ us$ 2-4 million ....ຂ້ອກໍ່ທ້ອນເອົາໄວ້ຊື້ລົດ,ຕັງເຮືອນຢູ່,ແຕ່ກ່ອນຂ້ອຍກໍ່ທຸກຍາກຄືພວກເຈົ້ານັ້ນແລ ຖ້າເຈົ້າຢາກມີເງິນ

ເຈົ້າກໍ່ເຮັດວຽກງານດີໆ,ໃຊ້ຫົວຄິດປະດິດສ້າງ,ຂົນລົມລະບອບການເມືອງທີ່ຂູດຮີດຕົນເອງ,ສ້າງຕັ້ງລະບອບໃໝ່ຂື້ນ,

ແລ້ວກໍ່ເອົາພວກຂ້ອຍໄປດັດສ້າງຫຼືຄູມຂັງ,ຕາມອັດທະຍາໄສຂອງຜູ້ມີອຳນາດກໍ່ແລ້ວໄປນາທ່ານເຮີຍ.

ແລ້ວອຳນາດກໍ່ມາຢູ່ໃນມືຂອງທ່ານເວລານັ້ນເຈົ້າກໍ່ສໍ້ຫຼາດບັງຫຼວງໂຫຼດ:ນີ້ແມ່ນກົດເກນກາຂະຫຍາຍຕົວຂອງສັງຄົມມະນຸດ.

ພວກເຈົ້າຈົມຢູ່ໃນໜ້າຈໍຄອມພີວເຕີພວກຂ້ອຍບໍ່ມີເວລາມາອ່ານເລືອ່ງເບັດຕະເລດແບບນີ້ດອກ!!!

ຖ້າບໍ່ເຂົ້າໃຈໂທເຂົ້າເບີ+123456789000ຫຼືເບີ54545454545 ຂໍຈົບເທົານີ້

ກ່ອນ​ຈະ​ເປັນ​ຜູ້ນຳ​ໄດ້ ຕ້ອງ​ເປັນ​ຄົນ​ພັກກ່ອນ ບໍ່​ແມ່ນ​ຫວະ? ​ ໃນ​ສ່ວນ​ນີ້ ພັກ​ຕ້ອງ​ສື​ກສາ​ອົບຮົມ​ ​ແລະ​ຫາ​ວິທີ​ທາງ​ເອງ ບໍ່​ກ່ຽວ​ກັບ​ປະ​ຊົນ

​ຖ້າ​ຢາກ​ໃຫ້ ສົມ​ກັບຊື່ "ພັກ​ປະຊາ​ຊົນ ປະຕິ​ວັດ​ລາວ" ກໍ່​ຄວນ​ໃຫ້​ປະຊາຊົນ​ມີ​ສ່ວນ​ຮ່ວມ ​ໃນ​ການ ອອກສຽງ​ປົດ​ຕຳ​ແຫນ່​ງຄົນ​ບໍ່​ດີ​ເຫລົ່າ​ນີ້

ອາ​ໃສ​ ສະພາ​ແຫ່ງ​ຊາດ ​ແລະ​ກວດ​ສອບ ກໍ່​ບໍ່ໄດ້​ດອກ ​ເພາະ​ຄົນ​ພັກ ​ແລະ​ລະບົບເຄືອ​ຍາດ ​ເຕັມ​ຢູ່​ຫັນ.

ພວກເຮົາທີ່ສົນທະນາບັນຫາບ້ານເມືອງໃນເວບນີ້ ມັນອາດຈະຊ່ວຍຫຍັງບໍ່ໃດ້ຫລາຍກັບການຕໍ່ຕ້ານການສໍ້ລາດບັງຫລວງຂອງລັດຖະບານ ເພາະກົດໝາຍຂອງລາວກໍ່ແມ່ນບັນດາທ່ານຜູ້ສໍ້ຫລາດບັງຫລວງຫັນລະເປັນຄົນຂຽນຂື້ນມາເພື່ອຮັບໃຊ້ຕົນ ເອງ ແລະ ພວກພ້ອງ ຂ້ອຍເຄີຍອ່ານລັດຖະທຳມະນູນ ຊື່ງເປັນກົດໝາຍສູງສຸດຂອງປະເທດ ແລະ ກົດໝາຍອາຍາ ບາງມາດຕາແມ່ນລະເມີດສິດ ແລະ ຈຳກັດສິດເສລີພາບໃນການສະແດງອອກຂອງປະຊາຊົນ ຕົວຢ່າງເຊັ່ນ: ບໍ່ໃຫ້ມີການເດີນຂະບວນປະທ້ວງ, ຫ້າມຊຸມນຸມທາງການເມືອງເກີນຫ້າຄົນ ສີ່ງເລົ່ານີ້ລ້ວນແລ້ວແຕ່ຂັດກັບຫລັກສິດທິມະນຸດ ຫລື ເສລີພາບຂອງພົນລະເມືອງໃນການສະແດງອອກ ນີ້ບໍທ່ານທີ່ເປັນຕົນເຫດເຮັດໃຫ້ບ້ານເຮົາມີການສໍ້ຫລາດບັງຫລວງຫລາຍທີ່ສຸດໃນກູ່ມອາຊຽນ ທັດຈາກປະເພທດພະມ້າ ເພາະປະຊາຊົນທົວໄປບໍ່ມີໃຜທີ່ຈະກ້າສະແດງອອກໃນການຕໍ່ຕ້ານທັງໆ ທີຮູ້ ແລະ ມີຫລັກຖານພຽງພໍກັບການໃດ້ມາຂອງຊັບສິນທີ່ບໍ່ຖືກຕ້ອງ ຫລື ລຳລວຍຜິດປົກກະຕິທັງໆ ທີ່ເງິນເດືອນຂອງບຸກຄົນເລົ່ານັ້ນບໍ່ຮອບ 10,000,000 ກີບ ແຕ່ລຳລວຍມະຫາສານ

ຄຳສັບ "ປະກົດການຫຍໍ້ທໍ້" ໃຊ້ກັບ ຄົນ ຫລືກຸ່ມຄົນບໍ່ດີ ແລະມີຕຳແໜ່ງນ້ອຍທີ່ເຮັດຜິດ(ຫລາຍຄວາມໝາຍພິລຶກ)

ຄຳສັບ "ສະຫລາດສ່ອງໃສ" ໃຊ້ກັບຜູ້ນຳ(ມີຫລາຍຄວາມໝາຍ ທັງ ບວກ ແລະ ລົບ)

ຄຳສັບ "ສໍ້ລາດບັງຫຼວງ" ໃຊ້ກັບໃຜ ? 

ເບິ່ງແລ້ວມັນເກີດຈາກການເຊື່ອມໂຊມ ຂອງການປົກຄອງ ແລະ ສັງຄົມ

ເຫັນດີນຳ ໂດຍສະເພາະ ໃນເວລາເຫັນລົດປ້າຍຂຽວ ຈອດບໍລິເວນຮ້ານເຫຼົ້າ ຮ້ານເບຍ ຈົ່ງປະນາມ ແລະ ຖ່າຍເອົາລົງ Social media