ຫລັກການສະກົດກ່ອນແລະຫລັງປີ 1975 ແຕກຕ່າງກັນແນວໃດ?
ເປັນຫຍັງເພິ່ນຈຶ່ງປຸກໂຮງຮຽນພື້ນສູງໃນສະໃໝກ່ອນ? ປ້ອງກັນນໍ້າຖ້ວມຫຼືປ້ອງກັນສັດເຂົ້າໄປນອນຊົ້ນຝົນ?
ປັດຈະບັນເພິ່ນຈະປຸກຕິດພື້ນແບບທີ່ເຫັນໃນຮູບເທິງນີ້.
Anonymous wrote:ເປັນຫຍັງເພິ່ນຈຶ່ງປຸກໂຮງຮຽນພື້ນສູງໃນສະໃໝກ່ອນ? ປ້ອງກັນນໍ້າຖ້ວມຫຼືປ້ອງກັນສັດເຂົ້າໄປນອນຊົ້ນຝົນ? ປັດຈະບັນເພິ່ນຈະປຸກຕິດພື້ນແບບທີ່ເຫັນໃນຮູບເທິງນີ້.
ເພິ່ນອາດຈະປຸກຕາມຄວາມລື້ງເຄີຍແບບທີ່ຢູ່ອາໄສຂອງຄົນລາວ
ເຮືອນຄົນລາວແຕ່ກ່ອນບໍ່ຄອຍມີດອກທີ່ປຸກຕິດດິນ
ຈົນຄົນຈີນຄົນຫວຽດເຂົາປຸກເຮືອນປຸກຮ້ານຄ້າແບບຕິດພື້ນ ລາວເຮົາຈຶ່ງເຮັດຕາມ
ແຕ່ເຮືອນຍົກພື້ນສ້າງດ້ວຍໄມ້ກໍ່ມີສ່ວນດີ ຄືບໍ່ຕ້ອງປູຊີເມັນ
ເວລາຝົນຕົກນ້ຳນອງກໍ່ບໍ່ມີປັນຫາ
ກ້ອງຕາລ່າງຍັງໃຊ້ເປັນປະໂຫຍດໄດ້ຫຼວງຫຼາຍອີກນຳ
ຂໍ້ເສັຽຄືບໍ່ທົນ ຫັກເພງ່າຍ ສຽງດັງເວລາຍ່າງ
ໂຮງຮຽນທີ່ຂ້ອຍເຄີຍຮຽນ ເພິ່ນສ້າງຕັ້ງແຕ່ສມັຍຝຮັ່ງ ກໍ່ເປັນຕຶກຍົກພື້ນໃຫ້ສູງ
ເປັນຕຶກກໍ່ດ້ວຍດິນຈີ່ ບໍ່ມີຕາລ່າງ
ຄືເພິ່ນກໍ່ໃຫ້ສູງແບບທຶບໄປເລີຍ(ໂຮງຮຽນໄຊຍະພູມ ຕິດກັບເຮືອນແມ່ເຖົ້າດົກ ແມ່ທ່ານໄກສອນ ພົມວິຫານ)
ໃນການຂຽນແບບ ກ່ອນ ແລະ ຫລັງປີ 1975 ມັນແຕກຕ່າງກັນແທ້
ແຕ່ວ່າເລື່ອງຈຸດໝາຍປາຍທາງມັນອັນດຽວກັນ ຄື:
ໃຫ້ເຂົ້າໃຈຫລືຮູ້ວ່າອັນນັ້ນແມ່ນຫຍັງ ຖືກທັງສອງອັນ
ການຂຽນແບບກ່ອນ 75 ນັ້ນບາງອັນກໍ່ສະແດງໃຫ້ຮູ້ທີ່ມາຂອງພາສາ
ແຕ່ບາງອັນກະບໍ່ຮູ້ຄືກັນ ດັ່ງຄຳວ່າ :
ເລຂ ແມ່ນສະແດງໃຫ້ຮູ້ວ່າ ສະກົດຢ່າງນີ້ແມ່ນ ຮູ້ວ່າ ມາຈາກ ເລຂາ
ຄືທີ່ມາຂອງ ຄຳວ່າ ເລຂ ມັນກະຖືກຕາມເຄົ້າເດີມ
ຄູ ແມ່ນບໍ່ຮູ້ທີ່ມາຂອງພາສາ ແຕ່ກະມີຄວາມໝາຍໃນໂຕມັນເອງ
ເພາະທີ່ມາຂອງພາສາ ຄຳວ່າ ຄູ ແມ່ນ ຄະຣຸ ຫລືວ່າ ຄຸຣຸ
ຖ້າຢາກໃຫ້ຮູ້ແທ້ ແມ່ນ ຕ້ອງ ຂຽນຢ່າງນີ້ ຄຣູ
ເລື່ອງຄວາມໝາຍແມ່ນອັນດຽວກັນ ເພາະການສົມມຸດໃນການນຳໃຊ້ພາສາ
ນີ້ມແມ່ນການເຫັນດີເຫັນພ້ອມຂອງຜູ້ນຳປະເທດນັ້ນໆ ວ່າຢາກໃຊ້ແບບໃດ
ຖ້າເພິ່ນສົມມຸດຢາກໃຊ້ແບບນີ້ ທຸກຄົນພາກັນອ່ານແລະເຂົ້າໃຈ ກະຖືວ່າໃຊ້ໄດ້
ໃນການຂຽນ ແບບ ຕາມເຄົ້າເດີມຫລື ການຜັນປ່ຽນນັ້ນ ມັນດີໝົດ ຖ້າເຮົາເຂົ້າໃຈ
ໃນສິ່ງນັ້ນໆ
ຂ້ອຍກະຄົນເກີດ ຫລັງປີ 1975 ແຕ່ກະພໍຮູ້ຫລັງຂອງການຂຽນແບບໃດ
ແບບເຄົ້າເດີມຫລືແບບຜັນປ່ຽນ
ຕົວຢ່າງ: ຂຍັນ ຫລື ຂະຫຍັນ
ປໂຍຊນ໌ ຫລື ປະໂຫຍດ
ຄຣູ ຫລື ຄູ
ຣາຊ ຫລື ຣາດ
ຣັຖ ຫລື ຣັດ
ປຣາຖນາ ຫລື ປາດຖະໜາ
ຫລືຢາກຂຽນແບບ ຕາມເຄົ້າຂອງໂຕທັມລາວເດີມ ທີ່ຢູ່ໃນໃບລານ ກະໄດ້
ຖ້າຫາກຈຸດໝາຍປາຍທາງຂອງຄວາມໝາຍນັ້ນ ມັນຄືກັນ ທຸກຄົນເຂົ້າໃຈ
ແມ່ນບໍ່ຜິດ ... ເພາະໃນພາສາລາວ ຫລື ປາລີ ສັນສະກຣິດ
ຄຳໃດ ທີ່ມີພະຍາງ ບາງອັນກໍ່ສົມບູນ ບາງຄຳກະບໍ່ສົມບູນ ມັນຕ້ອງເອົາຄຳອື່ນມາຕໍ່ທ້າຍ
ຫລືຂ້າງໜ້າຈຶ່ງມີຄວາມໝາຍແບບສົມບູນ ແທ້
ຈານກິນເຂົ້າ ຈານໃສ່ໝາກໄມ້ ຈານໃສ່ເຂົ້າປຸ້ນ ອາຈານສອນ (ອາຈາຣຍ໌ສອນ)
ຖ້າ ຈານ ຄຳດຽວ ມັນກະມີຄວາມໝາຍຂອງມັນ ແຕ່ຫາກບໍ່ສົມບູນປານໃດ
ຈັກແມ່ນຈານຫຍັງ ແຕ່ມັນກະເປັນ ຊື່ຂອງ ຈານ ທີ່ໄວ້ໃສ່ເຄື່່ອງຂອງ ຫລືສິ່ງຕ່າງໆ
ແຕ່ຖ້າລວມກັບຄຳອື່ນມັນກໍ່ມີຄວາມໝາຍແຕກຕ່າງກັນໄປ
ຂ້ອຍຮູ້ວ່າ ອາຈາຣຍ໌ ມາຈາກ ອາຈາຣິຍະ ຄືຜູ້ປະເສີດ, ຮອບຮູ້
ແຕ່ຄຳວ່າ ອາຈານສອນ ຫລື ອາຈາຣຍ໌ສອນ ມັນກໍ່ມີຄວາມໝາຍດຽວ ຄື
ຜູ້ທີ່ສິດສອນ ໃຫ້ຄວາມຮູ້ແກ່ຄົນອື່ນ
ສະຫລູບ: ໃນການຂຽນແບບໃດມັນກໍ່ຖືກໝົດ ຖ້າຫາກຄວາມໝາຍທີ່ສະແດງ
ອອກມານັ້ນ ຄົນເຮົາເຂົ້າໃຈ
ເພາະສິ່ງຕ່າງໆ ໃນໂລກນີ້ລ້ວນແຕ່ສົມມຸດ ສົມມຸດແນວມັນດີມັນກໍ່ດີ
ສົມມຸດວ່າມັນໄດ້ມັນກໍ່ໄດ້ ດັ່ງ ເຮົາສົມມຸດ ເອົາເຈັ້ຍມາເປັນເງິນ ພິມອອກມາ
ມັນກໍ່ຊື້ໄດ້. ຖ້າສົມມຸດວ່າມັນຊື້ບໍ່ໄດ້ມັນກໍ່ບໍ່ໄດ້ ດັ່ງຕອນ ຫລັງປີ 1975 ເງິນລາວເກົ່າ
ນັ້ນຊື້ບໍ່ໄດ້ໃນດຽວນີ້ ມັນກໍ່ຊື້ບໍ່ໄດ້ ສັນໃດກໍ່ສັນນັ້ນແລ !!!
The Taliban don't think so . Taliban destroy the school .
