Pasalao

ມາຫາວິທີໃຫ້ຄວາມຊວາຍເຫືລອພີ່ນອ້ງລາວ ກະເສດຕະກອນ  ຄົນລະໄມ້ລະມືເດີ້ພີ່ນອ້ງເອີ້ຍ!! ຂອ້ຍກະມີວິທີນຶ່ງທີ່ຈະແນະນໍາໃຫ້ ຄື ມີເເວບໃຊ້ນື່ງຊື່ວ່າ www.Alibaba.com ກົດລີ້ງນີ້ http://www.alibaba.com/trade/search?fsb=y&IndexArea=product_en&CatId=&SearchText=laos+coffee ຈະມີແຕ່ພໍ່ຄ້າລາຍໃຫຍ່ທົ່ວໂລກ ເຂົ້າມາຊື້ໃນນີ້ ມັນເປັນຮ້ານ ຂາຍລາຄາສົ່ງ ແຕ່ພະຍາຍາມວາງລາຄາໃຫ້ຕໍ່າທີ່ສຸດເທົ້າທີ່ຈະຕໍ່າໄດ້ ແຕ່ຕອ້ງໄດ້ລົງທະບຽນ ເສັຽຄ່າທໍານຽມເລັກນອ້ຍ ຂໍໃຫ້ໂຊກດີເດີ້ ຈະຫາວິທີອື່ນອີ້ກຖ້າມີຈະບອກ ຂອບໃຈ

Anonymous wrote:

---

ຂໍຊົມເຊີຍທ່ານຕົວໜັງສືສີຂຽວ ທີ່ໃຫ້ຄຳເຫັນແບບນັກວິຊາການດ້ານການຜະລິດ ແລະ ດ້ານການຕະຫຼາດ  Processing and Value adding ຊຶ່ງເປັນແນວທາງທີ່ດີຫຼາຍສຳລັບການຫຼີກຈາກການເອົາປຽບຂອງພໍ່ຄ້າມືກາງ ແລະເມື່ອໃດຫາກ ພໍ່ປ້ານ ສາມາດສ້າງກຸ່ມ ຜະລິດກາເຟຄົບວົງຈອນໄດ້ ນອກຈາກເພິ່ນຈະມີລາຍຮັບເປັນກອບເປັນກຳແລ້ວ ຍັງຈະຊ່ວຍສ້າງວຽກເຮັດງານທຳໃຫ້ຊາວບ້ານນຳອີກ...

---

 ທ່ານເວົ້າຫັນມັນງ່າຍ ໂຄງການຕ່າງໆເຂົາຄິດເຂົາເຮັດມາໝົດແລ້ວແຕ່ມັນຍັງຫາຕົວທີ່ເປັນແບບຢ່າງໄດ້ຢາກຍ້ອນເຫດຜົນ:

1. ເຮັດເລື່ອງການປຸງແຕ່ງແລະການຕະຫຼາດມັນບໍ່ແມ່ນເລື່ອງງ່າຍ ເພາະມັນຕ້ອງອາໃສຄວາມຮູ້ ການຄຸມຄຸນນະພາບ ການສ້າງແບຣນໃຫ້ເປັນທີ່ເຊື່ອຖືແລະຍອມຮັບ

2. ຊາວກະສິກອນສ່ວນໃຫ້ເຮັດແຕ່ໄຮ່ແຕ່ນາ ເຮັດສ່ວນ ບໍ່ເຄີຍອອກຈາກບ້ານ ການພັດທະນາຄວາມສາມາດດ້ານການຕິດຕໍ່ການປະສານງານ ແລະການຫາລູກຄ້າ ຫຼືການປະຊາສໍາພັນເປັນເລື່ອງທີ່ເຮັດໄດ້ຢາກແລະຕ້ອງໃຊ້ເວລາ. (ເຄີຍເຮັດແລ້ວແຕ່ຫຼົ້ມ)

3. ປະຈຸບັນ ລັດຖະບານໂດນສະເພາະກຊ ກະສິກໍາ ເວົ້າຫຼາຍເລື່ອງການຈັດຕັ້ງກຸ່ມ ແຕ່ການເຮັດຕົວຈິງວິຊາການບໍ່ມີຄວາມຮູ້ ໄດ້ແຕ່ແນະນໍາ ສັງການ ເຮັດແນວນັ້ນແນວນີ້ ແຕ່ບໍ່ສາມາດ ອໍານວຍໃຫ້ເກີດການຄິດ ການລະດົມແນວຄິດທີ່ມາຈາກຄວາມຕ້ອງການ ຄວາມພ້ອມຂອງຊາວບ້ານ ແລະພັດທະນາຕາມຄວາມສາມາດຂອງເຂົ້າ ສິ່ງຕ່າງໆເຫຼົ່າໜີເຮັດບໍ່ໄດ້ ລະກະພາກັນກິນເງິນເບ້ຍລ້ຽງຂອງໂຄງການເສຍໄປຊື່ໆ

4. ສະນັ້ນເລື່ອງການຄ້າມັນຄວນເປັນໄປຕາມຄວາມເກັ່ງແລະຄວາມຖະນັດຂອງໃຜລາວ ຊາວກະສິກອນມີພຶ້ນທີ່ແລະຄວາມສາມາດດ້ານການຜະລິດ ກະໃຫ້ຊາວກະສິກອນຜະລິດໄປ ແລະຜູ້ປະກອບການມີຄວາມຊ່ຽວຊານດ້ານການປຸງແຕ່ງ ມີທຶນ ແລະມີຄວາມຮູ້ດ້ານການຕະຫຼາດກະເຮັດໄປ ຈຶ່ງຈະເຮັດໃຫ້ວຽກງານສໍາເລັດແລະຕ່າງຝ່າຍໄດ້ຮັບຜົນປະໂຫຍດຕາມສາຍຕະຫຼາດຂອງຕົນ ແຕ່ສິ່ງສໍາຄັນແມ່ນການເຊື່ອງໂຍງແລະໃຫ້ເກີດການບໍ່ເອົາລັດເອົາປຽບກັນຈົນເກີນໄປ ພ້ອມກັບສ້າງອໍານາດໃຫ້ຊາວກະສິກອນສາມາດຕໍ່ລອງ.

ຫວັງວ່າທ່ານຄືສິເຂົາໃຈຈາກການອະທິບາຍນີ້