ຄົນເຫນືອ; ເມື່ອບໍ່ດົນມານີ້ ໂຍທາທິການແລະຂົນສົ່ງປະຈຳແຂວງຫລວງພະບາງ ໄດ້ຈັດກອງປະຊຸມສະຫລຸບວຽກງານຮອບດ້ານປະຈຳປີ 2013 ແລະ ວາງທິດທາງແຜນການປະຈຳສົກປີ 2014 ຂຶ້ນທີ່ຫ້ອງປະຊຸມຂອງຕົນ ໂດຍການເປັນກຽດເຂົ້າຮ່ວມຂອງ
ທ່ານ ສົມມາດ ພົນເສນາ, ລັດຖະມົນຕີວ່າການກະຊວງໂຍທາທິການແລະຂົນສົ່ງ
ທ່ານ ດຣ. ຄຳແພງ ໄຊສົມແພງ, ເຈົ້າແຂວງຫລວງພະບາງ
ທ່ານ ຟ້າສະນັ່ນ ທຳມະວົງ, ຫົວໜ້າພະແນກໂຍທາທິການແລະຂົນສົ່ງ ແຂວງຫລວງພະບາງ
ມີຫົວໜ້າກົມແລະຮອງຫົວໜ້າກົມ, ຫົວໜ້າແລະຮອງຫົວໜ້າລັດວິສາຫະກິດນ້ຳປະປາແຂວງຫລວງພະບາງ, ລັດວິສາຫະກິດການບິນລາວ, ເຈົ້າເມືອງແລະຮອງເຈົ້າເມືອງ 12 ເມືອງ, ຫົວໜ້າແລະຮອງຫົວໜ້າຫ້ອງໂຍທາທິການແລະຂົນສົ່ງເມືອງ ເຂົ້າຮ່ວມຢ່າງພ້ອມພຽງ ແລະທ່ານ ຟ້າສະນັ່ນ ທຳມະວົງ ກໍ່ໄດ້ຂຶ້ນຜ່ານບົດສະຫຼຸຸບການຈັດຕັ້ງປະຕິບັດແຜນການປະຈຳປີ 2012 ແລະ 2013 ບາງຕອນວ່າຕະຫຼອດໄລຍະ 1 ປີທີ່ຜ່ານມາຄະນະພະແນກໄດ້ຊີ້ນຳພາພະນັກງານພາຍປະຈຳຂົງເຂດຂອງຕົນ ຢຶດໝັ້ນແນວທາງນະໂຍບາຍຂອງພັກແລະມີຄວາມອຸ່ນອ່ຽນທຸນທ່ຽງ ຄວາມເປັນເອກະພາບ ຄວາມສາມັກຄີ ແລະ ມີຄວາມຮັບຜິດຊອບສູງ ຕໍ່ໜ້າທີ່ ວຽກງານທີ່ມອບໝາຍໄດ້ເປັນຢ່າງດີ.
ດີໃຈນຳທີ່ພະນັກງານລັດເຮົາມີຄວາມຮັບຜິດຊອບສູງ ຕໍ່ໜ້າທີ່
ທີ່ຖືກມອບໝາຍໃຫ້
ຈົ່ງເຮັດຕໍ່ໄປເດີ ໃຫ້ປຊຊລາວ ເຮົາມີຄວາມສະຫງົບສຸກປອດພັຍ
ຖ້າບ້ານເມືອງມີຄວາມສງົບສຸຂ ບໍ່ວຸ້ນວາຍແລ້ວ
ປະຊາຊົນກໍ່ຍູ່ທ່າງທຳມາຫາກິນສ້າງສາພັດທະນາປະເທດຊາດ
ເມື່ອນັ້ນເງິນຄຳມັນກໍ່ຫລັ່ງມາເທມາເອງ ຖ້າຂຍັນດຸໝັ່ນຊອກຫາ
ເຖິງຢ່າງໃດກໍ່ຕາມ ຈົ່ງພູມໃຈໃນຄວາມເປັນລາວ ມີໜ້ອຍກໍ່ກິນໜ້ອຍ ໃຊ້ໜ້ອຍ
ມີຫລາຍກໍ່ກິນໃຫ້ສົມມາພາຄວນ ຢ່າຟູມເຟືອຍ ເພື່ອເຮົາເອງ ແລະບ້ານເມືອງ
