ພາຍຫລັງພະແນກໂຍທາທິການ ແລະ ຂົນສົ່ງນະຄອນ ຫລວງວຽງຈັນ ໄດ້ມອບໃຫ້ບໍລິ ສັດ ສາມປະສານລາວ ຈຳກັດ ເປັນຜູ້ຮັບເໝົາກໍ່ສ້າງເສັ້ນທາງຈາກ 3 ແຍກບ້ານວັງຊາຍ-ຊຳເຄ້-ບ້ານໂຊກນ້ອຍ ແຕ່ເສັ້ນທາງ 450 ປີ ຕັດໃສ່ເສັ້ນທາງຫລັກ 21 ເປັນທາງເບຕົງ ມີຄວາມຍາວ 7 ກວ່າກິໂລແມັດ, ແຕ່ມີຄວາມຊັກຊ້າໃນການກໍ່ສ້າງ ເມື່ອເປັນດັ່ງ ນັ້ນ ພະແນກໂຍທາທການ ແລະ ຂົນສົ່ງນະຄອນຫລວງວຽງຈັນ ຈຶ່ງຕົກລົງແບ່ງການອອກເປັນສອງໄລຍະ ຄືໄລຍະທີ 1 ແຕ່ສາມແຍກບ້ານວັງຊາຍ-ບ້ານໂຊກນ້ອຍ ມີຄວາມຍາວ 4 ກິໂລແມັດ ມີມູນຄ່າກວ່າ 120 ຕື້ກີບ ແມ່ນມອບໃຫ້ບໍລິສັດ ສຸດສະດາກໍ່ສ້າງຂົວທາງ ຈຳກັດ ເປັນຜູ້ຮັບເໝົາລົງທຶນກ່ອນ, ສ່ວນໄລຍະທີ 2 ແຕ່ບ້ານໂຊກນ້ອຍຫາເສັ້ນທາງ 450 ປີ-ຫລັກ 21 ມີຄວາມຍາວ 3 ກວ່າກິໂລແມັດ ມີມູນຄ່າ 49 ຕື້ກວ່າກີບ ແມ່ນບໍລິສັດ ສາມ
ປະສານລາວ ຈຳກັດ ເປັນຜູ້ລົງທຶນກໍ່ສ້າງ ແລະ ໄດ້ລົງມືມາແຕ່ຕົ້ນປີ 2012 ໂດຍຈະໃຫ້ສຳເລັດພາຍໃນ 18 ເດືອນ, ແຕ່ມາຮອດປັດຈຸບັນ ການກໍ່ສ້າງຂອງທັງສອງບໍລິສັດແມ່ນຍັງບໍ່ມີຄວາມຄືບໜ້າ ຊຶ່ງ ຊ່ວງໄລຍະການກໍ່ສ້າງແຕ່ 3 ແຍກບ້ານວັງຊາຍຫາບ້ານຊຳເຄ້-ບ້ານໂຊກນ້ອຍສຳເລັດພຽງການປູເບຕົງໄດ້ສ່ວນໃດໜຶ່ງ ແລະ ສ້າງຂົວ 2 ແຫ່ງ ພ້ອມເອົາດິນມາຖົມທາງເທົ່ານັ້ນ, ສ່ວນໄລຍະບ້ານໂຊກນ້ອຍຫາເສັ້ນ ທາງ 450 ປີ ຕັດອອກທາງຫລັກ 21 ແມ່ນຢູ່ຂັ້ນຕອນປູເບຕົງ ເທົ່ານັ້ນ ເຊິ່ງຜ່ານການກວດກາຂອງພາກສ່ວນກ່ຽວຂ້ອງຕໍ່ຄວາມຊັກຊ້າຂອງໂຄງການດັ່ງ ກ່າວແມ່ນຍ້ອນຜູ້ຮັບເໝົາບໍ່ມີທຶນພຽງພໍທີ່ຈະສຸມໃສ່ການກໍ່ສ້າງໃຫ້ສຳເລັດຕາມກຳນົດໄດ້. ນອກ ຈາກນີ້ ຍັງມີໂຄງການກໍ່ສ້າງເສັ້ນທາງອື່ນໆເຊັ່ນ: ເສັ້ນທາງຫົວຂົວ-ໂນນຄໍ້-ນາຄວາຍ ກໍມີຄວາມຊັກຊ້າເຊັ່ນດຽວກັນ ອັນໄດ້ສ້າງຄວາມຫຍຸ້ງຍາກບໍ່ໜ້ອຍຕໍ່ການສັນຈອນໄປມາຂອງປະ ຊາຊົນ.
