ໂຄງການຫາດຊາຍທຽມທີ່ບ້ານເກິນ ຄາດສໍາເລັດໂດຍພື້ນຖານທ້າຍປີນີ້
ຂ່າວ: ແກ້ວອຸດົມ
ໂຄງການກໍ່ສ້າງຫາດຊາຍທຽມທີ່ແຄມງື່ມ ບ້ານເກິນ ເມືອງທຸລະຄົມ ແຂວງວຽງຈັນ ພາຍຫລັງລົງມືກໍ່ສ້າງມາແຕ່ກາງປີ 2012 ຮອດປະຈຸບັນຫລາຍຫນ້າວຽກມີຄວາມຄືບຫນ້າ, ປະທານບໍລິສັດຄາດການກໍ່ສ້າງຈະສໍາເລັດ ໂດຍພື້ນຖານປະມານເດືອນສິງຫາປີນີ້.
ທ່ານ ພຸດສະດຸ ອິນທະວົງ ປະທານກຸ່ມບໍລິສັດມາລີນີ ກໍ່ສ້າງ ຈໍາກັດ ໄດ້ໃຫ້ຮູ້ວ່າ: ລໍຖ້າອີກບໍ່ດົນຈະໄດ້ເຫັນແຄມງື່ມຈຸດບ້ານເກິນ ເມືອງທຸລະຄົມ ແຂວງວຽງຈັນ ປ່ຽນໂສມຫນ້າໃຫມ່ໃຫ້ກາຍ ເປັນເຂດທ່ອງທ່ຽວທີ່ສວຍງາມຕິດພັນກັບກີລາທາງນ້ໍາ ຫລັງກຸ່ມບໍລິສັດມາລີນີ ຈໍາກັດຜູ້ດຽວໄດ້ຕັດສິນໃຈລົງທຶນ 4,8 ລ້ານໂດ ລາສະຫະລັດ ເຂົ້າພັດທະນາເພື່ອ ສ້າງທາງເລືອກໃຫມ່ໃຫ້ແກ່ນັກທ່ອງທ່ຽວມາແຕ່ກາງປີ 2012.
ໂດຍຄວາມຄືບຫນ້າລວມໂຄງການກໍ່ສ້າງຫາດຊາຍທຽມດັ່ງກ່າວນີ້ຫມັ້ນໃຈວ່າຈະສໍາເລັດໂດຍພື້ນຖານໃນເດືອນສິງຫາທີ່ຈະມາເຖິງ
ເມື່ອສ້າງສຳເລັດຈະປະກອບມີຄວາມຫລາກຫລາຍບັນຍາກາດເປັນຕົ້ນການແຂ່ງຂັນກີລາທາງນ້ໍາ, ເຮືອນພັກ, ໂຮງແຮມ, ຫ້ອງປະຊຸມ, ຮ້ານອາຫານ, ຫ້ອງບັນເທີງ, ຮ້ານຂາຍເຄື່ອງທີ່ລະນຶກ, ລຽບຕາມແຄມນ້ຳງື່ມທີ່ມີຄວາມຍາວ 1 ກິໂລແມັດກວ່າ.
ໂຄງການພັດທະນາສະຖານທີ່ທ່ອງທ່ຽວແຄມຝັ່ງນ້ຳງື່ມທີ່ບ້ານເກິນ ເມືອງທຸລະຄົມ ແຂວງວຽງຈັນ ກຸ່ມບໍລິສັດມາລີນີ ກໍ່ສ້າງ ຈໍາກັດ ໄດ້ເຊັນສັນຍາກັບພາກລັດໃນວັນທີ 19 ມິຖຸນາ 2012 ໂດຍບໍລິສັດມາລີນີເປັນຜູ້ສຳປະທານເວລາ 35 ປີ ແລ້ວສົ່ງຄືນໃຫ້ລັດ ໃນເນື້ອທີ່ 5 ເຮັກຕາ (ກວມທັງຫນ້ານ້ຳ) ດ້ວຍງົບ ປະມານການລົງທຶນປະມານ 4,8 ລ້ານກວ່າໂດລາສະຫະລັດ.
ນີ້ເປັນຂ່າວດີຂ່າວທໍາອິດໃນຕົ້ນສັບປະດາໃນເວັບພາສາລາວ, ຂໍສະແດງຄວາມຍິນດີລ່ວງໜ້ານໍາປະຊາຊົນລາວ
ເວົ້າລວມ, ເວົ້າສະເພາະກໍ່ແມ່ນປະຊາຊົນເມືອງທຸລະຄົມທຸກຄົນ. ໄປພັກຜ່ອນແລະມ່ວນຊື່ນເພື່ອແດ່ເດີ.
Anonymous wrote:ນີ້ເປັນຂ່າວດີຂ່າວທໍາອິດໃນຕົ້ນສັບປະດາໃນເວັບພາສາລາວ, ຂໍສະແດງຄວາມຍິນດີລ່ວງໜ້ານໍາປະຊາຊົນລາວເວົ້າລວມ, ເວົ້າສະເພາະກໍ່ແມ່ນປະຊາຊົນເມືອງທຸລະຄົມທຸກຄົນ. ໄປພັກຜ່ອນແລະມ່ວນຊື່ນເພື່ອແດ່ເດີ.
ຄືບໍ່ເອົາຮູບລົງໃຫ້ເບີ່ງແດ້
ຢາກເຫັນ ບໍ່ໄດ້ໄປດົນລະແຖວນັ້ນ
ຊິສູ້ວັງວຽງໄດ້ບໍ່ລະ
ບ້ານເກີນ ໃກ້ກວ່າ ໄປກັບໄດ້ສະບາຍ....
ວັງວຽງໃກ ທາງກະພູ ລົດບໍ່ດີ ຄົນຂັບບໍ່ ຊຳນານກະລຳບາກ ກາງຄືນກະແຮ່ງອັນຕະລາຍ
ນະຄອນຫຼວງມີຫາດຊາຍທີ່ງາມແລະປະຊາກອນແອອັດ ທ່ານເຈົ້າຄອງເພິ່ນຄືບໍ່ມີຄວາມຄິດຢາກສ້າງແດ່ ເພື່ອມ່ວນຊົນ ທອ່ງທ່ຽວແລະການກິລາ
k
ບໍ່ແມ່ນຂີ້ໂມ້ລ້າໆບໍ? ເຖົ້າແກ່ບ້ານບຸ່ງພ້າວໝໍນີ້ ຂີ້ໂມ້ມາຕລອດເດີ. ສຸດຍອດຂີ້ໜຽວອີກຕ່າງຫາກ.
ຫວ່າງອາທິດຫຼັງໆບໍ່ດົນມານີ້ ໄດ້ຂ່າວວ່າ ເພິ່ນເອົາຂາງຂົວທີ່ສ້າງຢູ່ເຊິ່ງປາກແຈ້ງນັ້ນເຂົ້າໄປພາດໃສ່
ເສົາຂົວ ແຕ່ເຫຼັກລາງຮອງຮັບເພື່ອຂາງເຂົ້າໄປນັ້ນຫັກ (ຄືຊິແມ່ນວິສາວະກອນຄິດໄລ່ນໍ້າໜັກຜິດພາດ).
ຜູ້ເຖົ້າບາງຄົນ (ບໍ່ລວມເຂົ້ານໍາເດີ) ເວົ້າວ່າອາດເປັນລາງອັນໃດອັນນຶ່ງກໍເປັນໄດ້ ວ່າງນີ້ ມີແຕ່ຂົວຫັກ: ຂົວ ໄຮ່ຢ່ອນ ກໍຫັກ, ຂົວບ້ານເກິນ ກໍຫັກ, ຂາງຂົວມາລິນີ ກໍຫັກ (ຂນາດວ່າສ້າງບໍ່ທັນແລ້ວ).
ເບິ່ງຊົງຄືຊິເຈັງຕາມເຄີຍ
ສວນວັດທະນະທຳ ທາງໄປທ່າເດື່ອກໍເຈັ້ງແລ້ວ
ສະໜາມກອລຟ ຄອນພະເພັງກະເຈັ້ງ
ເປັບຊີລາວກະເຈັ້ງ
ສວນສັດບ້ານເກິນກະຊິເຈັ້ງຄືກັນ ແຕ່ຄວາມຈິງກະເຈັ້ງຫຼາຍເທື່ອແລ້ວແລະ
ແລະ ອື່ນໆ.....................
ຄົນລາວໂດຍລວມຍັງມຶດບອດຫຼາຍທີ່ສຸດ
ເມື່ອທຽບໃສ່ພາກພື້ນ
ສາເຫດຫຼັກແມ່ນລະບອບການປົກຄອງທີ່ ມີລັດທິບຸນຄຸນ ຄອບງຳ
ໝາຍຄວາມວ່າ ຄັນເຈົ້າຮັ່ງມີດີໄດ້ ແມ່ນມັນສະເໜີໜ້າເຂົ້າມາ ຂູ່ກິນເຫຼັາກິນເບຍ
ຝາກຝັງ ພະນັກງານ
ຢືມເງິນໄປໃຊ້
ທີ່ສຳຄັນໃຫ້ຍ້ອງຍໍວ່າ: ແມ່ນຍ້ອນບຸນຄຸນຂອງພວກມັນ
ແຕ່ ແຕ່ ແຕ່
ຖ້າເຮົາຫຼົ້ມລະລາຍ ໄປບໍ່ລອດ ແມ່ນກະທັ້ງຖືກໃພທຳມະຊາດແບບກະທັນຫັນ
ແມ່ນພວກໂຕໝາ ບໍ່ມາຊ່ວຍຫຍັງພໍປານໃດ
ຢ່າງເກັ່ງມັນກະວ່າ ເຫັນໃຈເດີ
ທຸລະກິດລາວທີ່ໄປລອດສ່ວນໃຫຍ່ແມ່ນກ່ຽວກັບ ເບຍ ເບຍ ເບຍ
ຕໍ່ມາແມ່ນການຜູກຂາດ
ຂາຍເລກຂາຍຫວຍ
ອີກອັນນຶ່ງແມ່ນຊື້ຂາຍສຳປະທານ ກິນກັນສະໜັ່ນຫວັ່ນໄຫວ
ບໍ່ມີແນວຊິບັນລະຍາຍ
ອານີ້ກະແມ່ນຄວາມເຫັນສ່ວນຕົວ
ແຕ່ຊໍໃຫ້ປະສົບຜົນສຳເລັດກໍແລ້ວກັນ
ສີໃຫ້ຄົນໄປຫລີ້ນຫາດຊາຍນ້ຳງື່ມບໍ
ມີແຕ່ແໜໄຫລມາແຕ່ເຂື່ອນ
Anonymous wrote:Anonymous wrote:ນີ້ເປັນຂ່າວດີຂ່າວທໍາອິດໃນຕົ້ນສັບປະດາໃນເວັບພາສາລາວ, ຂໍສະແດງຄວາມຍິນດີລ່ວງໜ້ານໍາປະຊາຊົນລາວເວົ້າລວມ, ເວົ້າສະເພາະກໍ່ແມ່ນປະຊາຊົນເມືອງທຸລະຄົມທຸກຄົນ. ໄປພັກຜ່ອນແລະມ່ວນຊື່ນເພື່ອແດ່ເດີ. ບໍ່ແມ່ນຂີ້ໂມ້ລ້າໆບໍ? ເຖົ້າແກ່ບ້ານບຸ່ງພ້າວໝໍນີ້ ຂີ້ໂມ້ມາຕລອດເດີ. ສຸດຍອດຂີ້ໜຽວອີກຕ່າງຫາກ.ຫວ່າງອາທິດຫຼັງໆບໍ່ດົນມານີ້ ໄດ້ຂ່າວວ່າ ເພິ່ນເອົາຂາງຂົວທີ່ສ້າງຢູ່ເຊິ່ງປາກແຈ້ງນັ້ນເຂົ້າໄປພາດໃສ່ເສົາຂົວ ແຕ່ເຫຼັກລາງຮອງຮັບເພື່ອຂາງເຂົ້າໄປນັ້ນຫັກ (ຄືຊິແມ່ນວິສາວະກອນຄິດໄລ່ນໍ້າໜັກຜິດພາດ).ຜູ້ເຖົ້າບາງຄົນ (ບໍ່ລວມເຂົ້ານໍາເດີ) ເວົ້າວ່າອາດເປັນລາງອັນໃດອັນນຶ່ງກໍເປັນໄດ້ ວ່າງນີ້ ມີແຕ່ຂົວຫັກ: ຂົວ ໄຮ່ຢ່ອນ ກໍຫັກ, ຂົວບ້ານເກິນ ກໍຫັກ, ຂາງຂົວມາລິນີ ກໍຫັກ (ຂນາດວ່າສ້າງບໍ່ທັນແລ້ວ).
ເວົ້າລວມ, ເວົ້າສະເພາະ
ເປັນຫຍັງມັກເວົ້າ
ຕີຄວາມຫມາຍໃຫ້ແດ່
ມີຄວາມໝາຍວ່າກຳເບື້ອງເທິງ ເນັ້ນເບື້ອງລຸ່ມໃຫ້ຈັງວະປະສານກັນຈຶ່ງເຮັດໃຫ້ເກີດຜົນສຳເຣັດ.
ເອົາອີກແລ້ວໂຄງການພັນລ້ານໆ ຂິວເດ້
ເງີນເດືອນຊິຈ່າຍໃຫ້ພະນັກງານຍັງບໍ່ມີ
ວັນທີ 10/02/2014 - ເວລາ 10:56:54 ເບິ່ງ 21
k