ໃນຕອນບ່າຍຂອງວັນທີ 17 ມັງກອນນີ້, ທ່ານຮອງນາຍົກລັດຖະມົນຕີຜູ້ຊີ້ນຳວຽກ ເສດຖະກິດ ສົມສະ ຫວາດ ເລັ່ງສະຫວັດ ໄດ້ໃຫ້ກຽດໂອ້ລົມຕໍ່ກອງປະຊຸມເປີດ ກວ້າງກາງສະໄໝຂອງຄະນະພັກກະ ຊວງອຸດສາຫະກຳ ແລະ ການຄ້າໂດຍໄດ້ເນັ້ນ ໃຫ້ຄະນະນຳກະຊວງດັ່ງກ່າວສືບຕໍ່ເພີ່ມທະວີການຊີ້ນຳໆພາວຽກງານຂອງຕົນ ໃຫ້ ດີກວ່າ ເກົ່າໂດຍສະເພາະໃຫ້ເອົາໃຈໃສ່ຈັດຕັ້ງຜັນຂະຫຍາຍ 4 ບຸກທະລຸຕາມເນື້ອໃນ ຈິດໃຈຂອງມະຕິ 9 ຂອງພັກໃຫ້ມີ ຜົນສຳເລັດສູງຂຶ້ນ.
ທ່ານຮອງນາຍົກລັດຖະມົນຕີ ສົມສະຫວາດ ເລັ່ງສະຫວັດ ກ່າວວ່າ: ການບຸກທະລຸທີໜຶ່ງຄື: ດ້ານຈິນຕະນາການ, ພາຍຫລັງ ສປປ ລາວ ໄດ້ເຂົ້າເປັນສະມາຊິກອົງການໆຄ້າໂລກເມື່ອບໍ່ດົນມານີ້, ລວມທັງມີການກະກຽມຄວາມພ້ອມໃນທຸກດ້ານ ເພື່ອ
ເຂົ້າຮ່ວມປະຊາຄົມເສດຖະກິດອາຊຽນໃນປີ 2015 ຂະແໜງອຸດສາຫະກຳ-ການຄ້າ ຕ້ອງມີຄວາມເຂົ້າໃຈຢ່າງເລິກເຊິ່ງ ແລະ ມີການຍົກລະດັບຖອດຖອນບົດຮຽນຈາກຕ່າງປະເທດ, ຮູ້ຍາດແຍ່ງກາລະ ໂອກາດ, ວາງແຜນຍຸດທະສາດພັດທະນາວຽກ ງານການຄ້າທັງໄລຍະສັ້ນ, ໄລຍະຍາວ ເພື່ອໃຫ້ເກີດຜົນປະໂຫຍດ ສູງສຸດຕໍ່ປະເທດເຮົາ. ບຸກທະລຸອັນທີສອງກໍຄືດ້ານການ ພັດທະນາຊັບພະຍາກອນມະນຸດຊຶ່ງມີຄວາມສຳຄັນຫລາຍໂດຍໃຫ້ມີການກວດກາປັບປຸງໂຄງປະກອບການຈັດຕັ້ງໃຫ້ເປັນລະ ບົບຄົບຊຸດ, ເອົາໃຈໃສ່ບຳລຸງກໍ່ສ້າງພະນັກງານ-ບຸກຄະລາກອນໃຫ້ມີຄວາມຮູ້ຄວາມໃຫ້ເຂົ້າໃຈເລິກກ່ຽວກັບວຽກການຄ້າໂດຍ ສະເພາະແມ່ນບັນດາລະບຽບການ ຂອງ WTO ແລະ AEC ຊຶ່ງເປັນວຽກງານອັນຮີບດ່ວນ ແລະ ຈຳເປັນທັງໃນສູນກາງ ແລະ ທ້ອງຖິ່ນ, ໃນນັ້ນບໍ່ພຽງແຕ່ການສ້າງບຸກຄະລາກອນໃຫ້ມີຄວາມສາມາດດ້ານວິຊາສະເພາະແຕ່ຕ້ອງມີຄວາມຮູ້ດ້ານກົດ ໝາຍສາກົນແລະ ຄວາມຮູ້ດ້ານພາສາຕ່າງປະເທດນຳອີກ. ສຳຄັນໃຫ້ເອົາໃຈໃສ່ສ້າງບຸກຄະລາກອນທີ່ຈະສາມາດເປັນຕົວແທນຂອງປະ ເທດປະຈຳຢູ່ WTO ແລະ ອົງການຈັດຕັ້ງສາກົນ ອື່ນໆ. ສ່ວນການບຸກທະລຸທີສາມດ້ານລະບອບ-ລະບຽບການຍ້ອນວ່າຂະແໜງອຸດສາຫະກຳ-ການຄ້າໄດ້ຕິດພັນກັບ ຕ່າງປະເທດຜ່ານມາມີຫລາຍວຽກງານທີ່ໄດ້ຮັບການຈັດຕັ້ງປະຕິບັດໄດ້ດີໂດຍສະເພາະວຽກງານຜ່ານປະຕູດຽວ ແລະ ອື່ນໆ, ແຕ່ຄວນສືບຕໍ່ມີການປັບປຸງແກ້ໄຂບັນຫາຫລາຍຂອດຫລາຍຂັ້ນຕອນໃຫ້ດີຂຶ້ນກວ່າເກົ່າ, ເຮັດໃຫ້ຜູ້ ປະກອບການ ຫລື ຫົວໜ່ວຍທຸລະກິດສາມາດຂົນສົ່ງເຄື່ອນຍ້າຍສິນຄ້າໄດ້ສະດວກວ່ອງໄວກວ່າເກົ່າ ແລະ ໃຫ້ມີ ການປະສານງານກັບພາກສ່ວນກ່ຽວຂ້ອງຮ່ວມກັນແກ້ໄຂບັນຫາທີ່ທ່ວງດຶງ ແລະ ຫຍຸ້ງຍາກໃນຂົງອຸດສາຫະກຳ-ການຄ້າ, ເອົາໃຈໃສ່ຄຸ້ມຄອງການນຳເຂົ້າ-ສົ່ງອອກສິນຄ້າປະເພດຕ່າງໆລວມທັງນ້ຳມັນເຊື້ອໄຟຊຶ່ງເປັນສິນຄ້ານຳເຂົ້າ ຈາກຕະຫລາດໂລກທີ່ມີການປ່ຽນແປງດ້ານລາຄາຢ່າງຕໍ່ເນື່ອງ ແລະ ໃຫ້ເພີ່ມທະວີການຄຸ້ມຄອງກວດກາບັນດາໂຮງ ຈັກ-ໂຮງງານອຸດສາຫະກຳໂດຍສະເພາະໂຮງງານປະກອບລົດຢ່າງເຂັ້ມງວດ ແລະ ການບຸກທະລຸອັນທີສີ່ຄືດ້ານການ
ແກ້ໄຂຄວາມທຸກຍາກໂດຍໃຫ້ຂະແໜງການຄົ້ນຄວ້າຄືນໃໝ່ປັດຈຸບັນປະຊາຊົນທີ່ທຸກຍາກສ່ວນໃຫຍ່ແມ່ນຢູ່ໃນເຂດຫ່າງໄກສອກຫລີກ, ຄວນມີຍຸດທະສາດສົ່ງເສີມການຄ້າ-ການບໍລິການເພື່ອໃຫ້ຊາວຊົນນະບົດໄດ້ຊົມ ໃຊ້ສິນຄ້າທີ່ມີລາຄາຖືກ (ຍ່ອມເຍົາ), ທັງນີ້ໃນໄລຍະຜ່ານມາ ເຖິງວ່າລັດຖະບານໄດ້ມີນະໂຍບາຍມາແລ້ວແຕ່ປະ ຊາຊົນກໍຍັງບໍ່ໄດ້ຮັບຄວາມເປັນທຳເທົ່າທີ່ຄວນ. ຢ່າງໃດກໍຕາມໃຫ້ຂະແໜງການຄ້າຊ່ວຍເຫລືອດ້ານຕະຫລາດເພາະ ຜ່ານມາປະຊາຊົນຜະລິດແລ້ວແຕ່ຕະຫລາດຈຳໜ່າຍຍັງຈຳກັດ, ສະນັ້ນໃຫ້ເອົາໃຈໃສ່ສ້າງສິ່ງອຳນວຍໃຫ້ຜະລິດຕະ ພັນສາມາດສົ່ງອອກຕ່າງປະເທດໃຫ້ຫລາຍຂຶ້ນ. ຄວນດຳເນີນການສ້າງກອງທຶນຮັບຊື້ສິນຄ້າຈາກຊົນນະບົດ, ສົ່ງເສີມ ຜະລິດຕະພັນທ້ອງຖິ່ນທີ່ມີຄຸນະພາບເພື່ອສ້າງລາຍຮັບໃຫ້ຊຸມຊົນ. ປັດຈຸບັນລັດຖະບານໄດ້ເລັ່ງພັດທະນາພື້ນຖານ ໂຄງລ່າງຕິດພັນກັບການພັດທະນາຊົນນະບົດແກ້ໄຂຄວາມທຸກ ຍາກຂອງປະຊາຊົນ, ການພັດທະນາກຸ່ມບ້ານ ແລະ ວຽກສາມສ້າງ, ສະພະນັກງານ-ສະມາຊິກພັກໃນທົ່ວປະເທດກໍຄືຂົງເຂດອຸດສາຫະກຳ-ການຄ້າສິ່ງສຳຄັນຕ້ອງມີນ້ຳ ໃຈທັດສະນະຮັບໃຊ້ປະຊາຊົນໂດຍການແກ້ໄຂຢ່າງຮີບດ່ວນ ແລະ ຕໍ່ເນື່ອງກ່ຽວກັບບັນຫາຜະລິດແລ້ວບໍ່ມີບ່ອນ ຂາຍ ຫລື ສົ່ງອອກ.
