ຄົນສັນຊາດຝຣັ່ງລ່ອງນ້ຳຂອງປຸກລະດົມໃຫ້ໝົດທຸກຄົນມີນ້ຳສະອາດໃຊ້
ຂປລ. ທ່ານ ເລມີ ກາມູ (Remi Camus) ເປັນຄົນສັນຊາດ ຝຣັ່ງ ອາຍຸ 28 ປີ ທີ່ໄດ້ເຮັດໂຄງການ”ລ່ອງນ້ຳຂອງເພື່ອປຸກລະດົມໃຫ້ໝົດທຸກ ຄົນມີນ້ຳສະອາດໃຊ້” ໃນວັນທີ 7 ກຸມພາ 2014 ໄດ້ໃຫ້ສຳພາດຕໍ່ສື່ມວນຊົນໃຫ້ຮູ້ວ່າ: ໂຄງການນີ້ແມ່ນດຳເນີນມາໄດ້ 4 ເດືອນ ໂດຍໄດ້ໃຊ້ເຮືອສຳ ລັບຜູ້ດຽວລ່ອງຕາມແມ່ນ້ຳຂອງ ຜ່ານ 6 ປະເທດ ມີຄວາມຍາວ 4.400 ກິໂລແມັດ, ຊຶ່ງໄດ້ເລີ່ມແຕ່ແມ່ນ້ຳຂອງຊາຍແດນ ຕິເບດ ສປ ຈີນ ເຖິງ ສສ.ຫວຽດນາມ . ທ່ານເລມີກາມູໄດ້ມາຮອດ ສປປ ລາວເຮົາ ແຕ່ເດືອນທັນວາ ປີ 2013 ທີ່ຜ່ານມາ. ຈຸດປະສົງຂອງໂຄງການນີ້ແມ່ນເພື່ອປຸກລະດົມໃຫ້ໝົດທຸກຄົນມີນ້ຳສະອາດ ໃຊ້, ເຮັດໃຫ້ໂລກຮູ້ເມື່ອວ່າຍັງມີຫລາຍຄົນ ທີ່ຍັງບໍ່ມີນ້ຳສະອາດໃຊ້ປະມານ 70 ກວ່າລ້ານຄົນ ທີ່ດຳລົງຊິວິດອາໃສຢູ່ລຽບຕາມແມ່ນ້ຳຂອງໃຊ້ນໍ້າເພື່ອກິນ, ເພື່ອນຳໃຊ້ເຂົ້າໃນການຜະລິດ ແລະ ອື່ນໆ. ທ່ານເລມີກາມູກ່າວຕື່ມວ່າ: ສຳລັບ ຂ້າພະເຈົ້າທີ່ເລືອກເອົາແມ່ນ້ຳຂອງກໍຍ້ອນວ່າແມ່ນ້ຳຂອງຜ່ານ 6 ປະເທດ (ຈີນ, ມຽນມາ, ສປປ ລາວ, ໄທ, ກຳປູເຈຍ ແລະ ສສ.ຫວຽດນາມ) ເປັນແມ່ນ້ຳ ທີ່ມີຄວາມໝາຍ, ຄວາມສຳຄັນທາງດ້ານເສດຖະກິດ, ບາງປະເທດກໍມີວັດທະນະທຳທີ່ຄ້າຍຄືກັນ. ໂຄງການທັງໝົດນີ້ບໍ່ແມ່ນເຮັດເພື່ອຕົນເອງແມ່ນເຮັດ ເພື່ອປະຊາຊົນທີ່ອາໃສຢູ່ຕາມແຄມແມ່ນ້ຳຂອງ ໂດຍໂຄງການດັ່ງກ່າວໄດ້ມີຜູ້ຕິດຕາມຢູ່ປະເທດ ຝຣັ່ງ ເພາະວ່າອຸປະກອນທີ່ນຳໃຊ້ລ່ອງນ້ຳຄັ້ງນີ້ຈະປະ ກອບມີຄົບຊຸດ ຈະມີເຮືອ, ໃນນັ້ນຈະປະກອບມີຄອມພິວເຕີ, ໝວກທີ່ຕິດກ້ອງຈີພິເອັດ ແລະ ອຸປະກອນອື່ນໆຕື່ມອີກ. ໃນມື້ໜຶ່ງຈະສາມາດໄປໄດ້ເຖິງ 50-60 ກິໂລແມັດ, ໂດຍເດີນທາງໄປເລື້ອຍໆ ແລະ ຄ່ຳຢູ່ໃສ່ຈະນອນພັກຢູ່ຫັ້ນ, ຈະມີກຳນົດປາຍທາງອີກປະມານ 1.600 ກິໂລແມັດ ໄປຮອດຫວຽດນາມ, ໂດຍຈະຜ່ານປະເທດກຳປູເຈຍ.
ທ່ານ ໄດ້ກ່າວຕື່ມວ່າ:ຜ່ານມາ ຂ້າພະເຈົ້າໄດ້ເຮັດກ່ຽວກັບໂຄງການໂຄສະນາຊ່ວຍເຫລືອ ເດັກ ນ້ອຍຜູ້ຕິດພະຍາດ ໂດຍໄດ້ແລ່ນຜ່ານປະເທດອົດສະຕາລີ 5.400 ກິໂລແມັດມາແລ້ວສຳລັບໂຄງ ການລ່ອງແມ່ນ້ຳຂອງນີ້ເປັນໂຄງການທີ່ສອງ. ສຳລັບວັນທີ 7 ກຸມພາ 2014 ນີ້ ທ່ານເລມີກາມູ ໄດ້ເລີ່ມອອກຈາກ ທີ່ບ້ານອຸມົງ ເມືອງ ສີໂຄດຕະບອງ ນະຄອນຫລວງວຽງຈັນ ລ່ອງໄປຕາມແມ່ນ້ຳຂອງລົງໄປຫາປະເທດກຳປູເຈຍ ທີ່ມີຄວາມຍາວປະມານ 800 ກວ່າກິໂລແມັດ, ຊຶ່ງຈະໃຊ້ເວລາປະມານ 28 ມື້ຈຶ່ງຈະຮອດ.
<h3 style="border:1px blue solid;">ໃຫ້ມີ ຄວາມຍຸຕິທັມໃນການປາກເວົ້າໃຫ້ທັສນະ</h3>
<h3 style=" ໃຫ້ມີຄວາມຍຸຕິທັມ;">HTML Colors</h3>
ບໍ່ຢ້ານປາດຸກຍັກຄາບໄປບໍ ເຫັນໃນ River Monster ຂອງ Discovery
luffy wrote:ບໍ່ຢ້ານປາດຸກຍັກຄາບໄປບໍ ເຫັນໃນ River Monster ຂອງ Discovery
ລາວຄົງບໍ່ຢ້ານ Giant Catfish ດອກ ລາວຈຶ່ງລົງລ່ອງລອຍແບບນັ້ນ
ລາວຢ້ານແຕ່ປາ Giant Dogfish ເທົ່ານັ້ນເດີ Luffy. ເຖິງຢ່າງໃດກໍ່ຂໍຍ້ອງຍໍສັນຣະເສີນນໍ້າໃຈຂອງ
ທ່ານ Remi Camus ທີ່ສະລະຄວາມສຸກສ່ວນຕົວຂ້າມທະວີບມາລ່ອງຂອງເພື່ອຊ່ອຍເຫຼືອປະຊາ
ຊົນອາຊີ ເວົ້າລວມ, ເວົ້າສະເພາະກໍ່ແມ່ນປະຊາຊົນລາວຜູ່ຍາກຈົນ.
