ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ VII ດຳເນີນມາເຖິງວັນທີ 10 ພະຈິກ 2013 ຢູ່ສະພາແຫ່ງຊາດ ເຊິ່ງເປັນມື້ທີສອງຂອງກອງປະຊຸມດັ່ງກ່າວ ໂດຍເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ມີຮອງປະທານສະພາແຫ່ງຊາດ ບັນດາສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງຕ່າງໆ ແລະ ແຂກຖືກເຊີນເຂົ້າຮ່ວມ.
ສຳລັບມື້ທີສອງຂອງກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ VII ບັນດາ ສສຊ ໄດ້ສືບຕໍ່ປະກອບຄຳຄິດເຫັນໃສ່ບົດລາຍງານຂອງລັດຖະບານ ກ່ຽວກັບສະພາບພົ້ນເດັ່ນ ແລະ ຜົນຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ສະພາບການລົງທຶນຂອງລັດ ແຜນງົບປະມານແຫ່ງລັດ ການເກັບລາຍຮັບເຂົ້າງົບປະມານ ການປະຕິບັດນະໂຍບາຍເງິນຕາໃນປີ 2013 ກໍຄືຜົນການກວດສອບແຜນງົບປະມານ ປະຈຳປີ 2011-2012 ໂດຍ ສສຊ ແຕ່ລະເຂດກໍໄດ້ຜັດປ່ຽນກັນ ຂຶ້ນປະກອບຄຳຄິດເຫັນຢ່າງກົງໄປກົງມາ ພາຍໃຕ້ບັນຍາກາດທີ່ສ້າງສັນ ເພື່ອເປັນການແລກປ່ຽນຄວາມຄິດເຫັນເຊິ່ງກັນ ແລະ ກັນ ພ້ອມກັນຊອກຫາວິທີທາງແກ້ໄຂບັນຫາໃຫ້ມີຄວາມສອດຄ່ອງ ແລະ ເປັນເອກະພາບກັນ
ໃນນີ້ ບັນຫາທີ່ ສສຊ ໄດ້ໃຫ້ຄວາມສົນໃຈ ແລະ ສະເໜີໃຫ້ລັດຖະບານຊີ້ແຈງເພີ່ມຕື່ມ ສ່ວນໃຫຍ່ແມ່ນກ່ຽວກັບມາດຕະການຄຸ້ມຄອງໂຄງການລົງທຶນຂອງລັດ ການຊັບຊ້ອນແຫຼ່ງທຶນ ເພື່ອຈັດຕັ້ງແຜນພັດທະນາຊົນນະບົດ ຍັງມີລັກສະນະຄວາມຫຼຸດໂຕນກັນ ບາງເຂດກໍໄດ້ຮັບທຶນຫຼາຍ ບາງເຂດກໍໄດ້ຮັບທຶນໜ້ອຍ
ນອກນີ້ ມາດຕະການແກ້ໄຂໜີ້ສິນການລົງທຶນຂອງລັດ ໂດຍສະເພາະ ການແກ້ໄຂໜີ້ສິນ ການລົງທຶນນອກແຜນການ ເຫັນວ່າຍັງມີລັກສະນະເພີ່ມຂຶ້ນຫຼາຍ ບໍ່ສອດຄ່ອງ ແລະ ຂາດຄວາມໂປ່ງໃສເທົ່າທີ່ຄວນ.
ການປະຕິບັດລາຍຮັບຂອງຂະແໜງການເງິນ ບໍ່ໄດ້ຕາມແຜນການເກັບລາຍຮັບ ບາງຢ່າງຍັງບໍ່ມອບເຂົ້າງົບປະມານເຊັ່ນ:
ລາຍຮັບຈາກການທັບມ້າງກຸ່ມຄ້າ-ຂາຍຢາເສບຕິດ
ທີ່ດິນ ກໍຄືການຍົກເວັ້ນພາສີບາງຂະແໜງການ
ເຫັນວ່າຍັງບໍ່ມີຄວາມເໝາະສົມ
ພ້ອມນີ້ ສສຊ ຍັງໄດ້ສະເໜີໃຫ້ຂັ້ນເທິງ ໃຊ້ມາດຕະການເດັດຂາດ ຕໍ່ພວກຂາຍເລກເຖື່ອນ ລວມໄປເຖິງການຄ້າຂາຍເຖື່ອນໃຫ້ໝົດໄປ
ເພາະບັນຫານີ້ ກໍເປັນການກົດໜ່ວງ ເຮັດໃຫ້ການເກັບລາຍຮັບບໍ່ໄດ້ຕາມແຜນ
ດ້ານການສະໜອງສິນເຊື່ອຂອງລະບົບທະນາຄານ ເຂົ້າໃນການພັດທະນາເສດຖະກິດ-ສັງຄົມ ແລະ ຈຸດສຸມບຸລິມະສິດກໍເຫັນວ່າຍັງມີໜ້ອຍ ບໍ່ພຽງພໍກັບຄວາມຮຽກຮ້ອງຕ້ອງການ
ພ້ອມດຽວກັນນີ້ ກໍສະເໜີໃຫ້ອົງການທີ່ກ່ຽວຂ້ອງເອົາໃຈໃສ່ຕື່ມ ການຕິດຕາມກວດກາການກະທຳຜິດທາງວິໄນການເງິນ ທັງນີ້ກໍເພື່ອເພີ່ມຄວາມໂປ່ງໃສ ແລະ ຮັບປະກັນໄດ້ຄວາມສັກສິດຂອງກົດໝາຍ.
ກອງປະຊຸມສະພາຄັ້ງນີ້ຟົດຟື້ນຫລາຍເດີ
ຄວນຫັນມາສົນໃຈ ຕິດຕາມການຖ່າຍທອດສົດ
ແລະ ສະເຫນີ ແນວຄິດ ໄປຍັງສາຍດວ່ນ
ເພື່ອຊອ່ຍ ສາມະຊິກ ເພິ່ນໄດ້ມີຄຳເຫັນເພີ້ມໃຫ້
ໂດຍສະເພາະ ບັນຫາເລື້ອງເງິນຮົວ່
Anonymous wrote:ກອງປະຊຸມສະພາຄັ້ງນີ້ຟົດຟື້ນຫລາຍເດີຄວນຫັນມາສົນໃຈ ຕິດຕາມການຖ່າຍທອດສົດ ແລະ ສະເຫນີ ແນວຄິດ ໄປຍັງສາຍດວ່ນເພື່ອຊອ່ຍ ສາມະຊິກ ເພິ່ນໄດ້ມີຄຳເຫັນເພີ້ມໃຫ້ ໂດຍສະເພາະ ບັນຫາເລື້ອງເງິນຮົວ່
ຂ້າພະເຈົ້າໄດ້ຍີນເພີ່ນເວົ້າບັນຫາເງີນງົບປະມານ ຫລື ລາຍຮັບຮົ່ວໄຫລ
ນີ້ມາແຕ່ດົນນານແລ້ວ ແຕ່ບໍ່ເຫັນເພີ່ນມີຄຳສັ່ງ ຫລືວາງມາດຕະການອັດ
ປ່ອງຮົ່ວໄຫລນີເລີຍ, ເຫັນແລ້ວ ກໍປ່ອຍໃຫ້ຮົ່ວຢູ່ຫັ້ນ
ພວກເພີ່ນປະຊຸມພໍໄດ້ເງິນເບ້ຍລ້ຽງ ເງິນຮົ່ວໄຫລການສວຍໃຊ້ຫນ້າທີ່
ມີຫລວງຫລາຍ ບໍ່ແກ້ໄຂຈັກເທືອ ທາງທີ່ດີຫາແນວທາງປະຢັດງົບປະມານຂອງປະເທດ
ການໃຊ້ຈ່າຍຟູມເຟຶອຍ ຂອງພວກມີອຳນາດ ອາດຍາສິດຍຸກໄຫມ່ທັນສະໄຫມ ດຽວນີ້ມັນລະພີລຶກກຶກກືຫລາຍ.
ຂ້ອຍຢາກເຂົ້າໄປຟັງ ປະຊຸມສະພາຈະໄດ້ບໍ
ໃຜລະ ບໍ່ມອບ ລາຍຮັບຈາກການທັບມ້າງກຸ່ມຄ້າຂາຍຢາເສບຕິດ ???
ເປັນຫຍັງຈຶ່ງມີພຽງແຕ່ໃຫ້ເອາໃຈໃສ່ພວກທີ່ເຮັດຜິດວິໃນການເງິນ?
ແຕ່ພັດມາວາງມາດຕະການເດັດຂາດກັບພວກຂາຍຫວຍເຖື່ອນ!
ກອງປະຊຸມມື້ນີ້ລະແມ່ນວ່າເນາະ,ລະມີການຕົບມື,ລະແມ່ນວ່າມີການວາສອກເຫັນດີ
ເຫັນງາມໝົດທຸກສິ່ງ.ລະແມ່ນວ່າເນາະ,ທຸກຢ່າງດີເມັດ.ອັນລົດຫວຽດແກ່ໄມ້ໜັກ
ເກີນກຳນົດຈົນເຮັດໃຫ້ຂົວຫັກລະແມ່ນວ່າຕົດຫຼຳກະບໍ່ເປັນລະນໍ.
ທ່ານທອງສິງ ເຖິງວ່າເພິ່ນສິເວົ້າກັບໄປກັບມາ ແຕ່ກໍ່ເຫັນວ່າເວົ້າຢ່າງຈິງໃຈແລະເປີດເຜີຍຂໍ້ມູນບາງສ່ວນໃຫ້ສາທາລະນະຊົນຮັບຊາບ ແຕ່ເລື່ອງມາດຕະການການເອົາຈິງກັບຜູ້ກະທໍາຜິດຍັງບໍ່ຊັດເຈນ ຢາກໃຫ້ເພິ່ມເຂັ້ມແຂງກວ່ານີ້ເພື່ອສູ້ກັບມະເຮັງຮ້າຍທີ່ກົດກິນແລະທໍາລາຍປະເທດມາດົນນານນີ້ໃຫ້ທຸເລົາລົງ ເພິ່ນເວົ້າເລື່ອງການສໍ້ລາດບັງຫຼວງຍັງບໍ່ເຕັມປາກເຕັມຄໍາ ຢາກໃຫ້ມີຄວາມເດັດດ່ຽວກ່າວນີ້
ສຳມະຊິກສະພາແຫ່ງຊາດກັບສຳມະຊິກຜູ້ແທນລາດຊະດອນຄືກັນບໍ??
ເຮົາປະຊາຊົນບໍ່ຫວັງຫຍັງຈາກສະພາດອກ ມີຫຼືບໍ່ມີສະພາ ກະບໍ່ສຳຄັນແມ່ນແຕ່ໜ້ອຍນິດ ເພາະສະພາບໍເຄີຍເອົາເຂົ້າມາໃຫ້ກິນ ດີແທ້ລtໃຫ້ພວກເພິ່ນເຊົາປະຊຸມເສັຍ ເພາະບໍ່ເຫັນຊິແກ້ໄຂຫຍັງໄດ້ຈັກຢ່າງ. ການໂກງກິນເງິນລັດກະຮູ້ຢູ່ວ່າແມ້ນໃຜໂກງ ແຕ່ກະບໍ່ເຮັດຫຍັງ ຊິໃຫ້ປະຊາຊົນຕາດຳໆບໍ່ຮູ້ອີ່ໂນ່ ອີ່ເນ່ນີ້ວາເປັນຜູ້ທຳລາຍມາເຟັຽ ຊັ້ນພວກທ່ານອາສາມາເປັນຜູ້ແທນເພື່ອຫຍັງກັນແທ້ ???
Anonymous wrote: ເຮົາປະຊາຊົນບໍ່ຫວັງຫຍັງຈາກສະພາດອກ ມີຫຼືບໍ່ມີສະພາ ກະບໍ່ສຳຄັນແມ່ນແຕ່ໜ້ອຍນິດ ເພາະສະພາບໍເຄີຍເອົາເຂົ້າມາໃຫ້ກິນ ດີແທ້ລtໃຫ້ພວກເພິ່ນເຊົາປະຊຸມເສັຍ ເພາະບໍ່ເຫັນຊິແກ້ໄຂຫຍັງໄດ້ຈັກຢ່າງ. ການໂກງກິນເງິນລັດກະຮູ້ຢູ່ວ່າແມ້ນໃຜໂກງ ແຕ່ກະບໍ່ເຮັດຫຍັງ ຊິໃຫ້ປະຊາຊົນຕາດຳໆບໍ່ຮູ້ອີ່ໂນ່ ອີ່ເນ່ນີ້ວາເປັນຜູ້ທຳລາຍມາເຟັຽ ຊັ້ນພວກທ່ານອາສາມາເປັນຜູ້ແທນເພື່ອຫຍັງກັນແທ້ ???
Like 10000000000000000000000000000000000000000000000000000000000000000000000000000000000000000000000000000000000
Anonymous wrote:ທ່ານທອງສິງ ເຖິງວ່າເພິ່ນສິເວົ້າກັບໄປກັບມາ ແຕ່ກໍ່ເຫັນວ່າເວົ້າຢ່າງຈິງໃຈແລະເປີດເຜີຍຂໍ້ມູນບາງສ່ວນໃຫ້ສາທາລະນະຊົນຮັບຊາບ ແຕ່ເລື່ອງມາດຕະການການເອົາຈິງກັບຜູ້ກະທໍາຜິດຍັງບໍ່ຊັດເຈນ ຢາກໃຫ້ເພິ່ມເຂັ້ມແຂງກວ່ານີ້ເພື່ອສູ້ກັບມະເຮັງຮ້າຍທີ່ກົດກິນແລະທໍາລາຍປະເທດມາດົນນານນີ້ໃຫ້ທຸເລົາລົງ ເພິ່ນເວົ້າເລື່ອງການສໍ້ລາດບັງຫຼວງຍັງບໍ່ເຕັມປາກເຕັມຄໍາ ຢາກໃຫ້ມີຄວາມເດັດດ່ຽວກ່າວນີ້
ສິໃຫ້ເພິ່ນເວົ້າໄປຫຼາຍກວ່ານັ້ນໄດ້ແນວໃດ,ນອກຈາກງູສິເອົາຂາອອກໃຫ້ໄກ່ເບິ່ງກ່ອນ.ໄກ່ກະຈຶ່ງສິກ້າໂຊນົມ.
ແນວວ່າແຕ່ລະຝ່າຍມີແນວຂວາງພໍໆກັນສໍ່າຄົນຫົວລ້ານກັບຄົນຜົມບໍ່ມີກະບໍ່ມີໃຜຊິດີລື່ນໃຜແມ່ນບໍ່?
ທາງອອກກະຄືພ້ອມຢູ່ຮ່ວມກັນກັບຄວາມຊົ່ວຕໍ່ໄປ.ຄົນຮັບກັມກະຄືປະຊາຊົນ ແລະ ປະເທດຊາດ.
ໃຜມີຫັຽງຢາກສເນີຜ່ານຜູ້ແຫ່ນທີ່ໜ້ານີ້ກໍ່ເຊີນເດີ.
ຖ້າຜູ້ໄດມີໂອກາດໂທລະສັບ ຝາກຜູ້ແທນທີ່ເປັນຕົວແທນປະຊາຊົນແດ່ ວ່າ ໃຫ້ປາບການສໍ້ໂກງໄວໆແດ່ ແລະ ໃຫ້ອອກກົດຫມາຍຕ້ານການສໍ້ໂກງໃຫ້ເຄັ່ງຄັດແດ່ ເຊັ່ນ: ໂກງ ສິບລ້ານກີບ ປະຫານຊີວິດ ໂກງຫ້ານລ້ານກີບຈຳຄຸກຕະຫລອດຊີວິດ.
ແລະປັນຫາທີ່ຢາກສະເຫນີເລື່ອງ ຊິວິດການເປັນຢູ່ຂອງຊາວບ້ານ ຢາກໃຫ້ຜູ້ແທນອອກກົດຫມາຍບັງຄັບເລື່ອງລາຄາສິນຄ້າກະສິກຳ ແລະການຕອບສະຫນອງ ເຄືອງອຸປະໂພກບໍລິໂພກໃຫ້ພຽງທີ່ມັນຈຳເປັນ
ແລະ ປັນຫາທີສາມ ຢາກໃຫ້ຜູ້ແທນປະຊາຊົນ ອອກກົດຫມາຍ ຫ້າມການນຳ ຜູ້ບໍລິຫານ ຂຽນຫລືລາຍງານຂີ້ຕົວະ ແຜ່ນການ ກັບຄວາມຈິງໃຫ້ມັນສອງຄ່ອງກັນ ເຊັ່ນ
ປີນັ້ນປິນີ້ຊີຫລຸດຜ່ອນຄວາມທຸກຈົນໃຫ້ໄດ້ເທົ່ານັ້ນເທົ່ານິ້ິເປິເຊັນ ຖ້າເຮັດໄດ້ສົມຄວນເພີ່ມຕຳແຫນ່ງ ຖ້າເຮັດບໍໄດ້ສົມຄວນຊິເອົາໄປລົງໂທດ ຍ້ອນເປັນການຂີ້້ຕົວະ ປະຊາຊົນ ຕົວະຕົວເອງ ເປັນທາງການ ແລະ ບໍເປັນຄວາມຈິງ
ປັນຫາທີ່ຢາກສະເຫນີ ອີກ ຄືກ່ຽວກັບການຍ້ອງຍໍສະຫລາດ ຫລືມີປັນຍາ ຫ້ານ ຄັນເຮັດວຽກບໍສົມກັບຍ້ອງກະຢ່າໄປຍ້ອງ ອາຍຊາວໂລກເຂົາ ຄັນສະຫລາດພັດຍັງໄປຂໍການຊ່ວຍເຫລືອ ຢາກມາກມາຍມະຫາສານຈາກຕ່າງປະເທດ.
ຖ້າໄຜມີໂອກາດໄດ້ໂທໄປ ບອກຜູ້ແທນປະຊາຊົນ ແດ່ ສ່ວນບໍ່ແມ່ນຜູ້ແທນປະຊາຊົນ.
ຕ່າງຄົນຕ່າງມີແຜ ກໍ່ເລີຍບໍ່ກ້າໄປເກົາແຜຜູ້ອື່ນ
ເຫັນດີ ເພາະທີ່ເຮົາເຫັນມັນເປັນສະພາ Joke
ເຫັນວ່າຫລາຍຄົນ ມີຄວາມຄິດຄວາມເຫັນກ່ຽວກັບສະພາທ່ີ່ມີມູມມອງແນວຄິດແຕກຕ່າງກັນໄປ ສ່ວນໃຫຍ່ເຫັນວ່າສະພາບໍ່ມີນໍ້າຢາຫຍັງ ພຽງເປັນຫຸ່ນເຊີດຫລືອີກດ້ານໜຶ່ງພັດວ່າສະພາໂຈກ Make a Joke ເພາະບໍ່ສາມາດແກ້ໄຂບັນຫາຫຍັງໄດ້ ມີຫລາຍອັນສະເໜີໄປແລ້ວບໍ່ມີຫຍັງປ່ຽນແປງ ແຕ່ ຍັງສືບຕໍ່ຂີ້ຮ້າຍກວ່າເກົ່າ.ເວົ້າສະເພາະທາງດ້ານພຶດຕິກຳໂຕຈິງກໍເຫັນວ່າ ຜູ້ແທນບໍ່ສາມາດເປັນຕົວແທນຂອງປະຊາຊົນໄດ້ໃນການເຮັດພາລະບົດບາດຂອງຕົນ ຄືໃນໄລຍະກອງປະຊຸມເພີ່ນເປີດສາຍດ່ວນໂດຍແຈ້ງການອອກທາງວິທະຍຸທີວີແລະໜັງສືພິມໝາຍເລກໂທ:165ໃຫ້ຄົນໂທເຂົ້າແລະເອົາເອກກະສານຄວາມຄິດຄວາມເຫັນຂອງປະຊາຊົນທ່ີມີຄວາມສົນໃຈບັນຫາຕ່າງໆມາສົ່ງໃຫ້ສະພາ ແຕ່ແລ້ວເພີ່ນກໍບໍ່ຮັບຫລືຮັບແລ້ວກໍອາດແມ່ນຖິ້ມລົງກະຕ່າຂີ້ເຫຍື້ອໝົດ ອັນສະແດງອອກແຈ້ງທ່ີສຸດແມ່ນເພີ່ນຂຽນປະກາດຕົວໜັງສືບັກໃຫຍ່ໃສ່ປ້ອມຕຳຫລວດ ວ່າ:ບໍ່ຮັບເອກະສານຮ້ອງທຸກແລະເອກະສານຕ່າງໆໃນໄລຍະກອງປະຊຸມ ຄັນຊັ້ນເພິ່ນຊິໄປຮັບຍາມໃດ?ນອກນັ້ນ ແມ່ນແກ່ ຮົ້ວອ້ອມເດີ່ນສະໜາມທາດຫລວງເກືອບໝົດປະຊາຊົນໄປໄກ້ບໍ່ໄດ້.ສະພາປະເທດອື່ນທ່ີເປັນຂອງປະຊາຊົນເປັນຕົວແທນຂອງປະຊາຊົນເພີ່ນອະນຸຍາດໃຫ້ປະຊາຊົນ,ຄູອາຈານ,ນັກຮຽນ,ນັກສຶກສາໄປສັງເກດເບິ່ງວ່າຜູ້ແທນເຮັດວຽກແນວໃດແທ້.ອັນນີ້ເປັນຕົວແທນຂອງປະຊາຊົນພັດຢ້ານປະຊາຊົນເອງ.ມັນໝາຍຄວາມວ່າແນວໃດທ່ານນາງປານີ?ຖ້າຫາກຍັງຕິດປະກາດວ່າໃນໄລຍະດຳເນີນກອງປະຊຸມບໍ່ຮັບສາຍດ່ວນແລະເອກກະສານຮ້ອງທຸກຂອງປະຊາຊົນແລ້ວໄປປະາກາດເຮັດຫຍັງຄືບໍ່ອັດໄວ້ເລີຍ ປະກາດຫ້າມແລ້ວຍັງບໍ່ແລ້ວເອົາຕຳຫລວດມານັ່ງເຝົ້າອີກ ຈັ່ງແມ່ນຢ້ານປະຊາຊົນແທ້ນໍ່ ຕົວແທນຂອງປະຊາຊົນເອີຍຕັ້ງຂຶ້ນມາເຮັດຫຍັງແທ້ ຫລືວ່າຢາກເຮັດຄືສະພາປະຊາຊົນແບບລະບອບສຸເທບ-ອະພິສິດນັ້ນບໍ່? ຂໍໃຫ້ທຸກຄົນມີຄວາມເຫັນຊ່ວຍກັນແດ່ ວ່າມັນແມ່ນແນວໃດ ຈະຮັບຄຳເຫັນຫລືຮ້ອງທຸກຂອງປະຊາຊົນຕອນໝົດກອງປະຊຸມພຸ້ນບໍ່?ຈາກປະຊາຊົນລາວທ່ີບໍ່ມີຕົວແທນເຂົ້າຮ່ວມກອງປະຊຸມສະພາແຫ່ງຊາດ.
ແມ່ນຄວາມຫັ້ນລະຈຳເປັນໄປອ້ອມເຮັດຫຍັງ ເຊື່ອໝັ້ນປະຊາຊົນຕົວເອງແດ່ ເພາະເຂົາເຈົ້າເປັນຜູ້ເລືອກເອົາບັນດາທ່້ານເອງ ຖ້າຢ້ານຫລາຍກໍຍ້າຍສະພາໄປຢູ່ໄກໆຊະ ຈະບໍ່ໄດ້ກັງວົນຫຍັງ ຂີ້ດິນຢູ່ເມືອງລາວບໍ່ໄດ້ອຶດບໍ່ໄດ້ຢາກ ໄປຢູ່ນອກເມືອງລົດກະບໍ່ຕິດຕື່ມ ອັນນີ້ເອົາໄວ້ເປັນສະຖານພິພິທະພັນພະທາດຫລວງຈະດີກວ່າມາເຮັດສະພາໃສ່ ແຂກໄປໄທມາກ່ອນຈະໄປຢາມພະທາດກໍເຂົ້າມາເບິ່ງປະຫວັດຮູບປັ້ນຈຳລອງ ວັດຖຸບູຮານກ່ຽວກັບພະທາດກ່ອນເວລາໄປເບີງໄປຊົມຈຶ່ງເຂົ້າໃຈໄດ້ງ່າຍ.ປະເທດໃດເຂົາກໍເຮັດແນວນັ້ນ ບັນດາທ່ານຜູ້ນຳຄືຈະໄປເຫັນຫລາຍປະເທດມາແລ້ວໃຫ້ພາກັນຄິດງຳແດ່ ເພື່ອວັດທະນະທຳໄວ້ໃຫ້ລູກຫລານໄດ້ຍໍມືສາທຸນຳບັນດາທ່ານເອີຍ.
ຢາກໃຫ້ຜຸ້ແທນປະຊາຊົນມາອ່ານຫົວຂໍນີ້ເດະນໍ ສ່ວນຜູ້ແທນພັກລັດ ເພີ່ນບໍສົນໃຈດອກນຳປະຊາຊົນດອກ
ຄັນຜູ້ແທນຂອງປະຊາຊົນແທ້ຕ້ອງຮັບຟັງສຽງຂອງປະຊາຊົນ ພັດທະນາປະເທດຊາດ ປາບປາມພວກສວຍໃຊ້ຫນ້າທີ່ ປາບປາມພວກເອົາລັດເອົາປຽບປະຊາຊົນ.
ເຫັນພ້ອມກັບຄວາມເຫັນຂອງທ່ານ.ແຕ່ຢາກເນັ້ນໜັກຄືຜູ້ສາວນັ່ງຕໍບ່ອນໂຕໜັງສືສີແດງໃສທີ່ຂີດກ້ອງວ່າ
ບໍ່ແມ່ນເພິ່ນຢາກຮຽກແບບລະບອບສຸເສບ-ອະພິສິດ ດອກ.ກົງກັນຂ້າມແມ່ນເພິ່ນເປັນເຈົ້າຕຳລາຕົ້ນສບັບ.
ເຜີໆອາດແມ່ນພວກເພິ່ນເອງເປັນຜູ້ທ່າຍທອດວິຊານີ້ໃຫ້ນ້ອງຖັດເພິ່ນ.ຕາມນະໂຍຍາຍກົງຫຼໍ້ປະຫວັດ
ສາດມີແຕ່ເດີນໄປຂ້າງໜ້າເພື່ອໃຫ້ໄປເຖິງ ສິງກະໂປ,ມາເລ ຈົນທົ່ວແຫຼມທອງໃນປີ 2020.ເວລານັ້ນ
ລາວກໍ່ກາຍເປັນປະເທດຮັ່ງມີ ແລ້ວຈະໄດ້ເຮັດໜ້າທີສັງຄົມນິຍົມຊ່ວຍນ້ອງໄໝ່ໃນເຄື່ອຄ່າຍຄືນດ້ວຍ
ຕາມພັນທະສາກົນກຳມະຊີບ.ຄືແນວນັ້ນສັງເກດໄດ້ການຕ້ອນຮັບທັກສິນຂອງລາວ ແລະ ຂອງ
ຣາຊອານາຈັກກັມພູຊາຈຶ່ງຕ່າງກັນ,ເພາະບໍ່ຢາກໃຫ້ຜິດໃຈນ້ອງຖັດ ແລະ ອ້າຍຖັດ ເພິ່ນ.
