ຊື່ວຽງທອງຈົບງາມຫລາຍແລ້ວ ຄວາມມີກະຄືບ່ອນຢູ່ຂອງຄົນມີຄວາມສຸກຄວາມຈະເລີນ ຫລື ເມືອງທີ່ເອ້ຍ້ອງດວ້ຍຄຳດວ້ຍທອງ
ບາດນີ້ມາປ່ຽນເປັນ ຮ້ຽມ ອາດຊິຫມາຍເຖິິງເມືອງຫ້ຽມໂຫດ ປ່າເຖື່ອນ ບໍ່ຫລືຈັງໃດ.
ຫລືຍຸກສົງຄາມເມືອງນີ້ມີການຕໍ່ສູ້ກັນຢ່າງຫ້ຽມໂຫດບໍ່.
ຢ່າດ່າກັນເດີຂຽນຕາມຄວາມເຂົ້າໃຈ.
Anonymous wrote:ຊື່ວຽງທອງຈົບງາມຫລາຍແລ້ວ ຄວາມມີກະຄືບ່ອນຢູ່ຂອງຄົນມີຄວາມສຸກຄວາມຈະເລີນ ຫລື ເມືອງທີ່ເອ້ຍ້ອງດວ້ຍຄຳດວ້ຍທອງບາດນີ້ມາປ່ຽນເປັນ ຮ້ຽມ ອາດຊິຫມາຍເຖິິງເມືອງຫ້ຽມໂຫດ ປ່າເຖື່ອນ ບໍ່ຫລືຈັງໃດ.ຫລືຍຸກສົງຄາມເມືອງນີ້ມີການຕໍ່ສູ້ກັນຢ່າງຫ້ຽມໂຫດບໍ່.ຢ່າດ່າກັນເດີຂຽນຕາມຄວາມເຂົ້າໃຈ.
ທີ່ຈິງແລ້ວ ເມືອງຮ້ຽມ ເປັນຊື່ເດີມຂອງເມືອງວຽງທອງ ບໍ່ແມ່ນວ່າຈັ່ງຫາຕັ້ງຊື່ໃໝ່ຈາກເມືອງວຽງທອງເປັນເມືອງຮ້ຽມ
ແລະເມືອງຮ້ຽມນັ້ນບໍ່ແມ່ນເປັນເມືອງທີ່ມີເຈົ້າເມືອງປົກຄອງໃນເມື່ອກ່ອນ ເປັນພຽງຕາແສງເທົ່ານັ້ນ ແຕ່ຕາແສງນັ້ນ
ມີຊື່ວ່າເມືອງຮ້ຽມ ແລະປະກອບດ້ວຍຫລາຍບ້ານດັ່ງນີ້: ສົບຮີດ, ບ້ານໂງ່ນ, ບ້ານທາດ, ເມືອງຮ້ຽມ (ບໍ່ແມ່ນເມືອງ ແຕ່
ເປັນບ້ານ ບ້ານທາດແລະບ້ານເມືອງຮ້ຽມຕິດກັນ ແລະເປັນບ່ອນຕັ້ງຫ້ອງການຕາແສງຜູ່ທີ່ບ້ານເມືອງຮ້ຽມນີ້) ບ້ານແໝນ,
ນາມີ, ບ້ານໂຄ້ງ, ຫ້ວຍວັນ, ປຸ່ງໄຮ, ສົບສຽມ ແລະສົບຄາວ. ໃນການປົກຄອງຂອງລະບອບເກົ່ານັ້ນ ຕ້ແສງເມືອງຮ້ຽວໄດ້ຂຶ້ນ
ກັນເມືອງປາກແຊງ ແລະຂຶ້ນກັບແຂວງຫລວງພະບາງ.
ເມືອງຮ້ຽມເປັນຖິ່ນທີ່ອຸດົມສົມບູນໄປດ້ວຍປູປານານ້ຳ ແລະເປັນເຂດທີ່ມີດິນເໝາະສົມກັນການກະເສດ ແລະພິເສດສຸດແມ່ນ
ມີປຸ່ງຮ້ອນທີ່ມີນ້ຳຮ້ອນຝົດອອກມາຈາກໜ້າດິນແລ້ວເປັນປຸ່ງເປັນເບື່ອມ ຮ້ອນຈົນໄທບ້ານເມືອງຮ້ຽມພາກັນໄປຫາໜໍ່ໄມ້ແລະ
ມັນປ່າມາຕົ້ມຢູ່່ປຸ່ງຮ້ອນນັ້ນຈົນສູກແລດກິນໄດ້ກ່ອນຈະນຳເອົາເມືອເຮືອນ. ປູ່ງນີ້ມີຊື່ວ່າປຸ່ງຮ້ອນ ແລະໄດ້ໄຫລລົງມາປ່ອງໃສ່ຫ້ວຍ
ນ້ຳເປັນຫ້ວຍໜຶ່ງທັງເປັນແລະໃສສະອາດ ແລະກໍເໝາະສົມກັບຄົນລັງໄປອາຍນ້ຳຍາມໜາວໂດຍບໍ່ໄດ້ຕົ້ມນ້ຳອາຍ. ສາຍຫ້ວຍນ້ຳ
ອູ່ນນີ້ກໍໃສ່ຊື່ວ່າຫ້ວຍປຸ່ງຮ້ອນ ແລະພະລານຫີນເກີດຂຶ້ນດ້ວຍທຳມະຊາດເໝືອນດັ່ງເອົາຄອນກຣິດໄປປູແລະມີຢູ່ 3 ຖ້ານນຳກັນ
ແລະແຕ່ລະຖ້ານກໍມີພະລານຫີນແບບດຽວກັນດັ່ງນີ້: ຖ້ານທີ່ 1 ຢູ່ເທິງໝູ່ ໄດ້ຈັດໃຫ້ເປັນບ່ອນອາຍນ້ຳພະສົງ, ຖ້ານທີ່ 2 ຈັດເປັນ
ບ່ອນອາບນ້ຳຂອງປະຊາຊົນທຳມະດາ ແລະຖ້ານທີ່ 3 ຢູ່ລຸ່ມສຸດໄດ້ຈັດໃຫ້ຄົນຜູ້ເປັນຂີ້ຫິດຂີ້ທູດອາບ. ໃນ50 ປີກ່ອນນັ້ນພວກທີ່ເປັນ
ຂີ້ຫິດຂີ້ທູດໄປອາຍນ້ຳຜຸ່ງຮ້ອນຢູາບ້ານເມືອງຮ້ຽມແມ່ນດິປານປິດຖີ້ມຈົນເປັນຊ່າເປັນລືກັນ.
ຂ້າພະເຈົ້າເປັນຄົນ ບ້ານແໝນ ຕາແສງເມືອງຮ້ຽມ ເມືອງປາກແຊງ ແຂວງຫຼວງພະບາງ. ບ້ານແໝນກັບເມືອງຮ້ຽມແມ່ນຂັ້ນກັນ
ດ້ວຍທົ່ງນາ ສະນັ້ນຂ້າພະເຈົ້າຈຶ່ງຮູ້ດີ ແຕ່ໜ້າເສັຍດາຍທີ່ຂ້າພະເຈົ້າບໍ່ເຄີຍກັບເມືອຢາມບ້ານເດີມຈັກເທື່ອ, ທຽວເມືອຢາມລາວຈົນນັບ
ເທື່ອບໍ່ໄດ້ແຕ່ບໍ່ມີໂອກາດເມືອຢາມບ້ານຖິ່ນກຳເນີດຂອງຕົນເອງ.
Anonymous wrote:Anonymous wrote:ຊື່ວຽງທອງຈົບງາມຫລາຍແລ້ວ ຄວາມມີກະຄືບ່ອນຢູ່ຂອງຄົນມີຄວາມສຸກຄວາມຈະເລີນ ຫລື ເມືອງທີ່ເອ້ຍ້ອງດວ້ຍຄຳດວ້ຍທອງບາດນີ້ມາປ່ຽນເປັນ ຮ້ຽມ ອາດຊິຫມາຍເຖິິງເມືອງຫ້ຽມໂຫດ ປ່າເຖື່ອນ ບໍ່ຫລືຈັງໃດ.ຫລືຍຸກສົງຄາມເມືອງນີ້ມີການຕໍ່ສູ້ກັນຢ່າງຫ້ຽມໂຫດບໍ່.ຢ່າດ່າກັນເດີຂຽນຕາມຄວາມເຂົ້າໃຈ.
ເຈົ້າເວົ້າຄວາມໝາຍຂອງເມືອງ ວຽງທອງ ກະຖືກຢູ່ແຕ່ບໍ່ຄັກ
ວຽງ ແປວ່າ ກຳແພງ ຮົ້ວກັ້ນ
ທອງ ແປວ່າ ໂລຫະຊະນິດໜຶ່ງ ອາດຈະເປັນ
ທອງຂາວ(Platinum), ທອງຄຳ(Gold), ທອງເຫລືອງ(Braze), ທອງແດງ(Bronze)
ແປວ່າ : ກຳແພງທີ່ອ້ອມຮອບໄປດ້ວຍ ທອງ (ຂາວ, ຄຳ, ເຫລືອງ ແລະ ແດງ)
ມີຄວາມອຸດົມສົມບູນ ແລະ ຮັ່ງມີ ຫລາຍ
ປານໃດ ຖະນົນ ເລກທີ 13 ຈະປ່ຽນສື່ເປັນ ຖະນົນ ຟາມວັນດົົົ້ງ.
ມະຫາວິທະຍາລັຍແຫ່ງຊາດກໍຕ້ອງປ່ຽນສືເປັນ ມະຫາວິທະຍາລັຍ ໂງວັນກຽບ.
ບາງເມືອງປ່ຽນຊື່ໃໝ່ເປັນເມືອງໄກສອນ ເມືອງສຸພານຸວົງ ....
ບັດເມືອງນີ້ຄືມາປ່ຽນເປັນຊື່ເກົ່າຟັງບໍ່ມ່ວນ ຢາກຮູ້ເຫດຜົນແລະຄວາມຄຶດເພິ່ນເດ
ຫຼວງພະບາງຄືບໍ່ປ່ຽນເປັນເມືອງຊົວ ຫຼື ຊວາ
ຂປລ. ໃນວັນທີ 24 ມັງກອນ 2014 ທີ່ເມືອງວຽງທອງ, ແຂວງຫົວພັນ ໄດ້ຈັດພິທີປະກາດແຍກ ແລະ ປ່ຽນຊື່ ເມືອງວຽງທອງ ເປັນເມືອງຊ່ອນ ແລະ ເມືອງຮ້ຽມ ຂຶ້ນຢ່າງເປັນທາງການຕາມດຳລັດຂອງນາຍົກລັດຖະມົນຕີ ສະບັບເລກທີ 338/ນຍ, ລົງວັນທີ 5 ທັນວາ 2013 ໂດຍໃຫ້ກຽດເຂົ້າຮ່ວມ ພິທີຂອງທ່ານ ທອງສິງ ທຳມະວົງ ນາຍົກລັດຖະມົນຕີ, ທ່ານ ດຣ. ສິນລະວົງ ຄຸດໄພທູນ ລັດຖະມົນຕີ, ຫົວໜ້າຫ້ອງວ່າການລັດຖະບານ, ທ່ານ ຄຳຮຸ່ງ ເຮືອງວົງສີ ເຈົ້າແຂວງໆຫົວພັນ, ມີຜູ້ຕາງໜ້າຈາກ ຄະນະຈັດຕັ້ງສູນກາງພັກ ແລະ ກະຊວງພາຍໃນ, ພ້ອມດ້ວຍການນຳຂອງແຂວງ-ເມືອງ, ພະນັກງານປະຕິວັດ-ອາວຸໂສບຳນານ, ພະນັກງານ-ລັດຖະກອນ, ເລຂາພັກກຸ່ມບ້ານ, ນາຍບ້ານ ແລະ ປະຊາຊົນເຂດເທດສະບານເມືອງວຽງທອງ (ໃນອະດີດ) ກໍຄື ເມືອງຮ້ຽມໃນປະຈຸບັນ ເຂົ້າຮ່ວມ. ໃນໂອກາດດັ່ງກ່າວ, ທ່ານເຈົ້າແຂວງໆຫົວພັນ ໄດ້ລາຍງານໃຫ້ຮູ້ວ່າເມືອງວຽງທອງ ໄດ້ຮັບການສ້າງຕັ້ງຂຶ້ນຢ່າງເປັນທາງການ ໃນວັນທີ 27 ກໍລະກົດ 1976. ຊຶ່ງຕະຫລອດໄລຍະ 38 ປີທີ່ຜ່ານມາ ເຖິງແມ່ນວ່າ ເມືອງວຽງທອງ ຈະໄດ້ຮັບການພັດທະນາໃນທຸກດ້ານດີຂຶ້ນເປັນກ້າວໆ ແຕ່ເມື່ອທຽບໃສ່ກັບ ຄວາມຮຽກຮ້ອງຕ້ອງການ ຂອງໜ້າທີ່ການເມືອງໃນໄລຍະໃໝ່ກໍຄືການສ້າງເງື່ອນໄຂໃຫ້ແກ່ ການພັດທະນາເສດຖະກິດ-ສັງຄົມ ໃຫ້ມີຄວາມສະດວກ, ມີຈຸດສຸມ ແລະ ໄວຂຶ້ນກວ່າເກົ່າ. ດັ່ງນັ້ນ, ພັກ-ລັດຖະບານຈຶ່ງໄດ້ຕົກລົງແບ່ງອອກເປັນສອງເມືອງ ຄື: ເມືອງຊ່ອນ ແລະ ເມືອງຮ້ຽມ. ໃນນັ້ນ, ເມືອງຊ່ອນ ເປັນເມືອງເກົ່າແກ່ຂອງແຂວງຫົວພັນ ໄດ້ຮັບນາມມະຍົດເປັນເມືອງວິລະຊົນແຫ່ງຊາດ, ມີເນື້ອທີ່ 2.072 ກິໂລຕາແມັດ, ປະກອບມີ 32 ບ້ານ, ແບ່ງເປັນ 5 ກຸ່ມບ້ານ, ມີພົນ ລະເມືອງ 14.450 ຄົນ, ຍິງ 7.034 ຄົນ ໂດຍແຕ່ງຕັ້ງ ທ່ານ ພັນໂທ ສິງພອນ ເລືອງຄຳມາ ເປັນເລຂາພັກເມືອງ, ເຈົ້າເມືອງໆຊ່ອນ. ສຳລັບເມືອງຮ້ຽມ ກໍເປັນເມືອງເກົ່າແກ່ ທີ່ເປັນສ່ວນໜຶ່ງຂອງແຂວງຫລວງພະບາງ ແລະ ແຂວງຫົວພັນ; ມີເນື້ອທີ່ທັງໝົດ 1.581 ກິໂລຕາແມັດ, ປະກອບມີ 37 ບ້ານ, ແບ່ງເປັນ 5 ກຸ່ມບ້ານ, ມີພົນລະເມືອງທັງໝົດ 13.277 ຄົນ, ຍິງ 6.719 ຄົນ ໂດຍແຕ່ງຕັ້ງ ທ່ານ ນ. ບົວລຽນ ຄຳໝື່ນຄຸນ ເປັນ ເລຂາພັກເມືອງ, ເຈົ້າເມືອງໆຮ້ຽມ. ພ້ອມກັນນັ້ນ, ແຕ່ລະເມືອງ ປະກອບດ້ວຍຄະນະບໍລິຫານງານພັກເມືອງຈຳນວນ 17 ສະຫາຍ ແລະ ຄະນະປະຈຳພັກ ເມືອງລະ 5 ສະຫາຍ. ເພື່ອເປັນທິດນຳ ແລະ ຮັບປະກັນໃຫ້ແກ່ການຈັດຕັ້ງປະຕິວັດວຽກງານຢູ່ສອງເມືອງດັ່ງກ່າວ ໃຫ້ໄດ້ຮັບຜົນດີນັ້ນ, ທ່ານນາຍົກລັດຖະມົນຕີ ໄດ້ໃຫ້ກຽດ ໂອ້ລົມຕໍ່ພິທີ, ຊຶ່ງທ່ານໄດ້ຊີ້ນຳໃຫ້ການນຳຂອງແຂວງ,ເມືອງ ແລະ ພາກສ່ວນກ່ຽວຂ້ອງ ເອົາໃຈໃສ່ເຊື່ອມຊຶມນ້ຳໃຈຮັກຊາດ, ຈິດໃຈເອກະລາດ, ເປັນ ເຈົ້າຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ; ການພັດທະນາ ຕ້ອງອີງໃສ່ຄວາມສາມາດຕົວຈິງທີ່ມີ (ບໍ່ຟ້າວຟັ່ງເກີນໄປ); ສຸມທຸກກຳລັງ ເຂົ້າໃສ່ການພັດທະນາ-ຜະລິດເປັນສິນຄ້າ, ເພີ່ມທະວີຮັດແໜ້ນຄວາມສາມັກຄີຊ່ວຍເຫລືອເຊິ່ງກັນ ແລະ ກັນ, ແຂ່ງ ຂັນກັນພັດທະນາດ້ວຍຈິດໃຈສ້າງສັນ; ຕ້ອງກຳແໜ້ນສະພາບການຕົວຈິງຂອງເມືອງ ເພື່ອນຳໃຊ້ເງື່ອນໄຂສະດວກ ທ່າແຮງບົ່ມຊ້ອນເຂົ້າໃນການພັດທະນາ ແລະ ຊອກຫາວິທີແກ້ໄຂສະພາບ ຄວາມຫຍຸ້ງຍາກ-ສິ່ງທ້າທາຍຕ່າງໆ; ເອົາໃຈໃສ່ຄຸ້ມຄອງ-ນຳໃຊ້ງົບປະມານ ດ້ວຍນະໂຍບາຍປະຢັດມັດທະຍັດ; ພັດທະນາຊັບພະຍາກອນມະນຸດ ໃຫ້ເປັນຄົນດີ, ສະຫລາດ, ມີຄວາມສາມາດ, ມີສຸຂະພາບແຂງແຮງ ດ້ວຍການຂະຫຍາຍໂຮງຮຽນ-ໂຮງໝໍໃຫ້ທົ່ວເຖິງ, ຍົກລະດັບການຮຽນ-ການສອນ ແລະ ຈັນຍາບັນຂອງແພດໝໍ ໃຫ້ສູງຂຶ້ນ; ເພີ່ມທະວີການນຳພາຕໍ່ວຽກງານ ປກຊ-ປກສ, ມີສະຕິລະວັງຕົວຕອບຕ້ານກົນອຸບາຍຂອງສັດຕູ, ແກ້ ໄຂໜໍ່ແໜງທີ່ຈະພາໃຫ້ເກີດຄວາມບໍ່ສະຫງົບ ແລະ ປະກົດການຫຍໍ້ທໍ້ໃນສັງຄົມ;ແຂ່ງຂັນກັນສ້າງກົມກອງແຂງ-ໜ່ວຍພັກແຂງ ຮູ້ນຳພາຮອບດ້ານ, ຊຸກຍູ້ຂະ ບວນການວຽກງານກໍ່ສ້າງຮາກຖານການເມືອງ ຕາມ 4 ເນື້ອໃນ 4 ຄາດໝາຍ ໄປພ້ອມໆກັບການປະຕິບັດວຽກງານ 3 ສ້າງ ໃຫ້ເປັນປົກກະຕິ, ຕໍ່ເນື່ອງ, ມີຈຸດສຸມ ແລະ ກາຍເປັນຕົວແບບ; ເອົາໃຈໃສ່ປະຕິບັດແນວທາງການຕ່າງປະເທດຂອງພັກເຮົາ, ຮ່ວມມືກັບຕ່າງປະເທດ ເພື່ອຍາດແຍ່ງເອົາການ ຊ່ວຍເຫລືອດ້ານເສດຖະກິດ ແຕ່ຕ້ອງເຊີດຊູສະຕິລະວັງຕົວຕໍ່ການແຊກຊ້ອນ ແລະ ມ້າງເພພາຍໃນ, ສືບຕໍ່ຮ່ວມມືກັບປະເທດເພື່ອນມິດໃຫ້ແໜ້ນແຟ້ນ ໂດຍສະເພາະແມ່ນເມືອງທີ່ມີຊາຍແດນຕິດຈອດ; ຮຽກຮ້ອງໃຫ້ຄະນະບໍລິຫານງານພັກເມືອງ ເມືອງຊ່ອນ ແລະ ເມືອງຮ້ຽມ ເພີ່ມທະວີຄວາມສາມັກຄີພາຍ ໃນຄະນະໃຫ້ເປັນປຶກແຜ່ນແໜ້ນໜາ ໂດຍເອົາໃຈໃສ່ປະຕິບັດຫລັກການຕຳນິ, ກວດກາຕົນເອງ, ກໍ່ສ້າງໝູ່ດ້ວຍຄວາມຈິງໃຈ, ຕ້ອງກ້າຄິດ, ກ້າເຮັດ ແລະ ກ້າຮັບຜິດຊອບ; ຄະນະພັກ ຕ້ອງເປັນແບບຢ່າງໃຫ້ຂັ້ນລຸ່ມ, ສະມາຊິກພັກຕ້ອງເປັນແບບຢ່າງໃຫ້ມະຫາຊົນ, ພະນັກງານຕ້ອງເປັນແບບຢ່າງໃຫ້ປະຊາຊົນ ໃນດ້ານແບບແຜນດຳລົງຊີວິດ ທີ່ຖືກຕ້ອງ-ປອດໃສຂາວສະອາດ, ມີທັດສະນະຫລັກໝັ້ນ, ປັບປຸງແບບແຜນວີທີເຮັດວຽກຂອງຄະນະພັກແຕ່ລະຂັ້ນ ຕາມຫລັກການລວມສູນປະຊາທິປະໄຕ, ບຸກຄົນຮັບຜິດຊອບ-ຕັດສິນເປັນໝູ່ຄະນະ, ສຽງສ່ວນໜ້ອຍຂຶ້ນກັບສຽງສ່ວນຫລາຍ; ກຳນົດແຈ້ງ ສິດຂອບ ເຂດຄວາມຮັບຜິດຊອບ, ແບ່ງວຽກໃຫ້ແຕ່ລະສະຫາຍຮັບຜິດຊອບຢ່າງຈະແຈ້ງ ແລະ ປະຕິບັດລະບອບການສ່ອງແສງລາຍງານໃຫ້ແກ່ຂັ້ນເທິງເປັນປົກກະຕິ.
