Pasalao

ຂ່າວ: ບຸນ​ນິກ

   ເກີດ​ຂຶ້ນ​ອີກ​ແລ້ວ​ກໍ​ລະ​ນີ້ຂົວ​ຫັກ​ຢູ່​ແຂວງ​ວຽງ​ຈັນ​ເນື່ອງຈາກ​ລົດ​ບັນ­ທຸກ​ເກີນ​ຂະ­ຫນາດເປັນ​ເຫດ​ໃຫ້​ຂົວ​ບ້ານ​ໄຮ​ຢ່ອນຫຍຸບ​ຄາ​ຕີນລົດ.

   ຕໍ່​ເຫດ­ການ​ດັ່ງ­ກ່າວ​ນີ້ ທ່ານ ບຸນ​ສີ ກອງ​ມະ­ນີ​ວົງ ຫົວ­ຫນ້າຫ້ອງ​ວ່າ​ການ­ເມືອງ​ໂທລະ​ຄົມໄດ້​ເປີດ­ເຜີຍ​ໃຫ້​ຮູ້​ວ່າ: ໃນ​ວັນ​ທີ 5 ມັງ­ກອນ 2014 ເວ­ລາ 8:00 ໂມງ ໄດ້​ມີ​ລົດ​ຊີ­ມັງ​ມາ​ແຕ່​ນະ ຄອນ​ຫລວງ​ວຽງ​ຈັນ ເພື່ອ​ຈະໄປ​ສົ່ງ​ຊີ­ມັງ​ຢູ່​ແດນ​ສະ­ຫວັນ​ປະ ເພດ​ລົດ​ໂກ​ໂວ 12 ລໍ້ ຫມາຍ​ເລກທະ­ບຽນ ບກ 9920 ນະ­ຄອນ ຫລວງ​ວຽງ​ຈັນ ເຮັດ​ໃຫ້​ຂົວ​ຫັກຄາ​ທີ່ ສໍາລັບ​ປະ­ເພດ​ຂົວ​ແມ່ນ​ຂົວ ເຫລັກ 2 ແຖວ 2 ຊັ້ນ ຍາວ 36 ແມັດ ເຊິ່ງ​ຂັບ​ຂີ່​ໂດຍ ທ້າວ ແອ ອາ­ຍຸ 34 ປີ ອາ­ຊີບ​ຂັບ​ລົດ​ຢູ່​ບ້ານນາ​ຊາຍ ເມືອງ​ນາ​ຊາຍ​ທອງ ນະ          ຄອນ​ຫລວງ​ວຽງ​ຈັນ ເຊິ່ງ​ເປັນລົດ​ຂອງ ທ່ານ ທະ​ນົງ.

   ທ່ານ​ຍັງ​ໃຫ້​ຮູ້​ຕື່ມ​ວ່າ: ຂົວບ້ານ​ໄຮ​ຢ່ອນ​ແມ່ນ​ກໍ່­ສ້າງ​ມາ ໄດ້​ຫລາຍ​ປີ​ແລ້ວ ແລະ ຫວ່າງເດືອນ​ເມ­ສາ​ປີ 2013 ນີ້​ກໍ່​ໄດ້ມີ​ລົດ​ແກ່​ຊີ­ມັງທີ່​ເຮັດ​ໃຫ້​ຂົວ​ຫັກ ແລະ ມາ​ບາດ­ນີ້​ກໍ່​ແມ່ນລົດ​ຊີ­ມັງ​ອີກ ໂດຍ​ບັນ­ທຸກ​ນ້ໍາ­ຫນັກ 40 ໂຕນ ແລ່ນ​ຜ່ານ​ຂົວ​ທີ່​ອອກ​ແບບ​ມາ​ຮອງຮັບ​ນ້ຳ­ຫນັກ​ໄດ້​ພຽງ​ແຕ່ 20 ໂຕນ ສະນັ້ນ​ຈິ່ງ​ເປັນ​ເຫດ​ເຮັດ​ໃຫ້​ຂົວ​ຫັກ​ລົງ​ກັບ​ທີ່.

   ໃນ​ຕອນ​ແລງ​ວັນ​ດຽວ​ກັນ ທາງ​ຄະນະ​ກໍາ­ມະ­ການ​ໄດ້​ສົມ­ທົບ​ກັບ​ເຈົ້າ​ຂອງລົດ​ໄດ້​ປະ­ຊຸມ​ຄົ້ນ­ຄວ້າ ແລະ ເປັນ​ເອ­ກະພາບ​ມອບ​ຄວາມ​ຮັບ­ຜິດ­ຊອບ ເພື່ອ​ປະກອບ​ຄືນ​ຫມົດ​ໃນ​ມູນ​ຄ່າ 50 ກວ່າ​ລ້ານ ກີບ ໂດຍ​ພາຍ­ຫລັງ​ມ້າງ​ຂົວ​ແລ້ວ​ໃຫ້ ທ່ານ ທະ​ນົງ ເປັນ​ຜູ້​ກວດ­ກາ​ຊິ້ນ​ສ່ວນປະ­ກອບ​ຂົວ​ຫລັກ ແລະ ໄມ້​ທີ່​ໃຊ້​ບໍ່​ໄດ້ ເພື່ອ​ຫາ​ມາ​ໃສ່​ແທນ ພ້ອມ​ທັງ​ເບິ່ງ­ແຍງສ່ວນ​ຄ່າ​ສິ້ນ​ເປືອງ​ເປັນ­ຕົ້ນ 1 ການ​ປ້ອງກັນ​ເວນ­ຍາມ​ປ້າຍ​ຈະ­ລາ­ຈອນ​ໄຟ​ເຍືອງທາງສ່ວນ​ລົດ​ພາຍ­ຫລັງ​ທີ່​ເອົາ​ຊີ­ມັງອອກ​ຫມົດ​ແລ້ວ​ແມ່ນ​ມອບ​ໃຫ້​ທາງ​ເຈົ້າຫນ້າ­ທີ່​ຕາມ​ລະ­ບຽບ​ກົດ­ຫມາຍ​ຈົນ​ກວ່າຈະ​ແປງ​ຂົວ​ສໍາ­ເລັດ​ຈິ່ງ​ປ່ອຍ.

   ຢ່າງ­ໃດ​ກໍ່​ຕາມ ເຫດ­ການ​ທີ່​ຂົວ​ຫັກໃນ​ຄັ້ງ​ນີ້​ຢ່າງ​ນ້ອຍ​ກໍ່​ບໍ່​ມີ​ຄົນ​ໄດ້​ຮັບ​ບາດເຈັບ ແລະ ເສຍ​ຊີ­ວິດ ແຕ່​ຕ້ອງ​ໃຊ້​ເວ­ລາ​ໃນການ​ທັບ​ມ້າງ ໂດຍ​ສ້ອມ­ແປງ​ຄືນ​ທາງຄະ­ນະ​ກໍາ­ມະ­ການ​ຈະ​ໃຫ້​ສຳ­ເລັດ​ພາຍ​ໃນຫນຶ່ງ​ເດືອນ ນັບ​ຈາກ​ນີ້​ການ​ສັນ­ຈອນ​ໃຫ້ກັບ​ຄືນ​ມາ­ສູ່​ສະ­ພາບ​ປົກ­ກະ­ຕິ ໂດຍ​ປະ­ຈຸບັນ​ຈຸດ​ດັ່ງ­ກ່າວ​ແມ່ນ​ບໍ່​ມີ​ທາງ​ເວັ້ນ ເຊິ່ງມັນ​ໄດ້​ສ້າງ​ຄວາມ​ຫຍຸ້ງ­ຍາກ​ໃນ​ການ​ສັນຈອນ​ສໍາ­ລັບ​ຄົນ​ຂີ່​ລົດ​ໃຫຍ່​ໃນ​ເວ­ລາ​ທີ່​ກໍ່ສ້າງ.