ອົງກອນເອກກະຊົນຂອງປະເທດໄທທຸກອົງກອນແມ່ນເຂົ້າຂ້າງແລະທຳງານໃຫ້ພັກປະຊາທິປັດແລະ ກປປສ ຢ່າງອອກໜ້າ
ແລະສຳຄັນກ່ອນໝູ່ແມ່ນ ສານລັດຖະທຳມະນູນ ແມ່ນອັນໃດເປັນຄະດີຄວາມຟ້ອງຮ້ອງລັດຖະບານຍິ່ງລັກແມ່ນຮັບໄປວິ
ໄສທັນທີໂລດ. ຖ້າຄະດີໃດລັດຖະບານຍຶ່ນຟ້ອງພັກປະຊາທິປັດ ແລະ ກປປສ ແມ່ນປະຕິເສດບໍ່ຮັບແລະອ້າງວ່າບໍ່ມີຫລັກ
ຖານພຽງພໍ ພໍທີ່ຈະວິໄສ. ເຮັດໄປເຮັດມາປະເທດໄທແມ່ນສານລັດຖະທຳມະນູນເປັນຜູ້ມີອຳນາດສູງສຸດ ແລະສາມາດຊີ້ວ່າ
ຜິດກໍຜິດ ຊີ້ວ່າຖືກກໍຖືກ. ຄະດີຕຳນຳເຂົ້າຕອນລັດຖະບານຂອງອະພິສິດກໍຖືກຟ້ອງຮ້ອງ ແຕ່ສານລັດຖະທຳມະນູນບໍ່ຍອມ
ນຳເອົາຂຶ້ນມາຕັດສິນ ແຕ່ເລື່ອງຈຳນຳເຂົ້າທີ່ ປຊປ ຟ້ອງຮ້ອງຍິ່ລັກເມື່່ອສອງເດືອນກ່ອນນັ້ນໄດ້ຍົກຂຶ້ນມາພິຈາລະນາຕັດ
ສິນແລ້ວ.
ຄວາມຍຸຕີທໄບໍ່ມີຢູ່ໃນຂະບວນການຍຸຕິທຳຂອງປະເທດໄທແລ້ວ.
ຖ້າເດົາບໍ່ຜິດ ທ່ານຄົງຈະເປັນນັກການເມືອງດີເດັ່ນຈຶ່ງເຂົ້າໃຈບັນຫາຂອງປະເທດໄທໄດ້ດີ.
ສໍາລັບອົງການ ອົງກອນໃນປະເທດລາວເດ ຮັບໃຊ້ພັກຫລືຮັບໃຊ້ປະຊາຊົນ? ຂອບໃຈ
Anonymous wrote:ຖ້າເດົາບໍ່ຜິດ ທ່ານຄົງຈະເປັນນັກການເມືອງດີເດັ່ນຈຶ່ງເຂົ້າໃຈບັນຫາຂອງປະເທດໄທໄດ້ດີ.ສໍາລັບອົງການ ອົງກອນໃນປະເທດລາວເດ ຮັບໃຊ້ພັກຫລືຮັບໃຊ້ປະຊາຊົນ? ຂອບໃຈ
ປະເທດລາວປົກຄອງດ້ວຍລະບອບປະຊາທິປະໄຕ ແຕ່ເປັນປະຊາທິປະໄຕສັງຄົມນິຍົມແລະມີພັກດຽວຜູກຂາດກໍຄືພັກປະຊາຊົນປະຕິວັດລາວ, ດັ່ງນັ້ນ
ສປປລ ຈຶ່ງບໍ່ມີອົງກອນອິດສະລະເໝືອນດັ່ງປະເທດໄທຫຼືປະເທດທີ່ປົກຄອງດ້ວຍລະບອບປະຊາທິປະໄຕທຶນນິຍົມ. ເຫດຜົນທີ່ ສປປລ ບໍ່ມີອົງກອນ
ອິດສະລະນັ້ນກໍເພາະລັດຖະບານຂັ້ນປະທານປະເທດ, ນາຍົກ ແລະ ຄະນະລັດຖະມົນຕີ ປະຊາຊົນບໍ່ໄດ້ເລືອກຕັ້ງປ່ອນບັດເອົາ ແມ່ນສຳມະຊິກສູນກາງ
ພັກເປັນຜູ້ເລືອກຕັ້ງ. ປະຊາຊົນລາວປັດຈຸບັນນີ້ມີສິດພຽງແຕ່ເລືອກຕັ້ງຜູ້ແທນປະຊາຊົນໄປນັ່ງຢູ່ສະພາເທົ່ານັ້ນ ແຕ່ກໍໜ້າເຫັນໃຈປະຊາຊົນລາວຜູ້
ທີ່ມີສິດມີສຽງອອກໄປປ່ອນບັດເອົາຜູ້ແທນຂອງເຂົາເຈົ້າໄປເປັນປາກເປັນສຽງໃຫ້ຢູ່ສະພາ ແຕ່ຜູ້ແທນປະຊາຊົນເຫຼົ່ານັ້ນບໍ່ມີປາກບໍ່ມີສຽງຫຍັງແທນ
ປະຊາຊົນໄດ້ ເພາະທຸກຢ່າງປະທານສະພາເຫັນດີເຫັນຊອບ ບັນດາຜູ້ແທນປະຊາຊົນທີ່ມາເປັນຜູ້ຕາງໜ້າປະຊາຊົນຢູ່ໃນສະພານັ້ນກໍກັບກາຍມາເປັນ
ເສນາໝາກຂີ້ກາໄປເລີຍ ແລະເຫັນດີເຫັນພ້ອມກັບປະທານສະພາໄປທຸກແນວ. ບໍ່ມີຄົນລາວຢູ່ໃນປະເທດສາມາດຍົກເອົາການເມືອງລາວມາວິຈານ
ໄປທາງລົບໄດ້ເພາະເກງກົວຕໍ່ຄວາມປອດໄພຂອງຕົນເອງແລະຄົນອ້ອມຂ້າງ ແລະກໍເຫັນປະກົດການເກີດຂຶ້ນກັບຫລາຍໆຄົນຜ່ານມາແລ້ວ. ປະຊາທິ
ປະໄຕຂອງ ສປປລ ເປັນປະຊາທິປະໄຕຢູ່ໃນຂອບເຂດ ແລະ ສປປລ ບໍ່ມີກົດໝາຍວ່າດ້ວຍສິດທິມະນຸດໃນການໃຊ້ສິດຂຽນ, ການປາກເວົ້າ ແລະການ
ປະທ້ວງຕໍ່ຕ້ານລັດຖະບານ.
ຕາມທີ່ເຄີຍໄດ້ອ່ານກົດຣັຖທັມນູນແຕ່ບໍ່ຈື່ມາດຕາ ເພິ່ນວ່າສະພາປະຊາຊົນແຫ່ງຊາດລາວເປັນຜູ່ເລືອກຕັ້ງປະທານປະເທດລາວ
ແຕ່ອາດຈະແມ່ນດັ່ງທີ່ທ່ານເວົ້າເພາະສິມາຊິກຜູ່ແທນປະຊາຊົນແຫ່ງຊາດລາວແມ່ນເປັນສະມາຊິກພັກປະຊາຊົນປະຕິວັດລາວ
ແລະຖ້າວ່າຜູ່ແທນປະຊາຊົນເຫຼົ່ານັ້ນຖືກເລືອກຕັ້ງຈາກປະຊາຊົນ ກໍ່ໝາຍຄວາມວ່າປະຊາຊົນເລືອກເອົາປະທານປະເທດໂດຍ
ທາງອ້ອມ, ແມ່ນບໍ່ລະທ່ານ luffy ?
Anonymous wrote:ຕາມທີ່ເຄີຍໄດ້ອ່ານກົດຣັຖທັມນູນແຕ່ບໍ່ຈື່ມາດຕາ ເພິ່ນວ່າສະພາປະຊາຊົນແຫ່ງຊາດລາວເປັນຜູ່ເລືອກຕັ້ງປະທານປະເທດລາວແຕ່ອາດຈະແມ່ນດັ່ງທີ່ທ່ານເວົ້າເພາະສິມາຊິກຜູ່ແທນປະຊາຊົນແຫ່ງຊາດລາວແມ່ນເປັນສະມາຊິກພັກປະຊາຊົນປະຕິວັດລາວແລະຖ້າວ່າຜູ່ແທນປະຊາຊົນເຫຼົ່ານັ້ນຖືກເລືອກຕັ້ງຈາກປະຊາຊົນ ກໍ່ໝາຍຄວາມວ່າປະຊາຊົນເລືອກເອົາປະທານປະເທດໂດຍທາງອ້ອມ, ແມ່ນບໍ່ລະທ່ານ luffy ?
ມັນກໍເປັນພຽງພາບລວງຕາຂອງຜູ້ກຳອຳນາດ ຢາກໃຫ້ຕົນດູດີ ໃນສາຍຕາຕ່າງປະເທດ ແລ້ວອີກຢ່າງ ລັດຖະທຳມະນູນຂອງລາວກະບໍ່ຕ່າງກັບຂອງໄທພໍປະມານ
ເພາະລັດຖະທຳມະນູນຂຽນແນວໜຶ່ງ ແຕ່ການປະຕິບັດຕົວຈິງ ແມ່ນກຳມະການກົມການເມືອງແລະຄະນະກຳມະການສູນກາງພັກ ມີອຳນາດສ້າງຂໍ້ກຳນົດໃຫ້ປະຊາ
ຊົນປະຕິບັດ ແມ່ນວ່າຈະຂັດກັບລັດຖະທຳມະນູນແດ່ກໍຕາມ ເພາະ ປາຊົນ ບໍ່ຮູ້ ວ່າລັດຖະທຳມະນູນແມ່ນຫຍັງແລ້ວກະຄາວຽກໄຮ່ການນາ ບໍ່ມີເວລາສຶກສາ...
ອີກຢ່າງ ມັນກະບໍ່ແມ່ນວຽກຂອງເຂົາທີ່ຈະມາຄົ້ນຄວ້າເລື່ອງບ້ານເມືອງ ເພາະໄດ້ມອບອຳນາດໃຫ້ ສສ ໄປແລ້ວແຕ່ເລືອກຕັ້ງຊຸດກ່ອນພຸ້ນ ຊັ້ນນ່າ !
