ໂຄງການສະໜັບສະໜູນການກໍ່ສ້າງຜູ້ປະກອບກິດຈະການໃໝ່ ເປັນການສະໜອງທຶນສົມທົບຈາກລັດຖະບານ ໂດຍກອງທຶນສົ່ງເສີມ ແລະ ພັດທະນາວິສາຫະກິດຂະໜາດນ້ອຍ ແລະ ກາງ ໃນມູນຄ່າ 50% ຂອງຄ່າເຝິກອົບຮົມ ແລະ ການບໍລິການທີ່ປຶກສາຂອງສະຖາບັນທີ່ມີຄວາມຊ່ຽວຊານ ມີເປົ້າໝາຍໃນການເພີ່ມປະຊາກອນທຸລະກິດໃນສັງຄົມ ໂດຍສະເພາະແມ່ນນັກທຸລະກິດໜຸ່ມ ມີພື້ນຖານການສຶກສາດີ ມີຄວາມພ້ອມພັດທະນາຕົນເອງ ໃຫ້ສາມາດດຳເນີນທຸລະກິດຮ່ວມກັບນັກທຸລະກິດໃນພາກພື້ນ ແລະ ສາກົນ ສາມາດປັບປຸງປ່ຽນແປງຢ່າງໄວວາຂອງຕະຫຼາດ ແລະ ນະໂຍບາຍດ້ານການຄ້າຂອງພາກພື້ນ ແລະ ສາກົນ.
ງານເປີດໂຕໂຄງການດັ່ງກ່າວ ໄດ້ຈັດຂຶ້ນໃນວັນທີ 31 ມັງກອນ 2014 ທີ່ຜ່ານມາ ຢູ່ທີ່ຫໍວັດທະນະທຳແຫ່ງຊາດ ນະຄອນຫຼວງວຽງຈັນ ໂດຍການເປັນປະທານຂອງທ່ານ ດຣ. ນາມ ວິຍະເກດ ລັດຖະມົນຕີວ່າການ ກະຊວງອຸດສາຫະກຳ ແລະ ການຄ້າ ບັນດາທ່ານການນຳຂັ້ນສູງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ພາຍໃນງານ ນອກຈາກຈະມີບັນດາຜູ້ປະກອບການ ນັກທຸລະກິດໜຸ່ມຜັດປ່ຽນກັນຂຶ້ນບັນຍາຍ ກ່ຽວກັບບາງບົດຮຽນ ຮູບແບບການດຳເນີນທຸລະກິດຂອງຕົນແລ້ວ ຍັງຈັດໃຫ້ມີການວາງສະແດງ ພົບປະແລກປ່ຽນກ່ຽວກັບຂໍ້ມູນຂ່າວສານ ການດຳເນີນທຸລະກິດຂອງແຕ່ລະພາກສ່ວນ ທີ່ເຂົ້າຮ່ວມງານໃນຄັ້ງນີ້
ຊ່ອຍອະທິບາຍໃຫ້ຮູ້ນໍາແດ່ວ່າ ປະຊາກອນທຸລະກິດ ມີຄວາມໝາຍແນວໃດ? ຂອບໃຈຫລາຍໆ
ທ່ານ luffy ກະຣຸນາມາຕອບໃຫ້ແດ່ ເຫັນວ່າຮູ້ກະດາຍ, ຢ່າກິນຫລາຍໂດລາຫັ້ນ ຈັກນ່ອຍທ້ອງແຕກ !
